Нұр-сұлтан 2019 Әдістемелік құрал
Сатып алушыларды алдын ала төлеуге ынталандыру
жүктеу/скачать 4.43 Mb.
|
- Бұл бет үшін навигация:
- Тауар, шикізат, материалдар түріндегі тұрақтандырылған активтерді қысқарту
| Сатып алушыларды алдын ала төлеуге ынталандыру
Кідірісі бар клиенттерден ақшалай қаражаттың түсуі компанияның тапсырысты орындау үшін өзінің ағымдағы айналым қаражатын пайдалану қажеттігіне алып келеді. Мысалы, қолда бар ақшалай қаражат тауарды сатып алуға, сату алдындағы дайындыққа, сатып алушыға дейін жеткізуге бағытталады.Сонымен қатар, сатып алушы тауардан бас тарта алады. Бұл жағдайда тауарды қоймаға дейін төлеу және қайтару қажет болады.Біз көріп отырғанымыздай, тапсырысты орындау үшін көптеген шығындық операциялар орындалды, бірақ бұл ретте сату да жасалмаған және сатып алушыдан қаражат та түспеген. Қаражат айналымнан шығарылды және енді тауар түрінде тұрақтандырылды. Осындай айналымнан қаражат алу көлемін азайту үшін сатып алушыларды алдын ала төлеуге ынталандыру қажет. Оларға қолма-қол қаражатсыз төлем жасаған кезде тегін жеткізу, шағын жеңілдіктер немесесыйлықтар беруге болады. Немесе керісінше, төлемнен кейінгі тапсырыстарға үстеме баға жасауға (үстеме төлеммен, курьерге төлеумен және т.б.) болады.Тапсырыстың 2-5% жеңілдіктері алдын ала төлеу кезінде пайда болған кассалық алшақтықтарға қарағанда әлдеқайда арзанырақ болады. Тауар, шикізат, материалдар түріндегі тұрақтандырылған активтерді қысқарту Ағымдағы операцияларды жүзеге асыру үшін ақшалай қаражаттың жетіспеушілігінің тағы бір себебі тауарлар мен материалдар түрінде активтерді тұрақтандыру болып табылады. Егер ұйымда тауарды сатып алудың жолға қойылған моделі болмаса, мұндай жағдай туындайды.Тауарды «керегінен артық» сатып алу ақшалай қаражаттың едәуір бөлігі тауарларға айырбасталуына және ұзақ уақыт өткізілмеуіне әкеп соғады. Нәтижесінде қаражат қоймадағы өлі жүк болып, компанияның айналымына қатыса алмайды.Сіз тауарларды операциялық қызмет үшін қажет көлемнен артық сатып алмаңыз. Бос ақшалай қаражатты оларды аз өтімді активтерде тұрақтандыруға қарағанда тапсырыстар санын көбейту және айналымды ұлғайту үшін пайдаланған дұрыс. 3-тапсырма Ақпан айының басында интернет-дүкеннің шоттарында 750 мың теңге болды. 2 ақпанда №1 клиенттен 550 мың теңгеге тапсырыс түсті. Шарт талаптары бойынша клиент тапсырыс құнының 30% мөлшерінде алдын ала төлем жасайды, ал қалған бөлігі тауарды жөнелтілгеннен кейін төлейді. Интернет-дүкен ақпан айында келесі төлемдерді жүзеге асыруы керек: - 5 ақпан – үй-жайларды жалға алу үшін 175 мың теңге көлеміндегі төлем; - 15 ақпан – өнім берушіден 400 мың теңге мөлшеріндегі тауарды сатып алу; - 17 ақпан – қызметкерлерге жалақы төлеу – 400 мың теңге. №1 клиентке 21 ақпанда тауар жөнелтілді, сол күні одан тапсырыс бойынша соманың қалған бөлігі түсті. 25 ақпанда №2 клиенттен 450 мың теңгеге тапсырыс түсті. Сатып алушы 100 % алдын ала төлем енгізді. Операциялары бар кестені құрастырыңыз және әрбір операциялық күнге ақшалай қаражаттың қалдығын есептеңіз. Кассалық алшақтық кезеңін табыңыз.
жүктеу/скачать 4.43 Mb. Достарыңызбен бөлісу:
| ||||||||||