Бақылау сұрақтары:
1) Банктік ресурстарды қалыптастыру көздері неден тұрады?
2) Банктің пассивтік операциясы дегеніміз не?
3) Банктің меншікті қаражаттары қандай баптардан құралады?
4) Депозит дегеніміз не?
5) депозиттік емес қаражаттарға не жатады?
Әдебиеттер: Н:1-5 .Қ: 1-6
Тақырып 6: Несиелеу жүйесі және оның элементтері. Несиелеуді ұйымдастыру
Сабақтың мақсаты: Несиелеу жүйесі және оның элементтері, сызбасы, процессі туралы түсінік қалыптастыру. Қазақстан Республикасының несие жүйесінің қазіргі жағдайына талдау жасау
Глоссарий
Тұтыну несиесі - бұл жеке тұлғаларға тұтыну тауарларын сатып алу үшін және тұрмыстық қызметтерді өтеуге берілетін несие.
Ипотекалық несие – бұл қозғалмайтын мүліктерді (тұрғын үйді, өндіріс ғимараттарын, жерді және т.с.с.) кепілге ала отырып, ұзақ мерзімге берілетін несиені білдіреді.
Овердравт несиесі – клиенттің шотынан қаражатты шегеру арқылы ондағы дебеттік қалдық бойынша берілетін қысқа мерзімді несиенің формасы.
Овернайт несиесі – өтімділікті қолдау мақсатында бір түнге берілетін банкаралық несиенің түрі.
Онкольдық несие – кредитордың алғашқы талабы бойынша өтелетін қысқа мерзімді несие.
Банкаралық несие – банктердің бір-біріне беретін несиесі.
Ломбардтық несиесі – тез іске асатын бағалы заттарды немесе бағалы қағаздарды кепілге алып, берілетін несие.
Лизингтік несие - құрал-жабдықтарды жалға алумен байланысты берілетін несие.
Рамбурстық несие – шикізаттарды ішке алып кіру және жартылай фабрикат және дайын өнімдерді сыртқа шығару тәжірибесінде пайдаланылатын несие.
Сенім несиесі – банктің сеніміне кірген, төлем қабілеті жоғары клиенттерге берілетін несие.
Достарыңызбен бөлісу: |
