Монография оқытушы-ұстаздарға, студенттер, магистранттар, докторанттар мен ғылыми зерттеушілерге, тәрбиешілерге, спорт жаттықтырушыларына және жалпы ұлттық халық ойындары мен спорты туралы білгісі келетін көпшілікке арналған
жүктеу/скачать 481.78 Kb.
|
- Бұл бет үшін навигация:
- 202. Орамал лақтыру
| 201. Таяқтан аттау
Ойыншылар саны: 15-20 адам. Ойынның мақсаты: Ойыншы қолындағы екі ұшынан ұстаған гимнастикалық таяқшадан аяғымен тез аттауға үйрету. Керекті құрал-жабдықтар: гимнастикалық таяқшалар, ысқырық. Өткізетін орын: спорт зал, алаң. Ойынға дайындық: санау арқылы ойыншылар төрт топқа бөлінеді, топтар арасы алшақ болулары керек. Тізбектегі ойыншылардың арасы бір метр. Әр топта бірінші тұрған ойыншы қолындағы таяқшаның екі шетінен ұстап, денесін сәл еңкейтіп тұрады. Ойын мазмұны: ойынның басталуына белгі берілген кезде ойыншылар екі аяғымен кезек және тез таяқшадан аттап өтіп, таяқшаны келесі ойыншыға береді, ол келесі балаға береді, сөйтіп ойын осылай тізбектегі барлық ойыншылар таяқшадан аттап өткенше жалғасады. Қай ойыншылар бұрын аттап өтсе, сол топ ойыншылары жеңіске жетеді. Ойынның ережесі: ойыншылардың арақашықтығы бір метрден кем болмауы керек; таяқшаны екі қолмен шетінен ұстайды; таяқты келесі тұрған балаға басынан асырып беру қажет; ең соңғы бала таяқтан өте сала жүгіріп келіп тізбектің алдына тұрғаннан соң, қолын көтергенде ойын аяқталады. Әдістемелік нұсқаулар: ойынды арнаулы таяқшалармен жүргізу қажет. Таяқшалар баланың қолын жарақаттамайтындай болғаны дұрыс. Топтың саны ойынның жүргізілетін орны мен сыныптағы оқушылардың санына қарай өзгеріп отырады. Ойынның педагогикалық маңызы: бала тік жүріп, еңкейіп те, шапшаң және икемді қимыл-қозғалыста болып, қолайсыз жағдайлардағы қимылдарды жылдам үйлестіріп әрекеттенуге дағдыланады. Ойыншылар басқаларды қадағалап, сонымен өзінің әрекетін сәйкестендіреді. 202. Орамал лақтыру Ойыншылар саны: 10-30 адам. Ойынның мақсаты: жүгіріп жүргенде қосымша жаттығулар орындауға үйрету. Керекті құрал-жабдықтар: ортасынан түйілген орамал және ысқырық. Өткізетін орын: спорт зал, алаң. Ойынға дайындық: шеттері белгіленген ойын алаңында ойыншылар өз беттерімен жаттығулар жасап, бірін-бірі қуалап, жүгіріп ойнап жүреді. Балалардың қалауымен араларынан бір ойын жүргізуші сайланады. Ойын мазмұны: Жүргізуші өз қолына түйілген орамалды алып, алыста тұрған бір балаға лақтырып жіберіп, өзі дауыстап бір, екі, үш деп санап орамалды алған ойыншыны қуа жөнеледі. Орамалды алған бала ойын жүргізуші қасына жақындап қалғанда қолындағы орамалын басқа адамға лақтырып жібереді. Егерде орамалды лақтырып үлгере алмай ұсталып қалса, орамалды ойын жүргізуші алып қойса, ұсталған ойыншы жүргізуші болып, орамалды басқа ойыншыға лақтырып ойынды әрі жалғастырады. Ойын берілген уақыт арасында жүргізіліп, кімдер орамалды аз уақытта көп рет біріне бірі лақтырса, қай қуғыншының тез ұстап алғанын атап өтеді. Ойынның ережесі: алаңның шетінен шығып кеткен ойыншы ойыннан шығады; орамалды лақтырғанда баланың атын айтып лақтыру қажет; орамалды қағып ала алмай қалған бала орамалды басқа балаға береді; қашып келе жатқан баланы ойын жүргізуші қуып жетсе, ол орамалды беруі керек. Әдістемелік нұсқау: ойыншылар орамалды ұстамағанның өзінде жүгіріп, ойнап жүруіне болады. Ол үшін орамал тек жүгіріп келе жатқан ойыншыға беріледі деп айтып қою керек. Орамалдың орнына басқа затты алуға болмайды. Ойынның педагогикалық маңызы: балалар өздерінің шамаларына қарай керегінше жүгіріп, жаттығуларды да өз еріктерімен орындайды. Жаттығу мен тынығуды өздері белгілеп, орындауға үйренеді. Жүгіріп жүріп айналаны тез бағдарлап, өз қимылын соған байланысты сәйкестендіруге дағдыланады. жүктеу/скачать 481.78 Kb. Достарыңызбен бөлісу:
|