Білім беру бағдарламасы «Назарбаев Зияткерлік мектептері»
Негізгі мектеп (6–10‑сыныптар)
жүктеу/скачать 0.73 Mb. Pdf көрінісі
|
- Бұл бет үшін навигация:
- 6.4. Жоғары мектеп (11–12‑сыныптар)
| 6.3. Негізгі мектеп (6–10‑сыныптар)
Негізгі мектептің міндеті – оқушыларға қажетті базалық білім негіздерін меңгеруге, жа- ратылыстану-математика бағыты бойынша өз бетінше оқу, жобалау және зерттеу жұмыстарын үйлестіре отырып, бейінді оқу түрін таңдауға және тұлғалық қасиеттерін дамытуға жағдай жасау. Нормативтік оқу мерзімі – 5 жыл (6 –10-сыныптар). Ұсынылатын оқушы жасы – 11 жастан 16 жасқа дейін. Негізгі мектепті бітірген оқушылардың бойында төмендегідей қасиеттер қалыптасады: - негізгі құндылықты көзқарастар және тұлғаның әлеуметтік маңызды қасиеттері; - өзін-өзі дамытуға, дербестікке, бастамашылдыққа және өзін-өзі тұлға ретінде анықтауға дайындық; - дүниені тануға, оқуға және мақсатты іс-әрекетке ынталандыру; - әлеуметтік-эмоциялық, практикалық және физикалық дағдылардың жеткілікті (орташа) деңгейі; - әр білім беру саласы мен әрбір пәнге тән жаңа білім алу, оны түрлендіру және функцио- нал дық тұрғыдан қолдану тәжірибесі, оның ішінде оқу және әлеуметтік жобаларды жүзеге асыру; - жоғары мектепке көшуге, өзінің қызығушылықтары мен қабілеттеріне сәйкес жеке оқу траекториясын құруға дайындық. 21 | 6.4. Жоғары мектеп (11–12‑сыныптар) Жоғары мектепте оқытудың басты міндеті – жаратылыстану-математика бағытында бейінді оқытуды жүзеге асыру және жоғары оқу орындарына түсу үшін оқушылардың академиялық даяр- лығын қамтамасыз ету. Жоғары мектепте оқушылардың коммуникативтік, әлеуметтік, зерттеушілік дағдылары мен мәселелерді шеше білу қабілеттері белсенді әрі мақсатты түрде дамытылады. Бұл кезеңде оқушыларға өз-өзін тануға және әлеуметтік, азаматтық, кәсіби бағытын анықтауға мүмкіндік беріледі. Нормативтік оқу мерзімі – 2 жыл (11 –12-сыныптар). Ұсынылатын оқушы жасы – 16 жастан 18 жасқа дейін. Жоғары мектепті бітіргеннен кейін оқушыларда төмендегідей дағдылар қалыптасады: - негізгі құндылықты көзқарастар және тұлғаның әлеуметтік маңызды қасиеттері; - өмір бойы білім алуға, өзін-өзі жетілдіруге және өзін-өзі дамытуға ынталы болуы. - эмоциялық интеллект, физикалық белсенділік, шығармашылық хобби және салауатты өмір салтын ұстанудың жоғары деңгейін білдіретін әлеуметтік-эмоциялық, практикалық және физикалық дағдылар; - әр білім беру саласы мен әрбір пәнге тән жаңа білім алу, оны түрлендіру және функцио- нал дық тұрғыдан қолдану тәжірибесі, оның ішінде білімдік, зерттеушілік және әлеу- меттік жобалар; - қазақ, орыс және ағылшын тілдерінде білім алу дағдысы. - үздік ұлттық және шетелдік оқу орындарына түсуге дайын болуы. |