Білім, икемділіктер, дағдылар: іскерлік мансаптың құрамдастары туралы түсінікті, оларды өмірлік жағдайларда қолдану икемділіктері мен дағдыларын жетілдіру.
Ойындардың, ойын тапсырмаларының, жаттығулардың, жағдайлардың сан алуан түрі: «Мамандық» еліне саяхат ойыны.
Тапсырмалар: 1. Шағын топтарда белгілі бір мамандықты таңдау. 2. Таңдап алынған мамандықтарды презентациялау. 3. Талқылау.
Рөлдік ойындар: «Еңбек биржасы» (биржа маклерлері, әр түрлі мамандықтағы жұмыссыздар: Маклерлер мамандықтарды атайды, ал екі топқа бөлінген жұмыссыздар аталған мамандыққа бейімділігін тексере отырып, керекті мамандықты таңдайды). Талқылау.
Жаттығулар: «Мен – дәрігер (қалауы бойынша, мұғалім, құрылысшы, сатушы және т.б.)».
Тапсырмалар: 1. Сендердің кім (мамандық) болып жұмыс істегілерің келетінін жазыңдар немесе суретін салыңдар. 2. «Еңбек адамды үш ұлы істен босатады: зерігуден, жарамсыз қылықтан және мұқтаждықтан» (Вольтер) осы сөздердің мағынасын түсіндіріңдер.
8-тақырып. Менің туған өлкем, қалам (ауылым) Білім, икемділіктер, дағдылар: Отан туралы түсінікті жетілдіру, оған деген қамқорлық қатынастың икемділіктері мен дағдыларын тәрбиелеу.
Ойындардың, ойын тапсырмаларының, жаттығулардың, жағдайлардың сан алуан түрі: «Алматы – менің қалам» (өзінің өмір сүріп жатқан жерінің аты) саяхат ойыны.
Тапсырмалар: 1. Өз ауданы, қаласы туралы материалдарды жинау. 2. «Экскурсия» ойыны барысында гидтар көрнекі эпизодтарды (ән, би, қалжың, атақты адамдармен кездесу, назар аударрарлық жерлерге бару) пайдалана отырып, өз ауданының, қаласының тарихы, қазіргі өмірі туралы әңгімелейді.
«Менің қаламның (ауданымның) тарихы» әңгімесіне ойын сайысы.
ІІ ТАРАУ. СЕНСОРЛЫҚ ДАМУ
9-10-тақырыптар. Қабылдау қасиеттері Білім, икемділіктер, дағдылар: қабылдау қасиеттерін, оларды өмірлік жағдайларда қолдану икемділіктері мен дағдыларын жетілдіру.
Ойындардың, ойын тапсырмаларының, жаттығулардың, жағдайлардың сан алуан түрі: Ойындар: «Не өзгерді?», «Тамаша дорба».
Тапсырмалар: 1. Сөздегі түсіп қалған әріптерді қою. 2. Сөйлемдегі түсіп қалған сөздерді қою. 3. Бұзылған мәтінді пайдалана отырып, әңгіме құрау.
Тапсырма сұрақтар: 1. Мұғалімнің дауыс интонациясы жаңа материалды түсіндірген кезде, оны қабылдауға қалай көмектеседі? 2. Мұғалім дәптердегі қателерді неге қызыл сиямен түзетеді?
Жаттығулар: «Екі құрамды құмыра» «Екі мағыналы суреттер», «Адам – ағаш » және т.б. (талғампаздықпен қабылдау).
11-12-тақырыптар. Түсті, пішінді және көлемді қабылдау
