Жылдарға арналған батыс қазақстан облысының аумағын дамыту бағдарламасы орал, 2010 мазмұНЫ

Өңірдің мұнай-газ секторының қарқынды дамуы - ресурсқа бағытталған экономиканың дамуына қауіп төндірсе де, екінші жағынан, өнеркәсіптің басқа салаларының дамуына жағдай туғызып отыр.

Өңірдің экономикалық өсімін және өнеркәсіптік дамуын қамтамасыз ету мақсатында Индустрияландыру картасы шеңберінде 2010-2012 жылдары жалпы сомасы 250,8 млрд.теңгеге 29 инвестициялық жобалар іске асырылды.

Тау-кен өнеркәсібін мұнай-газ секторының кәсіпорындары құрайды, олар отын-энергетикалық кешеннің негізі болып табылады. Облыс аумағында көмірсутек шикізатының жалпы болжамдық қоры 4,2-ден 7,6 млрд. тоннаға дейін жететін 20 астам үлкен және кіші кен орындары ашылды.

2009-2012 жылдары аралығында мұнай және газ конденсатын өндіру 6,0%-ға, табиғи газ шығару - 19,2%-ға өсті.

Өңірдің өнеркәсіп өнімінің құрылымында өңдеу өнеркәсібінің үлесі 2012 жылы 6,8%-ды құрайды, бұл облыстың мұнай-газ кешеніндегі өндіріс көлемдерінің өсуімен түсіндіріледі.

Өңдеу өнеркәсібі өнімінің көлемі 2009 жылдан 2012 жылға дейін 74,4 млрд.теңгеден 110,7 млрд. теңгеге дейін өсті.

Облыстың өңдеу өнеркәсібінің құрылымы кәсіпорындар қызметінің барлық салалық бағыттарын қамтып отыр.

Облыс мұнай өнімдерін қайта өңдеу саласында мамандандырылған Қазақстандағы ең маңызды төрт аймақтың бірі болып табылады. Мұнай және газды қайта өңдеуге арналған Қарашығанақ қайта өңдеу кешені, аз тоннажды құрылым сияқты қуат көздері бар, олар газойл, отын мазуты және жанар-жағар май шығаруды көздейді. Қуаттылығы 600 мың тоннаны құрайтын шағын тонналы құрылғысы бар. Жеке көмірсутектік фракцияларды меркаптан мен күкірттік сутектен тазарту құрылғысын жаңарту өткізілді, бұл шығарылатын өнімнің коммерциялық құндылығын және өндіріс қауіпсіздігін елеулі жақсартты. Мұнай өнімдерін өңдіру көлемі 2009 жылы 20,4 млрд. теңгеден 2012 жылы 32,2 млрд. теңгеге дейін өсті, бұл өнеркәсіпте өңделетін барлық өнімнің 29,1%-ын құрайды.

2012 жылдың қорытындысы бойынша машина жасау саласы кәсіпорындарымен 16,5 млрд. теңге сомасына өнім өндірілді, 2009 жылы – 19,7 млрд. теңгеге. Металлургия өнеркәсібі саласындағы өндіріс көлемі 2012 жылы 7,8 млрд теңге, нақты көлем индексі – 126,5% құрады, 2009 жылы 2,9 млрд. теңгеге өнім өндірілді.

Бұрынғы қорғаныс кәсіпорындарын азаматтық маңызы бар өнімдерді шығаруға қайта бейімдеу өңірдің индустриалдық дамуының басты бағыты болып табылады. Жаңа өнім түрлері игерілуде (ұшақ, трансформатор, мұнай-газ жабдықтарының түрлері, кемелер және т.б.).

Құрылыс материалдарын өндіру. Құрылыс индустриясындағы ең ірі кәсіпорындарға «Гидромаш-Орион-МЖБК» ЖШС, «Құрылыс комбинаты» ЖШС, «Батыс Қазақстан құрылыс материалдары корпорациясы» АҚ жатады, олармен өнімнің 50-ден астам түрін шығарылады (бетоннан жасалған бұйымдар, силикат кірпіші, әктас және басқалар).

2012 жылдың қорытындысы бойынша осы саланың кәсіпорындарымен 6,0 млрд. теңге сомаға өнім өндірілді. Бұл сала өндірісінің нақты көлем индексі 100,8%-ды құрады.

Сала кәсіпорындарымен өндірілетін өнім ішкі нарықтың қажеттіліктеріне бағытталған. «Стекло Сервис» ЖШС базасында күшейтілген термоберіктелген шыны, шыныдан жасалған көп қаптарлы айрықша бұйымдардың сынамалық өндірісі басталды. Өндіріс австриялық «Lisec» компаниясының жабдығымен, термоберіктелген шыныны шынықтыру «TamGlass» фин компаниясының желісімен жүргізілуде.

«Құрылыс комбинаты» ЖШС керамзитті қиыршық тасын өндіру бойынша екінші желісін қайта құру жұмыстарын жүргізді.

2 кәсіпорын үй құрылысы комбинаттарын ұйымдастыру жобаларын іске асыруға қатысуда («СВ-плюс» ЖШС, «Болашак-Т» ЖШС).

Тоқыма бұйымдары және киім өнеркәсібі. Тоқыма бұйымдары мен киім өнеркәсібі саласында бірнеше орта кәсіпорындар қызмет етеді, мысалы «Диана-плюс» ЖШС, «Надежда» ТТФ» ЖШС, «Аяз» ЖШС және басқалары арнайы киім, төсек жабдығы, мектеп формасы, киізден жасалған бұйымдар шығарумен айналысады.

Тоқыма өнімдерді өндіру көлемі 2009 жылы 131,1 млн. теңгені, 2012 жылы 325,1 млн.теңгені құрады, ол 2011 жылғы деңгейден 41,5%-ға жоғары, киім өндіру - сәйкесінше 243,1 млн.теңге және 424,7 млн. теңге. Өңдеу өнеркәсібінің жалпы көлеміндегі бұл саланың үлесі 0,4%-ды құрайды.

Өңдеу өнеркәсібінің жалпы көлеміндегі бұл саланың үлесі 0,7%-ды құрайды.

Қазіргі уақытта химия өнеркәсібі саласында сұйық азот пен оттегіні шығаратын және қайта өңдейтін кәсіпорындар жұмыс істейді. Бұлар: «Азот зауыты» ЖШС, «ЗапКазреопром» ЖШС және т.б.

Аталған кәсіпорындардың өнімі ішкі нарықтың қажеттіліктерін қанағаттандыруға бағытталған.