Биринчиден, философиянын «классикалык», «түбөлүк» аталган маселелери бар: дүйнө эмне үчүн ушундай жаралган? Анын кыйыр-чеги кайда? Бул дүйнөдө адам баласынын орду кандай? Анын эмнеге алы жетет? Анын табияты кандай да, келечекте кандай болушу ыктымал? Байлык деген эмне? Бийлик деген эмне? Чындык деген эмне? жана башка суроолор. Ар адамдын башына түшчү суроолор, эртеби - кечпи анын тынчын алып, санаага салчу суроолор. Бүгүнкүгө чейин толук, таасын, баарын камтыган, баарынын купулуна толгон жооп жок. Андай болушу да күмөн. Ар мезгил, ар эл, ар адам өз жообун издейт, өз жообун табат. Философия миңдеген жылдар илгери ушул суроолордун тегерегинде ой токуган, миңдеген жылдар кийин да ушул суроолор менен алек болот.
Достарыңызбен бөлісу: |
