«Дүниежүзі тарихы» пәнінен қалыптастырушы бағалауға арналған тапсырмалар жинағы

Жоғары деңгей дағдылары

Берілген мәтінді бойынша дағдарысқа дейінгі, Дж. Кейнстің теориясын және оның әлемдік экономикаға ықпалын түсіндіріңіз.

Кейнс 1936 жылы шыққан «Жұмыспен қамтудың, ақшаның және пайыздың жалпы

теориясы» деген басты еңбегінде экономикалық мәселелерді реттеудің макроэкономикалық негіздерін жасай отырып, микроэкономикалық талдау шеңберінде шешіле алмайтын көптеген сұрақтарға жауап бере алды. Осы теория негізінде экономикалық екінші құрамдас бөлігі – макроэкономика қалыптасты. Кейнстің бұл еңбегі оны және оның теориясын әйгілі етті.

Кейнстің басты идеясы бойынша экономиканы мемлекет реттеуі керек. Өйткені, таза нарық жағдайында экономиканың күрделі мәселелері, атап айтсақ, жұмыссыздық, инфляция, экономиканың кезеңдік ауытқуы, әлеуметтік қамсыздандыру, халықтың әл-ауқаттылығын жақсарту сияқты күрделі мәселелер өздігінен шешілуі мүмкін емес, осыларды реттеу үшін мемлекет нарыққа міндетті түрде араласады.

Кейнс кері себепті-салдарлы байланыс - тұтас сұраным ұсынымды тудырады дегеннің болатындығына сендірді. Егер тұтас сұраным жеткіліксіз болса, онда өндіріс көлемі жұмыспен толық қамтамасыз етілген жағдайдағы әлуетті сұранымға тең болмайды. Икемсіз баға кезінде экономика жұмыссыздықтың жоғары деңгейінде ұзақ уақыт бойы тоқырау жағдайында болады. Бұдан шығатын қорытынды - мемлекет сұранымды ынталандыруға бағытталған белсенді макроэкономикалық саясатты жүргізе отырып, экономиканың дағдарыстан шығуына ықпал етуге тиіс.

• 
  Дағдарысқа дейінгі экономикалық жүйенің ерекшелігін жазады;
  

• 
  Дж.Кейнстің экономикалық теориясының ерекшелігін жазады;
  
• 
  Дағдарыстан кейінгі қаржы жүйесіндегі өзгерісті сипаттайды.
  

Әлем елдері Ұлы дағдарыстан қалай шықты?