Созылмалы лимфолейкоздың ісіктік түрінде әр жерде орналасқан лимфа түйіндері анағұрлым өсіп кетеді (диаметрлері 6-8 см жетеді), ал лейкоцитоз бен лимфоцитоз онша жоғары болмайды (10-20х109/л). Көбіне жас адамдар ауырады.
Сүйек миылық түрінде ауыр цитопения болады (сүйек миында ұсақ лимфоциттердің жайылмалы инфильтрациясы болатынына байланысты). Лимфа түйіндері, бауыр және талақ өспейді.
Талақтық түрінде спленомегалия басым болады. Лимфа түйіндері өспейді, немесе олар болмашы өседі, сублейкемиялық лимфоцитоз байқалады. 5% жағдайда кездеседі.
Созылмалы лимфолейкоздың абдоминальдық түрінде іш қуысының лимфа түйіндері басым зақымданады.
Созылмалы лимфолейкоздың пролимфоцитарлық түрі шеткі қанда абсолюттік лимфоцитоз болатынымен және қан жағындысында пролимфоциттердің басым болуымен сипатталады.
Созылмалы лимфолейкоздың Т-клеткалық варианты 1,5-5% жағдайда кездеседі, онда спленомегалия мен терінің зақымдануы жеке түрде кездеседі, лейкоциттер саны 15х109/л шамасында. Патологиялық Т-лимфоциттердің В-лимфоциттерден айырмашылығы өте аз. Олардың цитоплазмасының зонасы кендеу боладыCD8, сирегірек CD4, цитоплазмасында азурофильді гранулалар анықталады. Бұл клеткаларда міндетті түрде кездесетін цитохимиялық белгі – олардың лизосомальдық түйіршіктерінде қышқылды фосфатазаның жоғарғы дәрежелі активтілігінің болуы. Иммунологиялық параметрлеріне қарағанда Т-клеткалары көбіне CD4+ CD8+, өте сирек жағдайда CD4- CD8+ фенотиптеріне жатады. Ауру тез үдеп дамиды, бласттық криз болуы мүмкін.
Созылмалы лимфолейкоздың дамуында төмендегідей сатыларды бөледі:
Нөл сатысы – орташа дәрежелі лейкоцитоз бен абсолюттік лимфоцитоз анықталады, лимфа түйіндерінің жүйелі ұлғаюы жоқ.
І сатысы – нөл сатысындағыдай + лимфа түйіндерінің орташа дәрежелі ұлғаюы;
ІІ сатысы – айқын лейкоцитоз және абсолюттік лимфоцитоз, лимфа түйіндері айқын өскен, оларға қоса спленомегалия болады;
ІІІ сатысы – ІІ сатысындағыдай + гемоглобиннің < 110 г/л;
IV сатысы – ІІ сатысындағыдай + тромбоцитопения < 100х109/л.
Достарыңызбен бөлісу: |
