Жаңадан бастаушыларға арналған механикалық ӨҢдеу
жүктеу/скачать 6.75 Mb. Pdf көрінісі
|
| Түбегейлі ойлаймыз
Айтар болсақ, декарттық координаттардың немесе кез келген позициялау жүйесінің тағы бір ерекшелігі мұндағы қозғалыстың қалай жасалатындығында. Көп мақсатты білдектерде осы қозғалыстар абсолюттік ретінде (G90) немесе кезеңдік ретінде (G91) анықталады. Көрнекілік үшін дәліздегі шкафтың сөресінен шахмат жиынтығын алыңыз. Ферзьді (ол ‒ кез келген бағытта қозғалууына рұқсат берілген жалғыз фигура) тақтаның сол жақ төменгі бұрышына орналастырыңыз. Бұл ‒ нөлдік орын. Енді жоғары мәртебеліні екі квадратқа оңға және бір квадрат жоғарыға жайғастырыңыз. СББ кодында «G90 G00 X2.0 Y1.0» пәрмені болады. Код жолағында «G90» қамтылғандықтан, сіз қазір ғана абсолютті позициялауды орындадыңыз. Пәрменді қайталаңыз, ал патшайым орнынан қозғалмайды. «G90»-ды алып тастап, пәрменді қайталасаңыз да патшайым тағы да орнынан қозғалмайды. «G90» модальдық пәрмен болып табылады, сондықтан кері пәрмен алынғанға дейін білдек абсолютті позициялау режимінде қала береді. Енді тура сол пәрменді қайтадан беріңіз, бірақ «G91» кезеңдік кодын пайдаланыңыз. Енді қалай ойлайсыз, осы бірбеткей ханшайым екі квадратқа оңға және бір квадрат жоғарыға жылжиды ма? Осыны тағы қайталаңыз, ал ол ойын алаңынан шығып кеткенше қайта-қайта жылжитын болады (білдектің тілінде бұл «анықталған жайғасымнан тыс өту» деп аталады. Бұл жағымсыз). Алайда «G91»-ді қайтадан «G90»-ға орнатыңыз, айналымның басына қосыңыз, сонда патшайым «X2.0 Y1.0.» бастапқы жайғасымына қайта оралады. Декарттық координаттар жүйесі және сәйкесінше СББ білдектері білдектің координаттарын, басқаша көрсетілмеген жағдайда, болымды деп пайымдайды. Сондықтан егер тек білік пәрменінен кейін минус таңбасы жүрмесе, позициялауды кез келген кезеңдік және абсолютті орналастыру үнемі оң бағытта болады. Шын мәнінде, координаттың алдында плюс ЕСКЕРТУ МАҢЫЗДЫ БӨЛШЕКТЕР 182 таңбасын орналастырудың ешқандай тәсілі жоқ, сондықтан әуре болмай-ақ қойыңыз. Жону білдектері анағұрлым қарпайым болып келеді. «FANUC»-пен үйлесімді «Т» басқару элементі («T» дегеніміз ағылшын тіліндегі «turning» ‒ өңдеу дегенді білдіреді) «X», «Y» немесе «Z» пәрменін көреді, ол оны абсолютті қозғалыс ретінде қабылдайды. Кезеңдік орналастырулар сәйкесінше «U», «V» және «W» басқару элементтерімен орындалады. Жону білдегіндегі «G90» пәрмені қаралтым жонып өңдеудің сирек қолданылатын қайталымы болып табылады, ал «G91» тіпті мүлде жоқ. Осы тәсілдің қолайлылығы сіздің кезеңдік және абсолютті қозғалыстарды бір желіде араластыра алатыныңызда болып табылады, ол әсіресе ішкі бағдарламаларда өте қолайлы (ол туралы сіз осы Бөлімде сәл кейінірек білетін боласыз). жүктеу/скачать 6.75 Mb. Достарыңызбен бөлісу:
|