| Белдесудің тактикалық жоспары
Айқасқанда жақсы нәтиже көрсету үшін палуан алдын – ала кездесу кезінде қалай әрекет ететін жоспарлап алу қажет. Мұндай тактикалық жоспарда күресті жүргізу тактикасының негізгі сәттері болуы тиіс.
Тактикалық жоспар жасаған кезде ескерілуі тиіс факторлар.
Белдесудің мақсатын аңықтау , бұл үшін өзінің де, қарсыласының да мүмкіндіктерін ескеру қажет.
Өзінің жағдайын ескеріп , палуан өзі алға қойған мақсатына сай келетін және осы қарсыласымен күрескенде жеңіске жеткізетін техникалық әдістерді таңдап алады.
Техникалық және тактикалық әрекеттерді және варианттарын таңдап алуға палуанның және оның қарсыласының дайындығы да ықпалын тигізеді.
Жарыстың қазір қолданылып жүрген ережелеріне орай айқастағы орны мен қолданатын әрекетін жоспарлағанда артық балды бірінші алған спортшының қолайлы жағдайда болатындығын есте ұстау қажет.
Егер палуан ұзақ уақыт шаршамайтын артықшылығын пайдаланғысы келсе , ол алдымен жалған шабуылдау арқылы қарсыласын әбден қалжыратуы керек те , содан соң батыл қимылдауға көшуі тиіс.
Достарыңызбен бөлісу: |
