Оңтүстік Қазақстан Мемлекеттік фармацевтика академиясы



бет15/25
Дата09.06.2016
өлшемі2.68 Mb.
#124970
түріЖұмыс бағдарламасы
1   ...   11   12   13   14   15   16   17   18   ...   25

Тестілер

1.Тамыр ішілік шашыраңқы қан ұю синдромының негізіне келесі патологиялық процесстер жатпайды:

А) тамыр ішілік қан ұюдың жайылуы

Б) тромбтардың түзілуі

В) геморрагиялық синдромның дамуы

Г) эндотелидің дистрофиясы және дисфункциясымен микроциркуляция бұзылысы

Д) қан ұюдың туа пайда болған VIII және IX факторының жетіспеушілігі
2. Тамыр ішілік шашыраңқы қан ұю синдромының этиологиялық факторы бола алмайды:

А) бактериалды және вирусты инфекциялар

Б) аллергиялық аурулар

В) ацидоз және гипоксия

Г) рахит

Д) жарақат


3.Тамыр ішілік шашыраңқы қан ұю синдромына процесстің кезеңділігі тән емес:

А) гиперкоагуляция

Б) өспелі коагуляциялық қажеттілік пен фибриноколитикалық активтілік

В) қан ұйыту факторларының төмендеуімен фибриногенизацияның төмендеуі

Г) блокада мен тромбоз кезеңі

Д) екінші жедел кезең


4.Келесі патогенетикалық белгі тамыр ішілік шашыраңқы қан ұю синдромында эндотоксиннің енгізілуімен түзілмейді:

А) гемодинамикалық бұзылыс

Б) қан ұйытудың активтенуі

В) СМФ-мононуклеарлы фагоциттердің клеткалық блокадасы

Г) антиген+антидене реакциясы

Д) коагулопатия


5.Тамыр ішілік шашыраңқы қан ұю синдромында циркуляцияланатын эндотоксин келесі патологиялық процессті шақырмайды:

А) тамыр эндотелиінің бұзылуымен нейтрофилдердің деструкциясы мен дегрануляциясы

Б) тромбоциттер тромбоцитарлы микротромбтар түзеді

В) Х11 фактор активациясы

Г) көкбауырдың гиперфункциясымен байланысты тромбоцитопения

Д) жоғарылаушы коагулопатия


6. Тамыр ішілік шашыраңқы қан ұю синдромының жіктелуінде қарастырылмайды:

А) жедел, жеделдеу, созылмалы ағымы

Б) комбинирленген компенсация, субкомпенсация, декомпенсация кезеңдері

В) таралуы локализацияланған, диссеминирленген

Г) 4 кезеңге бөледі

Д) біріншілік түрлері

7. Тамыр ішілік шашыраңқы қан ұю синдромының компенсация кезеңінің басталуына тән емес:

А) қанайналымның орталықтануы

Б) гипертермия 390С

В) беттің қызаруы мен бозаруы

Г) қол фалангаларының цианозы

Д) брадикардия


8. Субкомпенсация кезеңіне тән емес:

А) гипертромбоцитоз

Б) терінің бозаруы мен мраморлығы

В) жгут салған жердегі петехия,инъекция орнындағы экхимоз

Г) гипертермия 400С-қа дейін

Д) тахикардия


9. Тамыр ішілік шашыраңқы қан ұю синдромының декомпенсация кезеңіне тән емес:

А) мраморлы суретпен терінің көгеруі,ак дақ симптомының оң болуы,құрғақтық

Б) реттелмейтін гипертермия

В) гипертензия немесе гипотония

Г) ОЖЖ-нің зақымдалауы,кома

Д) гиперкоагуляция


10. Тамыр ішілік шашыраңқы қан ұю синдромының диагностикалық критериіне кірмейді:

А) перифериялық қан жағындысы

Б) перифериялық қанда бласттардың анықталуы

В) Ли –Уайт бойынша қанның ұю уақытын анықтау

Г) коагулограмма

Д) тромбоциттер санын сесптеу


Ситуациялық есептер
Есеп 1. Дима 2 жаста. Бір ай іріңді отитпен, лимфоаденитпен ауырған. Амбулаторлы ем қабылдаған, құлаққа тамшылар тамызылған, ампициллин таблеткасын ішкен. Ата-анасы қабынған құлақ маңы лимфа безін хирургиялық емінен бас тартқан. Емдеу фонында дене қызуы 40С жоғарылаған, тахикардия, қалтырау, іштің ауырсынуы, өтпен құсу, бауырдың ұлғаюы байқалған. Жалпы қан анализінде: Лейкоцитоз 25х10 9/л, лейкоформула солға жылжыған, ЭТЖ- 40 мм/сағ. Динамикасында: артериялық қысымының төмендеуі, акроцианоз, тыныстың жиілеуі, инъекция салған жерден қан кету, аяқ-қолдың және денесінің терісінде - геморрагиялық бөртпелер, терінің мраморлығы байқалған. қан ұю уақытысы 10 минуттан көп, анемия, тромбоцитопения.

Сұрақтар: 1. Сіздің диагнозыңыз?

2. Зерттеу жоспары?

3. Емдеу жоспарыңыз?


Есеп №2. Қызбала 3 жаста,бұрын ешқандай аурумен ауырмаған,дамуы қалыпты,жедел 3 күннің ішінде 39С-қа дейін қызба,іш өту күніне 10 ретке дейін,ұстама тәрізді ішінің және кіндік айналасының ауру сезімі,құсу,анорексия,салмақ жоғалту пайда болған.Периодты түрде қол-аяқтың жазылатын бөлімінде нүктелі бөртпе пайда болған.Түскен кезде салмақ жоғалтқаны,терінің құрғақтығы,бозғылттығы,жүйелі атрофия,мраморлылық,лимфа түйіндерінің ұлғаюы анықталған,ауру сезімсіз. Пульсі минутына 96 рет,АҚҚ 140/105 мм сын.бағ,іші жұмсақ,ауру сезімінсіз.Қанда: Нв 98 г/л, эр-3,8х1012/л, л-9,2х109/л, тром- 100, ЭТЖ- 17 мм/сағ.Динамикасында температурасы өсті,жағдайы нашарлаған,тамақтан кейін жиі құсу анықталды,іштегі ұстама тәрізді ауру сезімі,жгут симптомының оң болуы,буындардағы ұшпалы ауру сезімі,майда түйіндердің және денеде нүктелі қан құйылулардың болуы анықталды.

Сұрақ: Сіздің диагнозыңыз?


Есеп №3. Науқас Бағила, 3 жаста “септикалық жағдаймен” денесінің қатты қалтырауымен, дене температурасының жоғарылауымен және жалпы әлсіздікпен шағымданып, жұқпалы аурулар бөлімшесіне түсті. Ешқандай себепсіз бірден ауырды. Түскен кездегі жағдайы ауыр,дене температурасы - 400 С. Тері жабындылары бозғылт, сарғыштау. Тілі құрғақ жабындымен қапталған, тамағы қызарған. Жүрек шекаралары қалыпта, тондары бәсеңдеген, жүрек ұшында систолалық шу естіледі. Өкпесінде ауытқулар жоқ, бауыры мен көкбауыры ұлғаймаған. Кейінгі күндері жоғарғы температурасы ұсталып тұр, жалпы жағдайы нашар, терісінің бозғылт-сарғыштығы артты. Қанында - нормохромды анемия, Нв- 30г/л, Эр.- 1,4х1012/л, ретикулоцитоз 20,5%, таяқша-ядерлі ауытқумен лейкоцитоз -13500 ,тромбоциттері- 60400, ЭТЖ- 28 мм/сағ; қанындағы билирубин - 28 мг/л,тікелей емес фракциясы бойынша, Кумбс реакциясы оң, Ли-Уайт бойынша қанның ұю уақыты - 12 мин. Динамикасында терісінде геморрагиялық бөртпе мен инъекция салған жерлерінде - экхимоздар .

Сұрақтар: 1. Сіздің диагнозыңыз?

2. Сіздің емдеу жоспарыңыз?

Нефрология
1.Тақырыбы: Несеп шығару жолдарының инфекциясы (НЖИ)

2.Оқу сағат саны – 7,2 сағат.

3.Тақырып өзектілігі.

Несеспшығару жолдарының инфекциясы-НЖИ, несеп жүру трактысынде 1 мл зәрдегі бактериялардың 10 т колониядан көп өсуі. Кәзіргі кезде НЖИ-ның классификациясына сай НЖИ-на: асимптомды бактериурия, жедел пиелонефрит, жедел цистит, созылмалы пиелонефрит, қуық-несепағар рефлюксы (ҚНР). НЖИ, ЖРВИ, пневмониялар және басқа жедел инфекциялар фондарында біріншілік болуы мүмкін, балалар аурулары құрылымында, әсіресе неонатальды кезеңде алдыңғы орында тұр. НЖИ –ның таралуы, барлық зәршығаружүйесі аурулурының популяциясындағы орны, жеткілікті орасан және 80% -ке дейін құрайды. Барлық аурулардың ішінде өзінің жиілігі жағынан НЖИ ЖРВИ-нан кейінгі екінші орынды алады.



4.Сабақтың мақсаты:

Балардағы НЖИ-ын білу. НЖИ-ның классификациясы мен анықтамасы. НЖИ-ның этиологиясы, патогенезі, диагностикалау әдістері, басты клиникалық синдромдары. Дифференциалды диагностикасы, емдеуі. НЖИ ауруларының диспансерлік бақылауы және реабилитациясы



Дәрігер-интерн білуге тиіс:

  • НЖИ –ның классификациясын. Анықтамасы.

  • НЖИ-ның этиологиясы, қауіпті факторлары

  • НЖИ-ның клиникасы. Диагностика

  • НЖИ-ның дифференциалды диагнозы.

  • НЖИ-ын емдеудің негізгі принциптары

  • Балардағы циститтер. Этиологиясы. Патогенезі. Классификациясы. Клиникасы. Диагностикасы. Емі.

  • НЖИ-ның прогнозы, профилактикасы, диспансеризациясы.

Дәрігер-интрн істей алуға тиіс:

- ауру баланың ата-анасынан анамнез жинау

- ауруды тексеру жоспарын құрастыру

- клиникалық, лабораториялық және инструменталды зерттеулердің нәтижелерін салыстыра отырып, диагноз қою.

- ауруды емдеу жоспарын құрастыру.
5.Сабаққа дайындалу сұрақтары.

- негізгі білімдері бойынша:

- әр жастағы балалардың зәр шығару жүйесінің АФЕ-ін.

- несеп шығару ағзалары патологиясының семиотикасы симптомдары, синдромдары;

-балардағы клинико-лабороториялық тексеру өдістерінің ерекшеліктері,

-зәршығару ағзалары аураларының фармокотерпиясы ерекшеліктері.

- тақырыпқа байланысты сұрақтар.

НЖИ –ның классификациясын. Анықтамасы.

НЖИ-ның этиологиясы, қауіпті факторлары

НЖИ-ның клиникасы. Диагностика

НЖИ-ның дифференциалды диагнозы.

НЖИ-ын емдеудің негізгі принциптары

Балалардағы циститтер. Этиологиясы. Патогенезі. Классификациясы. Клиникасы. Диагностикасы. Емі.

НЖИ-ның прогнозы, профилактикасы, диспансеризациясы.
6.Ақпараттық-дидактикалық блок.
Несепшығару жүйесінің инфекциясы (НЖИ)

НЖИ дегеніміз, несепшығару жүйесіндегі ағзалардың қабыну деңгейі көрсетілмей және бүйрек паренхимасын зақымдамай өтетін инфекциялану.



Классификациясы.

Несеспшығару жолдарының инфекциясы-НЖИ, несеп жүру трактысынде 1 мл зәрдегі бактериялардың 10 т колониядан көп өсуі. Бактериурия – зәрде қуықтан бөлінген бактерилардың болуы.



Асимптомды бактериурия – балада диспансерлік немесе бағытталған тексеруде табылған бактериурия, ешқандай шағымдары және несеп ағзаларының клиникалық симптомдары жоқ .

Жедел пиелонефрит – бүйректік паренхима мен астаушалардың, бактериалды инфекцияның зардабынан дамыған қабынулық ауруы.

Жедел цистит – қуықтың бактериалды туынды қабынуы.

Созылмалы пиелонефрит – бүйректің НЖИ-ның қайталау шабуылы нәтижесінен фиброзды және тостағанша-астаушалар жүйелерінің деформацияланып зақымдалуы. Бұл зақымдалулар ережеге сай, зәршығару трактыларының анатомиялық аномалиялары немесе обструкция фонында жүреді.

Қуық-несепағар рефлюксы (ҚНР) – несептің қуықтан несепағарларға ретроградты-қайта кері ағуы. ҚНР-біріншілік, екіншілік болып бөлінеді. Біріншілік ҚНР туа пайда болған және қуық-несепағар сағасының сілемей қабатыасты өзгерісімен жүретін, даму аномалиясынан антирефлюксты механизмнің бұзылуына байланысты.

Екіншілік ҚНР - несепағар немесе уретраның артқы клапанының обструкциясынан туындайтын, гипо немесе гиперрефлекторлы типті қуықтың нейрогенді дисфункциясының динамикалы бұзылысы.



ҚНР-ң классификациясы ҚНР-тің халықаралық жіктелуі цистографияға негізделген, және оның келесі дәрежелерін қарастырады:


Сурет 2.
І деңгейі – тек несепағарға лақтыру (заброс). Рентгеноконтрасты зат тек несепағарда;

ІІ деңгейі – астаушаға кеңеюінсіз және астаушалардың деформациясыз несепағарға, тостағанша лақтыру. Рентгеноконтрасты зат несепағарда, астауша мен тостағаншаларда, бірақ олар кеңейіп, деформацияланбаған;

ІІІ деңгейі – несепағардың аздаған дилатациясы және қисықтығы, астауша тостағаншалардың аздап кеңеюі.

ІУ-деңгейі – несепағардың аздаған дилятациясы және қисықтығы, астауша, тостағаншаның аздап кеңеюі және толық күмбездің тік бұрышының облитерациялануы.

У-деңгейі несепағар, астауша, тостағаншаның анық дилатациялары, астаушаларда капиллярларлық ойыстықтың жоғалуы.
НЖИ терминін, бүйрек паренхимасын қамтымайтын және несеп жүйесінің зақымдану деңгейін көрсетпейтін зәр жолдарының инфекциялык жұқтырылуы деп түсінеміз. 1 жасқа дейінгі балалардағы несеп жүйесінің инфекцияларымен сырқаттанушылық 7:1000 тең және эпидемиологиясы тұрақты.

НЖИ ЖРВИ, пневмония және басқа да жедел инфекциялар кезіндегі біріншілік ауру болуы мүмкін, олар балалық шақтағы аурулар құрылымында басты орынға ие болады, әсіресе неонатальдық кезенде: нәрестелердегі НЖИ — ұлдарда (1,4%), кыздарда (0,5%), мерзіміне жетіп туылғандарда (1%), шала туылғанда (2 — 3%).

Сонымен қатар НЖИ себептері несеп жүйесі мүшелерінің аномалиялары мен функ- ционалдық бұзылыстары болуы да мүмкін.

НЖИ қоздырғыштары: ең жиі Еsсhеrісhіа соlі, одан кейін Епtеrососсus (Stгерtососсus fаесаlіs), КІеЬsіеllа, және Рrоtеus. Несеп жүйесінің аномалиялары болғанда сонымен қатар Рsеudomonas, Staрћуlососсus аuгеus немесе S. еріdегmitis аnd Наеmорћіlus іnfluenzae анықталады. Қабынудың басқа этиологиясы: вирусты НЖИ, саңырауқүлақты НЖИ, геморрагиялық цистит (токсикалық), паразитоздық (шистосомоз).

Балалардағы НЖИ даму қаупінің факторларының арасындағы ең маңыздылары мыналар:



  • жүкті әйелдердегі пиелонефрит;

  • анасында созылмалы инфекциялардың болуы;

  • жүктіліктің 1-ші және 2-ші жартысындағы токсикоздар;

  • бүйрек патологиясы бойынша тұқымқуалаушылық ауыртпашылығы;

  • ата-анасы мен туыстарында зат алмасу ауруларының болуы;

  • анасының жүктілігі кезіндегі кәсіптік зияндықтар.

НЖИ-ның таралу жолдары:

  • гематогендік;

  • жоғарылайтын;

  • лимфогендік.

НЖИ-ның клиникалық белгілері

Жалпы симптомдар мен белгілер:



  • Сәбилік жастағы балаларда тыныс жолдары зақымдануының белгілерінсіз және басқа да бейспецификалық объективті мәліметтерсіз қызбаның, интоксикацияның байқалуы - осы патологияга күдік, секем тудырады;

  • Дене салмагының нашар қосылуы, құсу, жиі жылау немесе тәбетінің нашарлауы, терісінің бозаруы, адинамия, диспепсиялық бұзылыстар. Үлкен жастагы балаларда; жиі зәр шығару, энурез, дизуриялық құбылыстар, ішінің ауыруы;

  • Гипертензия;

  • Сепсис, менингит, сарғаю.

Бүйректік көріністері: лейкоцитурия, төменмолекулалы нәруызды протеинурия, гема- турия, дизурия, поллакиурия, ШФЖ төмендеуі және бактериурия.

Клиникалық симтомдар жиынтығынсыз өтетін бактериурияның жиі тіркелуін ескере отырып, асимптоматикалық және симптоматикалық бактериурия ұғымдарын ажыратады.

НЖИ-ң кезіндегі сырқаттанушылық пен өлім бактериялық әсерге емес, мыналарға тәуелді болады:


  • НЖИ-ң басталған кездегі жасына;

  • диагноздың кеш қойылуына;

  • зәр жолдарының аномалиясының және қызметі бұзылуының дәрежесіне;

  • қосымша патологияға.

Өлім себептері — сепсис, бүйрек жетіспеушілігі және қатерлі гипертензия.

НЖИ бар балаларда аспаптық және басқа да зерттеулерді өткізу.

  • Бүйрек пен қуықтың УДЗ (бірден НЖИ басталған кезде, кідірместен). Микциялық цистография (УДЗ-де патология анықталған барлық жағдайда) әдетте,

  • антибактериалдық емнің соңғы тәуліктерінде, зәр тазарған кезде.

  • Шатүстілік пункция қауіпсіз және дәл.

  • Науқас балаларда екіншілік скрининг мақсатымен зәрді тез зерттеуге арналған тест- жолақтармен жиі тексеріп түру.

Емдеу

1-ші кесте. НЖИ антибиотиктермен емдеу


Дәрі-дармектер

Нәрестелер

2 ай—2 жас

Ампициллин

Әрдайым венаға 10-14




Тобрамицин




Цефиксим




пероральды 5-10 күн (жүйелі инфекция кезінде)

Нитрофурантоин




пероральды, 5 күн (жүйелі инфекциясыз)


Цистит

Цистит — қуықтың шырышты қабатының қабынуы және оның қызметінің бұзылуы. Қыз балалар циститпен ұл балаларға қарағанда жиі ауырады.

Несеп жүйесінің қалыпты анатомиялық тұтастығы мен физиологиялық қызметі кезін- де қуықтың уротелийінің резистенттілігі жоғары болады.

Қуықтың қабыну үрдісінің пайда болуына жағдай жасап, септесетін ықпалдар:



  • Зәр шығару жүйесінің туа біткен және жүре пайда болған аурулары кезінде төменгі зәр жолдарының уродинамикасының бұзылуы;

  • Кристаллурия; химиялық заттардың, улардың, дәрілік заттардың токсикалық әсері; гипо- және авитаминоз және т. б. кезіндегі қуықтың шырышты қабатының функ- ционалдық бұзылыстары;

  • Қуық қабырғасында, кіші жамбас астауында қанайналымның бұзылуы;

  • Организмнің жалпы реактивтілігінің төмендеуі (гиповитаминоз, суык тигізу, зорығу, ұзақ инфекциялық және инфекциялық емес аурулар, дистрофиялар, экссудативті- катаральды диатез және т. с. с. кезінде).

Этиологиясы мен патогенезі

Балалардағы циститтердің этиологиясында инфекциялық (спецификалық және бей- спецификалык), химиялық, токсикалық, дәрі-дәрмектік, радиациялық және басқа да ық- палдар рөл атқарады. Көбінесе ішек таяқшасы, стрептококк, протей, хламидиялар, стафи- лококк анықталады. Вирусты этиология жағдайында аденовирус, герпес жиі анықталады. Микоздық этиологиялы циститтер әдетте жайылмалы үрдіс кезінде анықталады. Специ- фикалық этиологиялы циститтер (гонореялық, трихомонадалық) ересектерге қарағанда, балаларда сирек кездеседі. Инфекцияның қуыққа өтуі жоғарылайтын, төмендейтін және гематогендік жолмен жүзеге асырылуы мүмкін.

Клиникасы

Жедел цистит баланың мазасыздануынан, қасағаүстіндегі ауырсыну синдромынан және дизуриялық бұзылыстардан басталады. Кейде зәрді ұстап тұра алмау байқалады. Зәр лайлы, кейде қызылдау түсті болады. Ағымы жеңіл түрден, интоксикациямен, қызбамен өтетін ауыр түрге дейін болуы мүмкін. Дұрыс емдеген кезде 3-5 күннің ішінде жақсару байқалады. Егер 2 — 3 аптаның ішінде зәрі қалпына келмесе, урологиялық зерттеу өткізу қажет.



Созылмалы цистит әдетте дұрыс емес емдегенде, балада несеп жүйесінің туа біткен және жүре біткен аурулары болған жағдайда дамиды.

Цистит пен пиелонефрит арасында ажырату диагнозын жүргізгенде, клиникалық кө- рінісінен басқа, бірқатар ерекшеліктерді ескеру қажет. Мысалы, цистит кезінде зәр пор- циясындағы ірің әдетте түбіне тез тұнады да, тұнбаның үстіндегі зәр айтарлықтай таза- рып, кейде тіпті мөлдір болады. Ал пиелонефрит кезінде зәр жаппай лайлы болады, ірің мен шырыштан тұратын, әртүрлі қалыңдықтағы тұнба пайда болады, тұнбаның үстіндегі зәр тазармайды да, лайлы күйінде қалады. Егер ірінді зәрдегі нәруыздың мөлшері 1% асса, бүйректің зақымдануы туралы ойлау керек.

Асқынулары

Асқынулары: пиелонефрит, несеп шығаратын өзектің дистальды бөлігінің стенозы, қуық мойнының склерозы, парацистит, қуық қабырғасының тесілуі, перитонит.

Циститпен науқастанғандарды емдеудің ерекшеліктсрі

Жедел циститтің кешенді емінде мына ережелерді сақтау қажет: төсектік тәртіп, де- нені бірқалыпты және ұзақ жылыту, тыныштық, жан-жақты, дәрумендерге бай тамақ, ащы және тітіркендіруші тағамдардан бас тарту. Минералды сулар мен дәрілік шөптердің тұндырмасын қоса, көп мөлшерде сүйықтық ішу керек.

Циститпен науқастанғандарға жүргізілетін антимикробтық емнің ерекшеліктері

Антибактериалдық дәрі-дәрмектер нефротоксикалығы мен несеп микрофлорасының сезімталдығын ескере отырып көрсетіледі (пиелонефрит кезіндегідей). Емдеу курсы 10 — 14 күн.

Цистит кезінде дәрілерді парентеральды тағайындау ақталмайды, негізінен бүйрек арқылы шығарылатын және қуықта дәрінің жоғары концентрациясын қамтамасыз ететін уросептиктер қолданған дұрыс. Жедел циститті Ко-тримоксазолмен (Бисептолмен) ем- деу жоғарылайтын инфекцияға және пиелонефрит дамуына жол бермейді. Бұрынғысын- ша, нитрофуран препараттары тиімді болып қалуда, микробтық флораның левомицетин- ге сезімталдығы сақталып отыр. Алайда оны тағайындаған кезде баланың преморбидтік күйіне көңіл аудару қажет (лейкопения мен анемия кезінде пайдаланбау керек), емнің ұзақтығы 4 — 5 күннен аспауы тиіс.

Асқынбаған жедел циститті емдеу үшін бактерицидтік қасиеті бар, ауыз арқылы қабылдағанда белсенді әсер ететін монуралды қолдануға болады. Ол барлық дерлік грам-теріс бактерияларға, соның ішінде көкірің таяқшасына қарсы кең антимикробтық спектрге ие. Бүл дәрі, сондай-ақ, грам-оң бактерияларға қарсы да белсенді болып табылады: стафилококктарға (алтын түсті, эпидермальдық) және стрептококктарға (сапрофитті, фекальды). Монуралдың маңызды қасиеті оның антиадгезивтік қабілеті болып табылады, бұл әсіресе «зәр жолдарының Е. Соlі» жұқтырылуы кезінде маңызды. Монуралды тағайындауға қарсы көрсетілім бүйрек жетіспеушілігі болып табылады.

Жедел цистнт кезінде налидикс қышқылының препараттарын қолданбаған жөн. Қабы- ну үрдісінде оң динамика болмағанда, өткізіліп жатқан антибактериальдық емнің тиімсіз- дігінің себебін анықтау үшін тексеру өткізу қажет.

Циститтің жедел кезеңіндегі физиотерапия айтарлықтай емдік әсер етеді (қуық тұсына УЖЖ (УВЧ) өткізу). Үй жағдайында, физиотерапия өткізе алмаған жағдайда, жылы ваннаға отыруды, қуық тұсына жылытқыш қоюды ұсынуға болады. Фитотерапия қуық- тағы қабыну үрдісінің жедел кезеңінде де, азайған кезінде де сәтті қолданылады. Бұл әр- түрлі фармакологиялық әсері бар жеке шөптер немесе олардың жиынтығы: антисептика- лық, қабынуға қарсы, зәр айдаушы, регенерациялаушы. Жедел циститте инстилляциялар өткізілмейді.

Циститтердің алдын алуға көптеген шаралар жатады, олар жедел жұқпалы аурулардың алдын алу мен дер кезінде емдеуге, туа біткен уропатияларды ерте анықтауға және емдеуге, шынықтырушы шараларды қолдануға, жеке бас гигиенасын сақтауға бағытталады — осының барлығы организмнің тез сауығуына қолайлы жағдай жасайды.


7.Сабақтың мазмұны:

  • Өз бетімен атқаратын жұмыс (аурулармен атқаратын жұмыс, тәжірибелік дағдыны меңгеру және бекіту, анамнез жинау, клиникалық тексеру және т.б.), диагностика кабинетіндегі жұмыс және т.б.

  • Оқытушымен бірге атқаратын жұмыс ( жеке немесе топпен; өз бетімен өткізген жұмыс қорытындысын талдау, аурулардың клиникалық талдауы және т.б.).

  • Негізгі және қорытынды білім деңгейін бақылау (тест, ситуациялық есептер, тәжірибелік дағдылар т.б.).


Тестілер
1... НЖИ –ң жиірек қоздырушысы болып табылады.

а) Ішек таяқшасы

б) Стафилококк

в) Стрептококк

г) Микоплазмалар

д) Пневмококк


2.НЖИ-а қандай симптом басымырақ тән?

а) гематурия

б) лейкоцитурия

в) протеинурия

г) дизурия

д) бактериурия


3. НЖИ-мен қыздар кай жаста жиірек ауырады?

А) 1-3 ай

Б) 3-6 ай

В) 6-9 ай.

Г) 9-12 ай

Д) жаңа туылған


4. Нефроннан астаушаға (лоханки) инфекция ... рефлюкс арқылы тарауы мүмкін распространяться путем …:

А) уретро-реналды

Б) пиело-реналды

В) рено-реналды

Г) цисто-уретралды

Д) гематогенды жолмен

5. 4 жасар қызбаланың анасы, баланың кіші дәретін ұстай алмайтын эпизодтарына шағымданды.

Анамнезі: жүктіліктің Ш триместрі пиелонефритпен өткен П-ші жүктіліктен. Уақтылы босанған. Массасы - 3050 г, бойы - 49 см. Атопиялық дерматитпен ауырады. Цитрус дәндері мен шоколадқа- тағамдық аллергия. Жиі вульвитпен балалар гинекологында емделеді. Бұрынғы жасалған зәр анализдерінде - транзиторлы лейкоцитурия.

Объективті: ішкі ағзалар жағынан патологиялық өзгерістер табылмаған. Зәрдің жалпы анализінде: белок - 0,06%о, лейкоциттер - көру аймағында 10 - 15, эритроциттер - көру аймағында 1-2, бактериялар, аздаған сілемейлер.Бүйрек УДЗ-і: екі жақ бүйректеде тостағанша-астаушалар аздап кеңейген, сол жағында көбірек, қуық қабырғалары қалыңдаған, қалдық зәр бар.

Болжам диагнозы қандай?

А) Созылмалы гломерулонефрит

В) Жедел пиелонефрит

С) Қуық-несепағар рефлюксы

D) Зәршығару жолдары жүйесінің инфекциясы

Е) Жедел гломерулонефрит
6.Зертханалық көрсеткіштердің қайсысының жоғарылауы бүйрек функцияларының бұзылғандығын көрсетеді?

А)Натрий


В)Альбумин

С)Холестерин

D) Креатинин

Е)Калий
7.5 жасар ербалада жиі қозумен өтетін қылкүпек (фимоз) анықталды. Зәрінде-кезеңдік асимптомды бактериурия. Несептің жалпы анализы қөалыпты. Бүйрегінде патологиялар жоқ. Ауруды жүргізудің ең тиімді тактикасы:

А) Ұзақ антибактериалды терапия

В) Операция – піштіру

С) Урография, цистография

D) Бүйректің томографиясы

Е) Бүйректің биопсиясы
8.Баланың зәрінде оксалаттар табылған, жалпы анализінде – транзиторлы лейкоцитурия.

Ауруды жүргізудің ең тиімді тактикасы:

А) Сұйықты көп ішу

В) Картофельдік емдәм тағайындау

С) В6 дәруменін тағайындау

D)Антибактериалды терапия

Е) Фитотерапия
9. Зимницкий сынамасын жүргізу үшін зәрді жинаудың уақыт аралықтары:

а) 1сағат

б) 2сағат

в) 3сағат

г) 5сағат

д) 6сағат


10. Қуықтың шырышты қабатындағы қабынулық өзгерістерді анықтау үшін қандай зерттеу жүргізіледі?

  1. Қуықтың УДЗ

  2. Цистоскопия

  3. Экскреторлы урография

  4. Микционды цистография

  5. Радиоизотопты цистография

11.Бүйректің функционалды сынақтарына жатады:

A) Амбурже

B) Зимницкий

C) Нечипоренко

D) Аддиса-Каковский

E) Ортостатикалоық протеинурияға
12. Созылмалы пиелонефриттен созылмалы циститті ажырататын лабороториялық белгіні табыңыз.

А) Лейкоцитарная цилиндрурия

В) Нейтрофилы в осадке мочи

С) Лейкоцитурия

D) Бактериурия

Е) Нейтрофиллез


13. Созылмалы пиелонефриттен созылмалы циститтің жалпы белгіні табыңыз.

А) Зәрдің осмолярлығының т өмендеуі

В) Бағынбайтын лейкоцитурия

С) покрытые антиденелермен жабылған бактериялар

D) Зәрдегі белсенді лейкоциттер

Е) Зәрдің электрөткізгіштігінің жоғарылауы




Достарыңызбен бөлісу:
1   ...   11   12   13   14   15   16   17   18   ...   25




©dereksiz.org 2024
әкімшілігінің қараңыз

    Басты бет