Майсауыт — машинаға техникалық қызмет көрсету мен жөндеу кезінде
іргелес детальдардың үйкелетін беттеріне май беруге арналған құрылғы.
Мамандық — кәсіп аясындағы еңбек қызметінің нақты түрі.
Марка —орындаушыны (әзірлеушіні) машинада белгілеу.
Маркілеу — өнімге (бұйымға), оның бөлігіне, ыдысына, қаптамасына шартты
суреттер мен сандық, әріптік-сандық, символдық белгілерді салу, олар әзірлеуші
кәсіпорын атауын, оның орналасқан жерін, бұйым маркасын көрсетеді.
Материалтану — машинаны қолдану мен жөндеу үшін қажетті материалдың
(металл, қосылыс, жанар-жағармай құрамы, эксплуатациялық сұйықтықтар)
құрылымы мен қасиеттері арасындағы байланысты зерттейтін ғылым.
Манжет — қозғалыс контактісін тығыздауға арналған, қозғалатын және
қозғалмайтын детальдар арасына орнатылатын аралық серіппелі деталь.
Машина — машинистің физикалық күшін қолданбай жұмыс операцияларын
орындауға арналған келісілген түрде жұмыс жасайтын құрамдас бөліктер,
жиналмалы бірліктер мен детальдардың механикалық жүйесі.
Машинаға техникалық қызмет көрсету мен жөндеудің технологиялық
үдерісі — өндірістік үдерістің немесе жұмыстың технологиялық операциялардан
тұратын және машинаға техникалық қызмет көрсету мен жөндеуді қамтамасыз ету
жөніндегі мақсатты белгілі реттегі әрекеттерді қамтитын бөлігі.
Машина жөндеудің өндірістік үдерісі — эксплуатациялық базада немесе
жөндеу кәсіпорнында машинаны ағымдық және күрделі жөндеудің белгілі
технологиялық ретін орындауға қажетті барлық жұмыскер (персонал) мен еңбек
құралының жиынтығы.
Машиналарды жөндеуді ұйымдастыру — жөндеу құжаттарын әзірлеу,
жөндеу жұмыстарының орнын таңдау, технологиялық операцияларды орындау
құралдарының жиынтығын қалыптастыру, орындаушыларды іріктеу, әрбір
орындаушымен жасалатын технологиялық операциялардың ретін анықтау, жұмыс
сапасын есептеу тәртібін орнату.
Достарыңызбен бөлісу: |
