Масимова хуршидам ташболатовна
жүктеу/скачать 4.3 Mb. Pdf көрінісі
|
| қызметі, құндылықты бағдарлы, ұйымдастыру, бақылау, түзетуші,
прогностикалық қызметтерді атқаратындығын анықтадық. Ынталандырушы қызмет - үздіксіз кері байланысты қолдану арқылы білім алушылардың жетістікке болған ұмтылысын қалыптастырып, бағалаушылық пікірлер (жарайсың, керемет,жақсы т.б) көмегімен білім алушының психологиялық көңіл – күйіне әсер етіп, жетістікке болған ынтасын оятады. Дамытушылық қызмет – білім алушылардың оқу үдерісінде өзін – өзі бағалау, серіктесін бағалау,топты бағалау қабілеттерін дамытады.Сараланған тапсырмаларды қолдану арқылы, критерийлерді құрастыру арқылы жетістікке жетуіне көмектеседі. Диагностикалық қызмет – оқу үдерісінде үздіксіз кері байланыс орнатып, білім алушылардың нақты жетістік деңгейін,құзыреттіліктерін анықтайды. «Кері байланыс» қызметі – оқу үдерісінде кері байланыс жасау арқылы оқу үдерісі қатысушылары мен байланыс орнатады. Құндылықты – бағдарлы қызмет – білім алушының топта жұмыс жасау арқылы өз ойын нақты жеткізу, өзгенің пікірін тыңдау, диалог орнату, достық қарым – қатынасты құруды үйрету арқылы рухани - адамгершілік қабілеттерін қалыптастырады. Ұйымдастырушылық қызмет – оқу үдерісінде қалыптастырушы бағалауды жүзеге асырып, білім алушылардың өзін – өзі бағалау, жұпта бағалау, топтық бағалау әрекетін ұйымдастырады. Бақылау қызметі – білім алушылардың жетістікке жетуіне ықпал ететін тиімді жолдарды анықтап, бағыт – бағдар береді. Түзетушілік қызмет – оқу үдерісінде білім алушының оқудағы белсенді әрекетін бағалау арқылы, білім алушының жетістіктерін, қиындықтары, қателіктерін анықтап оларды жаңартылған білім беру стандарты мақсат, міндеттеріне сәйкес түзетеді. Прогностикалық қызмет – білім алушылардың оқудағы жетістіктерін анықтау арқылы педагог өз еңбегінің нәтижесін анықтап, оны жақсартудың жолдарын анықтайды. Білім беру стандарттары аясында құрастырылған тұлғаға бағдарланған білім беру бағдарламаларында оқыту мақсаттары оқушы позициясы негізінде құрастырылған. Осыған байланысты, оқушыға бағытталған сабақтың мақсаты мұғалімге білім алушының жетістікке қалай жеткенін анықтауға мүмкіндік берсе, білім алушыға сабақ барысында оның нені үйренуі керектігін айқындап береді. Педагогтің бағалау іс - әрекеті оқу үдерісін тиімді жүзеге асыруға ықпал ететін принциптерге негізделеді.Біз өз зерттеу жұмысымызда педагогтің бағалау іс - әрекетін дамытуда төмендегі принциптерді педагогтің бағалау іс - әрекетіндегі негізгі принциптер ретінде анықтадық: Мақсатқа бағыттылық принципі – оқу үдерісінде педагогтің білім алушылар мен болған қарым – қатынасы білім беру бағдарламаларында анықталған оқу мақсаттары негізінде жүзеге асады.Бағалау үдерісінде педагог оқу бағдарламаларында көрсетілген мақсаттарды жүзеге асыруы қажет. 78 Объективтілік және әділеттілік принципі – сабақ мақсатына байланысты бағалау критерийлерін нақты құрастыру.Нақты жетістікті ғана бағалау.Бақылау және бағалау мұғалім мен білім алушының бірлікте құрастырған критерийлері негізінде жүргізілуі қажет. Ізгілендіру принципі – әр бір жеке тұлғаның құндылығы мен бірегейлігін мойындау,оның жас ерекшеліктері, мүмкіндіктеріне сыйластық пен қарау. Ашықтық – Бағалау критерийлерін білім алушыларға тапсырманы орындамас бұрын жария ету.Бағалау критерийлерін білім алушылар мен бірге құрастыру. Құндылыққа бағдарлану - бағалау іс - әрекетінде білім беру стандарттарында көрсетілген (қазақстандық патриотизм мен азаматтық жауапкершілік, құрмет, ынтымақтастық,еңбек пен шығармашылық,ашықтық,өмір бойы білім алу) базалық құндылықтарды білім алушылар бойында қалыптастыру. Интегративтілік – бағалау іс - әрекетін оқыту үдерісінің бір бөлігі ретінде қабылдап жүзеге асыру. Денсаулықты сақтау – бағалауға тек білім алушылардың жас ерекшеліктеріне сай тапсырмаларды құрастыру.Білім алушыларға тапсырмаларды саралау негізінде олардың мүмкіндіктеріне сәйкес бөліп беру.Бағалаушылық пікір бергенде білім алушылардың психологиялық ахуалына назар аударып, жағымды қарым – қатынас алаңын құру. Тұлғаға бағдарлану принципі – Оқыту үдерісінде білім алушылардың жетістік деңгейлерін бағалауда әр бір тұлғаның жеке мүмкіндіктерін ескеру.Тапсырмаларды саралау тәсілі негізінде құрастыру. Психологиялық – педагогикалық бағыттағы ғылыми жұмыстар, білім беру мәселелері бойынша нормативтік құжаттарды зерттей отырып, біз педагогтің бағалау іс - әрекетінің мазмұны, құрылымы, принциптері, қызметтерін нақтылап,педагогтің бағалау іс - әрекетінің мәнін айқындадық. Педагогтердің бағалау іс - әрекетінің мәні білім алушыларға әлемдік тәжірибелер негізінде білім беру,өмір сүруге қажетті дағдыларын дамыту, әлеуметтік ортада қоғамның дамуына үлес қосатын құзыретті тұлғаны жетілдіру, білім берудің сапасын арттыру деп тұжырымдаймыз. Диссертациялық жұмысымыздың бұл бөлімінде негізделген материалдар біздің педагогтердің бағалау іс – әрекетін дамыту мақсатында ұйымдастырылатын «Жаңартылған білім беру жағдайында педагогтердің бағалау іс – әрекетінің психологиялық - педагогикалық негіздері» атты қысқа мерзімді біліктілікті арттыру курсымыздың мазмұндық бөлігін құрайды. жүктеу/скачать 4.3 Mb. Достарыңызбен бөлісу:
|