Жамбыл облысы әкімдігінің білім басқармасының ОҚУ-Әдістемелік кабинеті 7-сынып Қазақ тілі мен әдебиеті
жүктеу/скачать 2.21 Mb.
|
- Бұл бет үшін навигация:
- Барлығы 40 минут 30
- Наурыз көжелерінен
«Қазақ тілі» пәнінен ІІІ -тоқсан бойынша жиынтық бағалау тапсырмалары ІІ-нұсқа Тыңдалым. Ұлыстың ұлы күні – Наурыз мерекесі Жыл басы Наурыз мерекесі әлемге жылулық әкеледі. Табиғат ана құлпырып, жер-ана бусанып, жұмыр жер бетіндегі жанды нәрселердің бойына қан жүгіреді, ағаштар бүршік жара бастайды. «Наурыз» сөзі парсы тілінен аударғанда «жаңа күн» деген мағына береді. Наурыз мейрамы – қазақ халқының көшпелі тұрмысының қуанышты кездерін бейнелейтін ұлық мереке. Қыс айларында мал-жанын шүберекке түйіп, көктемге әзер шыққан ел өрістегі малдың аузы көкке ілінгеннің құрметіне Ұлыстың ұлы күнін ат шаптырып, аударыспақ ойнап, жамбы атып, балуан күрестіріп, ұлан-асыр той жасап қарсы алатын болған. Наурызды тойлаудың өзіндік дәстүрі бар. Дәстүр бойынша бұрын Наурыз мейрамын көрісуден бастап, бүкіл ауыл-ел болып, әсіресе жастар жағы түгелдей таң шапағатын қарсы алудан, тазаланған арықтарға су жіберуден, "Мал қалғанша атаңнан, тал қалсын!"- ата-бабамыз айтқандай арықтың жағасына ағаш отырғызып, гүл егу рәсімін өткізуден бастайтын. Қызықшылық одан ары халық ойындарымен, ән салып, би билеумен, ақындар айтысымен, көкпар, қазақша күреспен, ат жарысымен жалғасып кете беретін де, түнге қарай «Алтыбақан» айналасындағы тамашамен аяқталатын. Бұл күнде күмбірлі күй тартылып қана қоймай, ренжіскендер кешірісіп, бітімге келетін. Бұл күнде тек жақсылықтар тіленіп, туыс-туған бір-бірін шақырысып: «Амансың ба? Ұлыс оң болсын! Ақ мол болсын! Қайда барса, жол болсын!», «Ұлыс бақты болсын! Төрт түлік ақты болсын! Ұлыс береке берсін! Бәле-жала жерге кірсін», - деп құшақтасып көріскен. Ағайындар бір-бірінің үйлеріне қонақ болып, жасаған Наурыз көжелерінен дәм татысқан. (209 сөз) жүктеу/скачать 2.21 Mb. Достарыңызбен бөлісу:
| |||||||||||||||