Жиілігі: шығармашылық топ (проблеманы-зерттеу) жұмысының қорытындысы ретінде жылына бір рет шығарылады.
7. Әдістемелік көрме
Әдістемелік көрме - эксперименттік-тәжірибе жұмысының барысында алынған педагогикалық ұжым (жаңашыл-ұстаздар) жетістігін көрнекті түрде ұсыну формасы. Ұсынылған оқу-әдістемелік кешен материалдарын мектептегі әдістемелік бірлестік сұрыптайды және ғылыми - әдістемелік кеңес оның сапалы дайындалғанын «Әдістемелік көрме және оның критериясы туралы» Ережеге сәйкес бекітеді.
Көрме аптаның барлық күнінде жұмыс істейді, осы күндерде ғылыми – тәжірибелік конференция өткізіледі.
Әдістемелік көрменің үлгі ретіндегі тақырыптары (бөлімдері)
1. Бірегей /ерекше/ оқу-әдістемелік кешен.
2. Білім беру бағдарламасының қиын тақырыптарын оқытуға ұсыныс (пәнаралық байланысты іс жүзіне асыруда сабақтастық пен тиімді әдіс-тәсілдерді қолдану).
3. Оқытудың дәстүрлі емес көрнекті-иллюстрациялық құралы.
4. Оқу сағаттары конспектісінің дәстүрлі емес формасы.
5. Оқу-тақырыптық жоспардың түрлері, рефераттар, педагогикалық тәжірибені өзі жинақтаудың үздік жобасы, мамандыққа байланысты жұмыстар.
6. Мектептің әдістемелік бірлестік мүшелерінің, шығармашылық және проблемалық топтарының білім беру үдерісіне өзгеріс /модернизация/ енгізудің жолдарын іздеуге бағытталған ұжымның әдістемелік жұмыс нәтижесі /өнімі/.
7. Оқушылардың үздік шығармашылық жұмысы, балалардың үздік суреттері, т.б.
Мұғалімнің шығармашылық есебі (шығармашылық, проблемалық – зерттеу тобы)
Мұғалімнің шығармашылық есебі – деген эксперименттік-тәжірибе және әдістемелік тақырып бойынша жеке, топтық жұмыс қорытындыларын шығару формасы.
Мақсат: нәтижені жүйелеу, жиналған тәжірибе жұмысын шығармашылықпен ұғыну, қорытынды құжаттар жобасын дайындау (ұсыныс, әдістемелік бюллетенге мақала, ақпараттық-талдау материалдары, өздігінен білім алу жұмыс жоспарының жобасы, жаңа оқу жылына эксперименттік-тәжірибе жұмысы, т.б.).
Міндеттер:
1. Өзін-өзі талдау дағдысын жетілдіру және талдау.
2. Әдістемелік жұмыстың тиімділігін анықтауға қажетті әдістемелік және ұйымдастыру /срез/ құрал - материалдарымен қамтамасыз ету.
3. Мұғалімнің жұмысын тәжірибеге енгізуге ұсыну үшін қажетті жағдайларды жасаудың іс шаралар жүйесін жобалау.
Мазмұн:
жұмыс нәтижесінің қорытынды материалын презентациялау;
ұсынылған тәжірибе жұмысына (әдістемелік кеңес, әдістемелік бірлестік жетекшісі) әкімшілік мүшелерінің сараптамасы;
мұғалімдер тобы мен жаңашыл ұстаздар жұмысының мәні мен өзектілігін иллюстрациялайтын оқу сағаттарының үзінділерін көрсету;
презентация материалдарын педагогикалық ұжым мүшелерінің талқылауы;
өткен сараптама материалдарын жүйелеу, оны жазбаша реферат, баспа өнімі, шығармашылық есеп түрінде ұсыну /жасау/.
Достарыңызбен бөлісу: |
