Мүрәлінов К.Қ., Махмутов А.Қ., Мүрәлінова Ж. К
жүктеу/скачать 4.96 Mb. Pdf көрінісі
|
- Бұл бет үшін навигация:
- Бұғыларды пішу
- Төбеттерді пішу
|
Бураны пішу Ұманың құрылымдары және жалпы қынаптық қабық анатомиялық ерекшеліктерене байланысты көбінде ашық тәсілмен пішеді. Бекіту және жансыздандыру. Малды айғыр сияқты жатқан жайда бекітеді, интратестикулярлық және жергілікті жансыздандыруға новокаиннің ерітіндісін қолданады. Операцияның техникасы. Ұма және жалпы қынаптық қабығын ашқаннан кейін, жалпы қынаптық қабығын әр жағынан көлемі 3 см енімен бөлшектеп кесіп алады. Оның қажетілігі ен көтергіштің әлсіз дамуынан және фасцияның жалпы қынаптық қабықпен тығыз жетілу себебінен. Пішуден кейін жарадан ұма қабықтары сыртқа түсіп салбырауы мүмкін. Ішкі ен көтергіштің әлсіз дамуы себебінен, ен бауының кесегі түсіп қалмау үшін ен бауын еннің үстінен 9 - 10 см жоғарырақ ажыратады. Содан соң Зандының қысқышымен немесе эмаскулятормен енді бөліп алады. Аспаптар орнына лигатураны қолдануға болады. Бұғыларды пішу Операцияға И.A. Телятниковтың қысқышын қолданып перкутандық әдіспен пішуді жүзеге асырады. Жатқан жайда бекемдейді. Жансыздандыруға нейролептик қолдану қажет. Операцияның техникасы бұқаларға және қошқарларға жасағанымен бірдей, қысқышты енге жақын маңда тамырлы конусқа салуымен жасалады. Операцияның дұрыс жасалуына күмән болса (қысқышты қысқан кезде тиісті сықыр естілмесе және ен бауында ақау табылмаса), қысқышты 1,5-2 см жоғарырақ орналастырып қайтадан қысады. 164 Төбеттерді пішу Көрсетуі. Еннің жазылмайтын аурулары, либидосын жою немесе жуастату үшін. Жансыздандыру. Нейролептик және жергілікті жансыздандыру. Операцияның техникасы. Ең қарапайым түрі пішуді жабық тәсілмен жасауы. Малды арқасына жатқызады. Опрерация орыны даярлағаннан кейін шаптың аумағында ұманың мойыны көлемінде сипалап, ен бауларын табады. Сол орынға, тері астына 2% новокаин ерітіндісін инъекциялайды. 5-10 минуттан кейін ен бауының бойымен оның үстінен, теріні 3 - 5 см мөлшерде тіліп, жалпы қынаптық қабықпен жабылған, сарғыш - көгілдір түсті ен бауының денесін ашады. Содан соң қайшыны ен бауының астына әкеліп оны жара ішінен сыртқа шығарады. Жіңішке инемен интравагиналды 2 мл 2% новокаин ерітіндісін енгізіп енді жараның сыртына алып шығады. Жалпы қынаптық қабықпен жабылған ен баудың, жіңішкерілген бөліміне кетгуттың лигатурасын салып, оны төменінен кесіп енді алады. Жараны тігіп қояды. жүктеу/скачать 4.96 Mb. Достарыңызбен бөлісу:
|