Домна пештерінің құрылғылары және қызмет көрсету

1) құрылысы (монтаждау) аяқталғаннан кейін немесе қайта конструкцияланғаннан кейін домна пешінің қаптамасы, ауа қыздырғыштары және шаң аулағыштары, лас газдың газ өткізгіштері, ыстық және суық үрлеудің ауа өткізгіштері ҚР ҚНжЕ 5.04-18-2002 талаптарына сәйкес беріктік пен тығыздыққа сынақтан өткізіледі;

2) отқа төзімді материалдардың сапасы 1598-96, 221165-(ИСО15), 390-96, 2642.0.86 МСТ талаптарына сәйкес келеді;

3) домна пештерін және олардың көмекші құрылғыларын астарлау және кептіру бойынша жұмыстар домна пештерін астарлау және кептіру бойынша технологиялық регламентке сәйкес жүргізіледі;

4) домна пештері шахталарының жоғарғы жақ қаптамаларының төбесіне жөндеу жұмысын жасау үшін алынбалы тығындары бар дөңгелекше люктер қойылады;

5) домна пешінің биіктігі бойынша отқа төзімді астарының температурасын өлшеу нүктесі және олардың шекті рұқсат етілетін шамалары жобамен анықталады және техникалық төлқұжатта көрсетіледі;

6) пештердің отқа төзімді қалауларын бақылау термопаралары істен шыққан жағдайда домна пеші тоқтатылғаннан кейін орнына келтіріледі;

7) домна пешінің қаптамаларының саңылаусыздығы қаралады. Тоңазытқыштарды орнату кезінде пештің саңылаусыздығының бұзылуына жол берілмейді;

8) пештер қаптамалары барлық биіктігі бойынша температураны бақылау құралымен жабдықталады.

Домна пешінің қаптамасының температурасын өлшеу нүктесі жобада анықталады;

9) домна пештерінің қаптамаларының температурасы ауысым сайын бақыланып домна пешінің жұмыс журналында белгіленеді. Пештердің қаптамасының қызуының белгілері (150⁰ С жоғары) пайда болған кезде қаптаманың температурасын төмендету шаралары қабылданады;

10) домна пештерінің қаптамаларында немесе тоңазытқыштардың фланцтарында үру қысымы жел өткізу мен жарықтардың пайда болған кезде пешті тоқтатуға дейін барады және табылған ақауларды жою бойынша шаралар қабылданады;

11) домна пештерінің колошник көтергіші ғимаратының, поддоменниктің, құю ауласының шатыр конструкциясы, сонымен қатар төсеніштер мен жұмыскерлер қоршаулары мен тексеру қоршаулары олардың қалыпты пайдалануы қамтамасыз етіледі;

12) домна цехтарының газ шаруашылығы газ қаупі бар жұмыстарды қауіпсіз жүргізуді ұйымдастыру бойынша талаптарға сәйкес келеді.

31. Домна пештерінің ірге тасы:

1) көлемдерін ұлғайта отырып домна пештерін қайта құру кезінде ескі ірге тастарды қолдану бұл ірге тастардың жобалау нормасына сәйкес пайдалануы тексеріледі;

2) домна пештеріне әрбір күрделі жөндеулерден өткізер алдында пештердің ірге тастарының құрылымы құрамында жөндеу және жобалау ұйымының-жоба авторлары және жөндеу ұйымының өкілдері бар комиссия зерттеу жүргізеді. Зерттеу нәтижелері, комиссияның қорытындысы мен ұсыныстары актімен рәсімделеді. Пешті түбегейлі жөндеу зерттеу мәліметтері массивтердің зақымдалмаған бөлігіне дейін ірге тастарды, пештабандарды тазартқаннан кейін жөндеуге тоқтату аралығында анықталады.

Комиссияның шешімін орындау бойынша жобалау жұмыстары лицензиядан өткізілген жобалау ұйымымен іске асырылады.

Домна пештерінің ірге тасының құрылымын уақытымен зерттеу және жағдайын бақылауды ұйымдастыру кәсіпорынның техникалық басшысымен жүзеге асырылады;

3) дің, пеш табандары бойынша температураны өлшеуді қамтамасыз ететін донна пешін салқындатқыш үстіне, пештабандар шектерінде орналасқан термопара көмегімен бақыланады. Термопаралар көрсеткіштері пешті пультпен басқарудың құралдарында белгіленеді;

4) домна пешінің ірге тасына өндірудегі қалдықтарды және материалдарды қоюға жол берілмейді. Ірге тастар үнемі қалдықтардан тазартылып тұрады;

5) домна пештерінің ірге тастарының жанына судың жиналып қалуына және ірге тастарға тиюіне жол берілмейді;

6) домна пешінің ірге тасының жанында орналасқан су жинағыш науаларда қоқыстар мен кірдің болуына жол берілмейді;

7) домна пештерінің ірге тастары тәуліктің түнгі уақытында жарықтандырудың нормасына сәйкес жарықтандырылады.

32. Пештабандар, көрік және үрлегіш:

1) пештабандарды ауамен салқындату кезінде пешке ауаны беру екі желдеткішпен орындалады, оның біреуі резервте тұрады. Желдеткіштерді басқарудың пульті желдеткіш құрылғыларында орналастырылады;

2) пештабанды ауамен салқындатудағы жұмыс істеп тұрған желдеткішті тоқтату кезінде резервтегі желдеткішті жұмысқа қосу қажеттілігі туралы дыбыстық белгі беріледі. Дыбыстық дабыл беру пешті басқарудың пультіне шығарылады;

3) шойынның ағызу тесігі көрігінің қаптамасы жылудан оқшауландырылған.

33. Үрлегіш және қождық аспаптар:

1) негізгі тоңазытқыш және қожды аспап үрлегіші бір уақытта үрлегіш үшін тірек болатын су беруші және шығарушы құбырларға бекітіліп тұрады. Негізгі және аралық тоңазытқыштар, сонымен бірге арнайы тіректермен ұсталынып тұрады. Негізгі және аралық тоңазытқыштар үшін тіректер арнайы болаттан орындалған немесе сумен суытқыш қаралады;

2) ауа үрлегіштерінің күйеленуін бақылау белгі беруші құрылғылармен жабдықталады;

3) үрлегіш аспаптың элементтері қондырғысы, өңдеу, құрылымы бекіту беріктігін, саңылаусыздығын қамтамасыз етеді. Үрлегіш аспаптарында ауаны үрлеу байқалған кезде домна пештерін пайдалануға рұқсат етілмейді;

4) үрлегіш аспаптардың сопласы астарланған және үрлегіш буынының фланеці суытылмаса үрлегіш буынына қосылған орындар сумен салқындатылады;

5) үрлегіш құралдардың созылуы кезінде тарту бұрандасының серіппесін толық қысуға рұқсат етілмейді. Үрлегіш буындарға жеңдерді ілу үшін қызмет ететін сыналар сақтандырғыш шығыршықтарымен жабдықталады;

6) үрлегіш майысқақ түтіктің бақылауыштары ыстыққа төзімді тығыз жабылатын немесе екі қабатты шынылы етіп жасалады. Шынылар үнемі таза күйінде сақталады;

7) үрлегіш аспаптармен алмасу бойынша жұмыстар үшін жүк көтергіш механизмдер қарастырылады;

8) жанып кеткен үрлегіш аспаптарда жұмыс істеуге жол берілмейді. Үрлеу аспаптарының жанып кеткен бөлігін аусытыруды пештің толық тоқтауынан кейін және бақылаушы тұлғаның басшылығымен жүргізеді. Үрлегіш аспаптарды ауыстыру бойынша жұмыс реті технологиялық регламентке сәйкес жүргізіледі;

9) суды үрлегіш аспаптарға қосу кезінде судың шығатын құбырлары жағында адамдардың болуына рұқсат етілмейді;

10) қожды ағызу тесігінің жанып кеткен үрлегішін ауыстыру пештен шойынның және қождың толық шығуынан кейін және үрудің қысымы 0,005 МПа (0,05 кгс/см²) жоғары емес болған кезде жүргізіледі;

11) қож ағызу тесігін жабу механикалық тоқтатқыштармен орындалады. Тоқтатқыштың жоғарғы шеткі жағында алдын ала сақтандырғыш ілмектер бекітіліп тұрады;

12) механикалық тоқтатқыштар істен шыққан жағдайда қож ағызу тесігін үрудің қысымы төмендегенде қолмен тоқтататын тоқтатқыштармен жүргізуге рұқсат етіледі. Қожды үрлегіштің жанып кету кезінде оны қол тоқтатқыштарымен жабу үрудің қысымы төмендеген кезде орындалады.

Қож ағызу тесігінің қораптарын бөлшектеуге тек қожды үрлегіштердің тесігін қол тоқтатқыштарымен жапқаннан кейін ғана жүргізуге рұқсат етіледі.

Шығару аралығында қож ағызу тесігі әрқашан тоқтатқышпен жабық күйде болады;

13) қождарды шығаруды келесі жағдайларда тоқтатылады: ағызу тесігінің қорапшасы қатты тұтанғанда, шойынның көп мөлшерде шашырауы пайда болғанда, су қысымының төмендеуі немесе оның шектен тыс температурасынан жоғары болғанда, қожды аспаптарды салқындату жүйесінен судың ағуы тоқталса. Жанған аспаптар бойынша қождарды шығаруға жол берілмейді.

34. Кемершіктер және шахта:

1) домна пешінің шахтасының қаптамасын және шахта маңайында суыту жүйесін жөндеу және қарастыру үшін өту ені 1 м кем емес қадағалау алаңдары орнатылады. Шахта қаптамасы бойынша су ағынын қамтамасыз ету үшін қарау алаңдарының пештің қаптамасына тым жақын тығыз орналастырылуына жол берілмейді. Алаңдар марш сатыларымен қосылады. Сатыны шойынды немесе қож ағызу тесігінің үстіне орналастыруға жол берілмейді;

2) қарау алаңдарына өз еркімен кіруді ескерту үшін шахта лифтісінің төменгі есігі ішінен кілтсіз ашылатын құлыппен жабылады.

35. Домна пештерін салқындату:

1) негізгіден басқа домна пештерінің сору станциялары электр жетегі бар резервтегі сорғылар мен пештерге резервті құбырлармен жабдықталады. Бұл жетектердің қоректенуі кем дегенде тәуелсіз екі қордан іске асырылады. Сорғы станциялар резервтегі су арынының мұнараларымен немесе жетегі бар (трубиналар, дизель, автоматорлар) резервтегі сорғылармен (негізгімен қуаты бірдей) жабдықталады, сорғы станциялары жетектеріне келетін электр энергиясы апаттық сөндірілгенде автоматты түрде қосылады.

Су арынды мұнаралардың көлемі сорғының іске кірісуіне дейін немесе домна пешін тоқтатқанға дейін (шойындарды және қожды шығаруды және үруді тоқтату) пештердің салқындауын қамтамасыз етеді;

2) тоңазытқыштардың орналасуы және олардың өзара қосылуы салқындату жүйесінен жеке тоңазытқыштардың сөнуіне мүмкіндік береді;

3) әрбір домна пешіне тоңазытқыштардың орналасу сызбасы жасалған, онда ауысым сайын қаптамалар мен пештердің тоңазытқыштарының жағдайларының барлық өзгерістері белгіленеді.

Пешті пультпен басқару бөлмесінде сызба ілінеді;

4) салқындату суының негізгі келтіруі және қайтаруы апат жағдайларында шойындар мен қождардың түсуінен қорғалады;

5) пешті салқындату элементтерінің бекіту арматурасы пештің сыртына шығарылған немесе бекіту бағаналарының сыртына орнатылған тарату коллекторларына орналастырылады. Аталған арматура номерленеді. Пештің сыртына шығарылған коллектордағы бекіту арматурасы үрлеу зонасынан бөлу қабырғасымен бөлінеді.

Жеке магистральдардың бекіту арматурасы жақсы желдетілетін, қолайлы жерлерге орнатылған немесе штрулвалдармен жабдықталған;

6) пештердің тоңазытқыштары орнату алдында және орнатқаннан кейін техникалық шарттарға сәйкес гидравликалық сынақтардан өтеді, ал амбразуралар, негізгі және аралық тоңазытқыштары, қожды аспаптардың қожды үрлегіштері, сонымен бірге амбразуралар, үрлегіш тоңазытқыштар мен үрлегіш аспаптардың үрлегіштері технологиялық регламентке сәйкес сынақтан өтеді;

7) домна пештерін салқындату үшін қолданылатын су механикалық қоспалардан тазартылады;

8) үрлегіш және қожды аспаптардың салқындату жүйесіндегі судың қысымы ыстықпен үрлеудің 0,05 МПа (0,05 кгс/см²) кем емес қысымынан жоғары болады. Шахтаның суымен салқындату жүйесінің жоғарғы нүктесінде суды тұтыну қысымы 0,03 МПа (0,03 кгс/см²) кем емес ағызуы қамтамасыз етіледі;

9) домна пешін салқындату жүйесінде су қысымы мен шығыны сумен қамтамасыз ету режимі бұзылған жағдайда дыбыс беретін құрылғылармен жалғанған бақылау - өлшеу аспаптарымен бақыланады;

10) пешті салқындату жүйесінде судың тез тербелуі және қысым төмендеуі кезінде «тыныш жүріске» және тоқтатуға дайын тәртіпке ауыстырылады;

11) сумен салқындатылатын элементтерден шығатын судың температурасы уақытша қатаңдық сұйықтар тұнбасының температурасынан төмен. Олардың шегі техникалық регламентпен бекітіледі;

12) көрікті салқындататын су тіректі бағаналардың сыртында орналасқан немесе пештен тыс шығарылған су жинайтын резервуарларға шығарылады;

13) тоңазытқыштар бекітілген кестеге сәйкес жуылады;

14) салқындату жүйесінің арматураларында және коммуникацияларында ағу пайда болу кезде, сонымен қатар пештерге жөндеу жұмыстарын жасаған кезде шойын және қож тесіктеріне судың тиюіне жол берілмейді. Домна пештерінің коммуникациялары мен салқындату жүйесінің арматураларында сулардың ағуы жойылады;

15) домна пештерінің тоңазытқыштары істен шыққанда пештің техникалық күйін тексеру және қауіпсіз пайдалануын қамтамасыз ететін шараларды орындау үшін ұйым басшылығы комиссия (қажет болса арнайы жобалау және ғылыми-зерттеу институттарының қатысуымен) тағайындайды;

16) істен шыққан тоңазытқыштар салқындату жүйесінен сөндіріліп, тығындалады және кезекті жөндеу кезінде ауыстырылады;

17) жанып кеткен пештабан тоңазытқыштарын және көрікті жөндеу мүмкін болмағанда соңғысы ауыстырылады;

18) жанған тоңазытқыштары бар пеш қаптамасының орындары сыртынан сумен салқындатылады. Салқындататын аспаптарды ауыстыру пешті толық тоқтатқаннан кейін жүргізіледі;

19) домна пешінің көрігін және пештабанын салқындату жүйесіндегі судың температурасының түсуі 3⁰-4⁰С аспайды;

20) домна пештерінің және қосымша құрылғылардың салқындату жүйесінің жағдайы ауысым сайын тексеріледі. Тексеру нәтижелері (температураның, қысымның және тағы басқаның түсуі) арнайы журналдарға енгізіледі. Температураның түсуі технологиялық регламентпен бекітіледі. Жүргізілген жөндеулер, апаттар мен бұзылулар және оларды жою бойынша қолданылған шаралар туралы мәліметтер журналға енгізіледі;

21) техникалық қызмет көрсету және жөндеу жүргізгенде қаптаманың қызуы пайда болған және тоңазытқыштардың сөндірулі тұрған пештің қаптамасын және оның салқындату жүйесін комиссия тексереді. Тексеру нәтижелері шығарылған ақауларды жою бойынша жасалған шаралар журналға енгізіледі;

22) булап салқындату жүйесінің жұмысын қосу, тоқтату және бақылау технологиялық регламент бойынша жүргізіледі;

23) бумен салқындату жүйесін жөндеу бойынша жұмыстар (бұрандаларды ауыстыру, сальниктерді тығыздау, ыстық үрлеудің қалқаншаларын ауыстыру және тағы басқа) наряд-шақтамамен және жүйені техникалық сумен салқындатуға ауыстырудан кейін жүргізіледі.

Барабан-сепараторларды жөндеу және тексеру кезінде газдарды алдын ала талдамай ашық отты қолдануға жол берілмейді.

Балқытылған өнімдерді шығару кезінде шойынды және қожды тесіктердің астынан қарау алаңдарындағы салқындату жүйесіне жөндеу жүргізуге жол берілмейді.

36. Табиғи газды домна пешіне үрлеу:

1) домна цехы телімінде домна пешіне табиғи газды өткізетін газ құбырларында газдың қозғалысы бойынша беттік ысырмалар орналастыру үшін құрылғылары бар ысырмалар орнатылады;

2) пештің жұмыс алаңына газ коллекторларының орналасуы, сонымен қатар оларға үрлегіштер мен тесіктерге қарсы ысырмаларды орнатуға жол берілмейді;

3) дөңгелек газ құбырларының алдында газ қозғалысы бойынша жүргізілген газ құбырларында (коллектор) орнатылған өлшемді қысымнан кем болған кезде пештерге газды жіберуді автоматты тоқтату үшін автоматты электрлендірілген ысырмалар және кері бағытты қалқанша, сонымен қатар үрлеуіштерге келетін газдарға кері бағытты қалқаншалар орнатылады.

Ауа үрлегіштеріне табиғи газдың келуін қолмен сөндіру үшін вентилдер орнатылады;

4) домна пешіне газды келтіру қысымның түсуі туралы дыбыс берушімен жабдықталады;

5) газды жіберу жүйесінде әрбір пешке майшам орнатылады. Майшамдар поддоменниктің ғимараттар шатырына 5 м жоғары шығарылады;

6) үрлегіштерге табиғи газды жеткізу оқшауланған және газ қаупі бар жұмыстарын қауіпсіз ұйымдастыру бойынша Типтік нұсқаулық талаптарына сәйкес болат құбырлардан жасалады;

7) домна пешінің газ коллекторы майшаммен және оны үрлеу үшін бу жеткізумен қамтамасыз етіледі;

8) пешке берілетін газ мөлшерін реттеу және оны сөндіру автоматтандырылады және дистанциондық басқарылады;

9) үрлеуіштерге жете берістегі табиғи газ қысымы үрлеу қысымынан кем дегенде 0,1 МПа (1 кгс/см²) жоғары;

10) ыстық үрлеу қысымы 0,1 МПа (1 кгс/см ²) түскенде немесе табиғи газ қысымы берудің бекітілген шамадан төмен болғанда пешке газ беру автоматты түрде тоқтатылады, бұл кезде жарықтық және дыбыстық дабыл беріледі;

11) газ өткізгіштегі газ қысымы орнына келтірілгеннен кезде (оны жалпы зауыттық газ өткізгіштен сөндіргеннен кейін) пешке газ беру дөңгелекше тәрізді газ өткізгішті (коллекторды) бумен үрлегеннен кейін рұқсат етіледі.

Пешті қысқа уақытқа тоқтатқан кезде газ коллекторы қысым астында болса үрлемеуге болады;

12) газ тоқтату немесе бекіту арматурасы істен шыққан кезде пешке табиғи газ үрлеуге жол берілмейді.

37. Домна пешіне көмір шаңы отынын үрлеу:

1) домна пешіне көмір шаңы отынын үрлеу үшін тарату қондырғысы орналасқан бөлімше табиғи және мәжбүр ететін ауа алмастырғыштармен жабдықталады. Тарату қондырғысы мен шаң өткізгіштер инертті газ және бу жеткізушімен жабдықталады;

2) жабық түрдегі көмір шаңы отынына арналған шығын ыдыстары сақтандыру қалқаншаларымен жабдықталады;

3) көмір шаңының өз бетімен толығымен шығару бункер құрылымымен қамтамасыз етіледі;

4) бункерлер шаңның астыңғы және үстіңгі деңгейін көрсетіп тұратын құрылғылармен жабдықталады;

5) бункердегі температураны бақылау үшін оның жоғарғы бөлігіне кедергі термометрі немесе термопаралар орнатылады;

6) бункердегі өршіген шаңды басу үшін оның жоғарғы жағынан инертті газ немесе бу беріледі. Шаң қысымы құйындауынан сақтану үшін бу және газ жүргізу бункер іші төбесімен қатар жүзеге асырылады;

7) бункерлерден су буы мен ауаны шығару үшін тығыз бекіту органдары, жылу оқшаулағыш және тазалауға арналған штуцерлері бар сору құбырлары орнатылады; құбырлардың ішкі диаметрі 100 мм кем емес;

8) шаң өткізгіштер құрылымы мен шаң көмірлі аэроқоспасының қозғалыс жылдамдығы оларда шаңның түзілуіне жол бермейді;

9) қондырғының шаң өткізу жүйесі саңылаусыз болады;

10) көмір шаңы аэроқоспасы коллекторларының пештің жұмыс алаңында орналасуына, реттеуші және бекіту арматурасын үрлеуішке қарсы, арна және арна үстіне орнатуға жол берілмейді;

11) домна пешінің үрлеуішіне баратын көмір шаңы аэроқоспасының қысымы ыстықты үрлеу қысымынан кем дегенде 0,1 МПа (1 кгс/см²) жоғары болуы қаралады;

12) домна пешіне көмір шаңды аэроқоспасының берілуі қысымның төмендеуі кезінде дабыл беретін құралмен жабдықталады;

13) ыстық үрлеу қысымы 0,1 МПа (1 кгс/см²) төмендеген жағдайда немесе көмір шаңы аэроқоспасының қысымы техникалық регламентпен бекітілген шамадан төмен түскенде домна пешіне көмір шаңын беру автоматты түрде тоқтатылады, бұл кезде жарықты дыбыстық дабыл беріледі;

14) домна пешіне берілетін ыстық үрлеу қысымы 0,1 МПа (1 кгс/см²) кем, сонымен қатар көмір шаңы аэроқоспаның қысымы техникалық регламентте бекітілген шамадан төмен болған кезде көмір шаңының берілуі автоматты сөндіру үшін келетін шаң өткізгіште автоматты электрлендірілген ысырмалар және кері бағытты қалқанша, сонымен қатар үрлеуіштерге келетін газдарға кері бағытты қалқаншалар орнатылады;

15) домна пешінен көмір шаңы отынын тартып үрлейтін қондырғының тоқтатылуы үшін шаң жеткізуші құбырларда электрлендірілген ысырмалар алдына қолмен басқаратын ысырмалар және үрлеуіштерде бекіту крандары орнатылады;

16) бекіту арматуралары, реттеу аппаратуралары және бақылау-өлшеу аспаптары істен шыққан кезде домна пешіне көмір шаңы отынын үрлеуге жол берілмейді;

17) көмір шаңы отынын үрлеу үшін тарату қондырғыларында және шаң өткізгіштерде олар орнатылған бөлімшелерде ашық отты пайдаланумен жөндеу жұмыстары Қазақстан Республикасы Төтенше жағдайлар министрінің 2006 жылы 8 ақпанда № 35 бұйрығымен бекітілген өрт қауіпсіздігі ережесіне (2006 жылы 20 наурызда № 4126 нормативті құқықтық актілерді мемлекеттік тіркеуге тіркелінген) сәйкес жүргізіледі.

38. Домна пешіне мазутты үрлеу:

1) домна пешіне мазутты және су-мазутты, эмульсияны үрлеуге арналған тарату қондырғысы орналасқан бөлмелерде табиғи және мәжбүр етумен ауа үрлеуші қондырғылармен жабдықталады;

2) үрлеуіштерге мазут немесе эмульсия беретін құбыр жүйесі саңылаусыз болады. Мазут құбыры қыздыратын су буы жүретін құбырмен бірге орналасады және оларды үрлеу үшін бу жеткізумен жабдықталады;

3) мазут немесе эмульсия коллекторларының пештің жұмыс алаңында орналасуы, реттеуші және бекіту арматурасын үрлеуішке қарсы, арна және арна үстіне орнатуға жол берілмейді;

4) домна пешінің үрлеуішіне баратын мазут немесе эмульсияның келе берістегі қысымы ыстықты үрлеу қысымынан кем дегенде 0,1 МПа (1 кг/см²) жоғары болуы қамтамасыз етіледі;

5) домна пешіне мазут берілуі қысымның төмендеуімен дабыл бергішпен жабдықталады;

Барлық қысымды, шығынды мазут ылғалдылығы және эмульсияны бақылау автоматты түрде, оларды үрлеуіштерге бөлу қолмен басқару және дистанциондық реттеу тәртібіне ауысумен автоматтандырылған;

6) ыстық үрлеу қысымы 0,1 МПа (1 кгс/см²) төмендеген жағдайда мазут немесе эмульсия қысымы технологиялық регламентпен бекітілген шамадан төмен түскенде оларды пешке беру автоматты түрде тоқтатылады, бұл кезде жарықты дыбыстық дабыл беріледі;

7) пешке берілетін ыстық үрлеу қысымы 0,1 МПа (1 кгс/см²) төмендеген, сонымен қатар мазут пен эмульсия қысымы технологиялық регламентпен бекітілген шамадан төмен түскен кезде мазут пен эмульсияның берілуі автоматты сөндіру үшін келетін мазут өткізгіште автоматты түрде жұмыс істейтін электрлендрілген ысырма және кері қалқанша, барлық ауа үрлеуіштеріне кері қалқанша орнатылады;

8) домна пешінен мазут немесе эмульсияны тарата үретін қондырғының тоқтатылуы үшін жеткізуші мазут өткізгіштерде электрлендірілген ысырмалар алдында қолмен басқаратын ысырма және барлық жеткізуші құбырда бітеу крандары орнатылады;

9) домна пешіне бекіту арматуралары, реттеу аппаратуралары сынғанда және бақылау-өлшеу аспаптары қате жұмыс істегенде мазут немесе эмульсияны үрлеуге жол берілмейді;

10) мазут құбырларында және мазут беру қондырғыларында немесе эмульсияны, олар орнатылған бөлімшелерде ашық отты пайдаланумен жөндеу жұмыстары Қазақстан Республикасы Төтенше жағдайлар министрінің 2006 жылы 8 ақпанда № 35 бұйрығымен бекітілген өрт қауіпсіздігі ережесіне (2006 жылы 20 наурызда № 4126 нормативті құқықтық актілерді мемлекеттік тіркеуге тіркелінген) сәйкес жүргізіледі.

39. Оттегімен байытылған үрлеуді пайдалану:

1) үрлеуді оттегімен байыту үрлеу машиналарының немесе сорғысы жолында немесе суықтай үрлеудің ауа өткізгішінде немесе осы үшін арнайы жасалған формулаларда жүргізіледі.

Оттегімен үрлеуді байыту үшін оттегі құбырлары құрылғысы, пайдалану және жөндеу Қазақстан Республикасы Энергетика, индустрия және сауда министрінің 2001 жылғы 7 тамыздағы № 192 бұйрығымен бекітілген Ауаны айыру өнімдері өндірісі және пайдалану кезіндегі қауіпсіздік ережесіне сәйкес келеді.

Үрлеуді оттегімен байытудың барлық жүйесін басқару және белгілі мөлшердегі оттегіні ұстап тұру автоматты және дистанционды болуы қаралады;

2) оттегімен 25 % жоғары байытылған ыстықтай үрлеу жолындағы тығыздықтың төмендеуі байқалса, оның концентрациясы көрсетілген шектен төмендетіледі. Өндірісте шихтаны мәжбүрлікпен тұндыру кезінде оттегін беру тоқтатылады;

3) кокс үрлеуішке немесе шүмекке түскен жағдайда оттегін үрлеу оларды тазалағанша тоқтатылады;

4) оттегі қондырғысына және оттегі құбырларына қызмет көрсететін жұмыскерлерді арнайы киімдері және қолғаптары маймен ластанылмайды. Жұмыс аяқталғаннан кейін темекі тартуға және ашық отқа тақалуға арнайы киімді желдеткеннен кейін рұқсат етіледі. Оттегі құбырын және оттегі қондырғыларына қызмет көрсететін құрал сайман мыспен қапталған және мұқият майланбаған болады;

5) ауа үрлеуші сорғысына оттегін жеткізуші құбыр тез әрекет ететін дистанциондық басқарылатын электрленген ысырмамен (қалқаншамен) және ысырманың өзінде қолмен басқарылатын жетекпен жабдықталады.

40. Колошник астындағы жоғары қысымды пеш жұмысы:

1) колошник астындағы газ қысымды реттеуіш істен шыққан жағдайда әрі қарай домна пешінің жоғары қысымда жұмыс істеуіне жол берілмейді;

2) дроссельдік топтың сальниктік қосылыстарында газдың шығуы жойылады;

3) колошник астындағы жоғары қысымды ұстап тұру үшін арналған дроссельдік топтар келесі шарттарға сәйкес келеді:

әр бір дроссельдік топтың бір немесе екі дроссельдік қалқаншалары колошник астындағы газ қысымын автоматты реттеу жүйесінің орындаушы механизмдерімен басқарылады; қалған дроссельдік қалқаншалар домна пешін басқару бөлмесінен дистанциондық басқарылатын қандай да күйде электр қозғалтқыштарымен орнатылады;

дроссельдік қалқаншалары толық ашылған жағдайда домна пеші колошнигі астында газ қысымының төмендеуін қамтамасыз етеді (есептеу өнімділігі 1500 мм су бағанасы бойынша (15000 Па) немесе одан төмен жұмыс кезінде);

дроссельдік топ конструкциясымен дроссельдік қалқаншалардың баяу және кезектесіп бұрылуы қамтамасыз етіледі;

дроссельдік топтың корпусы газ құбырымен дәнекерленіп (фланецтерсіз) қосылуады, бұрылу дроссельдері мен корпус арнайы тозуға төзімді болат маркаларынан жасалуы немесе қатты қорытпамен балқытылады;

дроссельдік топта дроссельдерді малып тұруға судың жеткізілуі қамтамасыз етіледі;

4) пештегі конусаралық кеңістіктегі қысымды теңестіру үшін домна газы жартылай таза немесе таза күйінде беріледі. Газ жеткізуші құбырдың орналасу сұлбасы өз бойында ылғал конденсатының жинақталуына жол бермейтіндей етіп қарастырылады;

5) пеш колошнигінің астындағы жүйедегі қысымының кенеттен өсіп немесе қауіпті қысымға дейін кемуін ескерту үшін үрлеу мөлшері кедергіштің бір мезетте бірдей ашылуын қамтамасыз етеді, апаттық жағдайдан басқа кезде;

6) теңестіру қалқаншаларының лебедкаларында ағытылып алынатын штурвал бар. Тростарды қолмен реттеу үшін рукояткаларды қолдануға жол берілмейді;

7) лебедкалар тростарын немесе теңестіру қалқаншаларының қойылған жетекті механизмдерін қолмен реттеу қосқыштарды сөндірген және бекіткен жағдайда жүргізіледі;

8) тиеу механизмдерінің жұмыс тәртібі, пешті жоғары қысымнан төменге немесе керсінше ауыстырудың өндірістік операцияларын орындау, сонымен қатар бақылау-өлшеу аппаратураларының жұмысы технологиялық регламентпен бекітіледі;

9) домна пешіне колошник газы энергиясын қолдану үшін қондырғы орнатқанда турбина органдары жұмыскерлеріне колошник астындағы газ қысымын реттеуді жүргізуге рұқсат етіледі.

41. Домна пештерін желдету және үрлеу:

1) пешті желдету технологиялық регламентке және осы Талапқа сәйкес жүргізіледі;

2) пешті желдету алдында оны тоқтатқаннан кейін үрлеуіштерден балшықты тазалау (жартылай немесе толық) ауа құбырындағы қысым қалыпты болған кезде іске асырылады;

3) желдетілетін пештен шаң аулағыштар мен газ құбырларынан жалпы газ желісіне газды қосқанға дейін бумен ығыстырылып, газбен үрленеді;

4) желдетілген пештен жалпы газ желісіне газды қосу онда оттегі болмаған кезде және технологиялық регламентпен әрбір нақты жағдайға қарастырылған нормаларға келтірілгенше жүргізіледі;

5) пешті желдетумен байланысты жұмыстар газдан құтқарушылардың қатысумен жүргізіледі.

Пешті желдету кезінде оған қызмет етумен байланысы жоқ адамдардың көрік алаңында болуына жол берілмейді.

Пешті желдету кезінде пештің жұмыс алаңының және құю ауласының газдану дәрежесі автоматты аспаппен үздіксіз немесе екі сағат сайын газ шығуы мүмкін орындардан сынама алу жолымен тексеріліп тұрады;

6) қайта салынған, қайта құралған және күрделі жөндеуден өткізілген домна пештерін желдету оларды қайта жасалған шойынды балқытуға ауыстыру технологиялық регламентке сәйкес жүргізіледі;

7) пешті үрлеу технологиялық регламентке сәйкес келесі талаптарды орындай отырып жүргізіледі:

шихта деңгейінің төмендеуі шамасына қарай үрлеуді беру тоқтатылуы керек, шихта деңгейі үрлеу кезінде жүйелі түрде өлшеніп тұрылады, шихтаның асылып қалуынан сақтану және колошник астында газ қысымының кенет көтерілуінің (шың) алдын алу шаралары қолданылады;

үрлеу кезінде пешке берілетін үрлеу мен су мөлшері колошник газының температурасын 600⁰ аспауы қамтамасыз етіледі;

пеште ауа үрлеу кезінде қысым төмендеген кезде оның ауа соруынан сақтану үшін конусаралық кеңістікте, үлкен конус астында және шаң аулағышта оларға бу бере отырып қалыпты қысым сақталады. Бұл кезде конустарды және теңестіру қалқаншаларын моневрлеуге жол берілмейді. Әрбір 30 минут сайын сутегінің болуына колошник газын талдап тұрады;

пешті үрлеу кезінде оны тартуға «тартуға қосу» жол берілмейді;

қатарынан алынған екі сынамадан газдағы оттегі мөлшері 1 % аса газды шығару пеш майшамдары арқылы жүргізіледі, бұл кезде пеш газ желісінен сенімді бөлектенген;

үрлеуді беру тоқтатылғаннан кейін жалғауыштар алынып қауіпсіз орынға қойылады, ал адамдар қауіпсіз орынға шығарылады;

материалға су құю операцияларын орындағаннан кейін жүргізіледі;

пеште қалып қойған материалды алып тастау оны сумен суытқаннан кейін жүргізіледі.

Пешті үрлеу, ережеге сай, түнгі уақытта жүргізіледі;

8) пешті үрлеу кезінде колошникке су беру үшін жоғары қысымды арнайы су желісі болмаған жағдайда пештің жұмыс алаңына жақын жерде негізгі су құбырынан қоректенетін және параллель және бөлек тәртіпте жұмыс істейтін кем дегенде екі сорғы орнатылады;

9) пешті үрлеу кезінде пештабанының терең орындарында жиналып қалған сұйық шойыннан арылу шөміштермен және пештабанына арнайы тесіліп жасалған қораптармен және дайын науалармен жүргізіледі. Науаның бойымен сатылары бар алаңдары қойылады.

42. Домна пештерін тоқтату және қосу:

1) домна пештерін қысқа мерзімге (үрлеу және қож аспаптарын алмастыру үшін) және ұзақ мерзімге (әр түрлі санаттағы жөндеулер) тоқтату осы Талап және технологиялық регламент талаптарына сәйкес жүргізіледі;

2) пештің тоқтатылғандығы туралы газ цехы мен ауа үрлеу станцияларына алдын ала хабар беріледі;

3) пеш тоқтатылған жағдайда келесі талаптар орындалады:

қысқа мерзімге тоқтатылғанда:

пеш газ желісінен және ауа үрлеуіштен ажыратылады, пешке берілетін табиғи газ, шаң түріндегі отын, мазут немесе эмульсия және үрлеуді байытуға берілетін оттегін беру алдын ала тоқтатылады;

пештегі, газ өткізгіштері жүйелері мен шаң аулағыштардағы қысым қалыпты күйде сақталады;

пештің барлық тоқтап тұру мерзімінде шаң аулағышта (егер пешті тоқтатқанда бөлініп алынбаса) және үлкен конус астында будың үздіксіз келіп тұруына мұқият қадағалау орнатылады;

араластыру ауа өткізгішінің бөлшектеу қалқаншалары жабылады;

үлкен конусты маневрлеуге жол берілмейді;

пешті тартуға ауыстыру жақсы қыздырылған ауа қыздырғышы немесе осы мақсатта арнайы жабдықталған құбыр арқылы жүргізіледі.

Асылып қалған шихталы пештерді қысқа мерзімге тоқтатуға жол берілмейді;

ұзақ мерзімге тоқтату кезінде:

шаң аулағыштар колошник шаңынан босатылады;

пеш газ желісінен табақты ысырмалармен сенімді бөлектенеді. Пешке берілетін табиғи газ, шаң түріндегі отын, мазут немесе эмульсия және үрлеуді байытуға берілетін оттегін беру алдын ала тоқтатылады;

шаң аулағыштар мен газ өткізгіштер бумен желдетіліп ауамен үрленеді;

колошниктегі газдың жану тәртібі технологиялық регламентпен бекітіледі, газдың жануына үздіксіз бақылау жасалады;

4) пешті күрделі жөндеуге тоқтату пештегі газды жағумен жүргізіледі. Газды жағумен байланысты барлық жұмыстар газдан құтқарушылардың қадағалауымен жүргізіледі;

5) қалқаншаларды автоматты лақтыру тәртібінде жұмыс істейтін ауа қыздырғыштар пешті тоқтатар алдында циклдік және жеке басқаруға алмастырылады.

Пешті барлық тоқтатулар кезінде ауа қыздырғыштарға, ауа қыздырғыштардан басқа, қысқа мерзімдік тоқтату кезінде «тартуда» тұрғандарға газдың түсу мүмкіндігін жоятын шаралар қолданылады;

6) пеш тоқтаған кезде барлық жүйе бойындағы қалыпты қысым аспаптармен бақыланады;

7) пешті жөндеуге тоқтатар алдында барлық жүйе бойындағы қысым мұқият тексеріледі, жанып кеткен тоңазытқыштар суыту жүйесінен сөндіріледі, үрлеуіштер алмастырылады;

8) пеш ұзақ мерзімдік тоқтатылғанда колошниктегі газдың жануымен тоқтатарда 15-20 минуттан асырмай шаң аулағыштарға, үлкен конус астына және конус аралық кеңістікке бу беріледі. Үлкен конус астымен конус аралық кеңістікке бу беру колошниктегі газды жағар алдында тоқтатылады;

9) домна пешін іске қосар алдында оған қызмет етумен байланысы жоқ барлық адамдар пештен және шаң аулағыштардан қауіпсіз жерге шығарылады. Пешті іске қосу технологиялық регламентке сәйкес жүргізіледі;

10) жөндеуден кейін домна пешін іске қосар алдында барлық газ және ауа желілері, шаң аулағыштар бөгде заттар мен материалдардан мұқият тазартылуы және жауапты тұлғамен тексеріліп, одан кейін барлық люктер, оның ішінде колошник құрылғысының люктері тығыз жабылады.

43. Шихтаның ілінісуі және шөгуі:

1) цех жұмыскерлері шихтаның ілінісуіне жол бермейтін пештің қалыпты жүрісін қамтамасыз етеді. Ол ілінісіп қалған жағдайда пешпен болатын барлық жөндеу жұмыстары тоқтатылады, ал шихтаны салумен қатысы жоқ жоғарғы алаңдағы және пешке жақын тұрған адамдар қауіпсіз орынға шығарылады.

Шихта ілінісіп қалғанда және шөккенде шаң аулағыштардан колошник газын шығаруға жол берілмейді. Шихтаның ілінісуі және түсу туралы бақылаушы тұлға немесе газ маманы газ шаруашылығы диспетчеріне, ауа үрлеу машинасының машинисіне және тиеу жұмыскерлеріне өз уақтылы дабыл береді;

2) шихтаны мәжбүрлікпен салу техникалық регламентке сәйкес жүргізіледі;

3) құю кезінде үрлеу аспаптарына қауіп төнген жағдайда шөгуде балқыту өнімдерін беру кезінде соңғысы пештен шығарылады.