Лекции каз по тпмп 1-дәріс. Кіріспе
жүктеу/скачать 4.11 Mb. Pdf көрінісі
|
|
Құймалар сапасын бақылау Құймалар сапасын бақылауды олардағы ақауларды байқау, оларды болдырмау және жою бойынша шараларды әзірлеу мақсатында жүзеге асырады. Құю цехтарында құймалар сапасын бақылаудың алдын ала және атқарушы әдістерін қолданады. Алдын ала бақылауға шихта және қалыптау материалдарының, қалыптау және өзек қоспаларының қасиеттерін, модельді және құюдың технологиялық жабдықтарын жасау сапасын, сондай-ақ құймаларды алу (қалыптар мен өзектерді жасау, қалыптарды құрастыру және оларды құюға дайындау және т.б.) процесінің жеке сатыларын тексеру жатады. Атқарушы бақылау құймаларды қабылдаудан тұрады. Алынатын өнімнің техникалық шарттарының талаптарын есепке алып, құймаларды топтарға сұрыптайды: жарамды, ақаулы, түзетуге жататын және қайта балқытуға жіберілетін түпкілікті ақау. Құймалардың сапасын анықтау үшін бақылаудың келесі әдістерін қолданады: визуалды, ол кезде барлық құймаларды үлкейтіп көрсетпейтін құралмен немесе лупаның көмегімен тексереді; магниттік, люминесценттік немесе түрлі-түсті – құймалардың бетінде ұсақ жарықшақтар мен қаяуларды айқындау; ультрадыбыстық және радиографиялық (рентген және гаммаграфия) – құймалардағы ішкі ақауларды айқындау үшін. Осы әдістердің көмегімен, бұйымдарды бұзбай, ақаудың өлшемдерін және оның орналасуының құйма бетінен тереңдігін айқындайды. Жаппай өндірісте дефектоскопия процестері автоматтандырылған. Құймалардағы ақауларды сыртқы (құм қаяулары, құйма жапақшалары, қисықтық, күйік, құйма өлшемдері мен пішін үйлесімінің сәйкес еместігі, ыстық және суық жарықшақтар және т.б.) және ішкі (шөгетін және газ қаяулары, қож қосылыстары және т.б.) деп бөледі. Ақаулардың кейбір түрлері 4.36-суретте көрсетілген. 66 4 - дәріс. Арнайы құю тәсілдерімен құймалар алу (из ТПМП нов) Қазіргі заманғы машина жасау құймаларға жоғары талаптар қояды, олар кәдімгі қалыптаумен алынатын құмды қалыптарда ғана жасаумен қанағаттандырылмайды. Сондықтан құймалардың едәуір бөлігін басқа, аса тиімді – арнайы тәсілдермен алу қажет. Арнайы құю тәсілдерімен жасалатын құймалардың айрықша ерекшеліктері олардың аса жоғары дәлдігі, беттің жақсы сапасы, механикалық өңдеуге арналған әдіптердің аз шамалары болып табылады. Бұл талаптар металл, қабықшалы, керамика және басқа қалыптар қолданылып қанағаттандырылуы мүмкін. жүктеу/скачать 4.11 Mb. Достарыңызбен бөлісу:
|