Оқулық Алматы, 012 Əож 330 (075. 8) Кбж
се тұрақты өнім көлемінде пайыз мөлшерлемесін төмендетуге алып келеді. Қорытынды
жүктеу/скачать 2.94 Mb. Pdf көрінісі
|
| 194
се тұрақты өнім көлемінде пайыз мөлшерлемесін төмендетуге алып келеді. Қорытынды 1. IS-LM үлгісі (инвестиция-жинақтау, өтімділік-ақша) – эконо- миканың нақты жəне ақша секторларының өзара байланысын, игіліктер нарығы мен қаржылық активтер нарығының экономикалық тепе- теңдігін сипаттайды. Бұл үлгі тауар жəне ақша нарықтарында бір мезгілде тепе-теңдіктің орнауы үшін қажетті табыс көлемі (Y) мен нарықтық пайыз мөлшерлемесі (R) арасындағы үйлесімділікті табуға мүмкіндік береді. 2. IS қисығы – игіліктер нарығындағы тепе-теңдікті көрсететін үлгі. Ол теріс көлбеулі болып табылады, өйткені пайыздық қойылымның төмендеуі инвестиция көлемін арттырады. 3. IS қисығының жатыңқы болу себептері мыналарға байланысты: • инвестиция мен таза экспорттың пайыздық қойылымға деген се- зімталдылығының аса жоғары болуы; • тұтынуға деген шекті бейімділіктің жоғары болуы; • салық салудың шекті мөлшерлемесінің төмен болуы; • импорттауға деген шекті бейімділіктің төмен болуы. 4. LM қисығы – ақша нарығындағы тепе-теңдікті көрсететін үлгі. LM қисығының жатыңқы болу себептері: • ақшаға деген сұраныстың пайыздық қойылымның қарқы нына де- ген сезімталдылығының жоғары болуы; • ақшаға деген сұраныстың ЖІӨ қарқынына деген сезім талды- лығының төмен болуы. 5. IS жəне LM қисықтары белгілі бір факторлардың өзгеруі салда- рынан оңға немесе солға жылжиды. 6. IS-LM үлгісі AD-AS үлгісінің нақтыланған түрі болып табылады. 7. IS-LM үлгісі ақша-несие жəне бюджет-салық саясаттарының қысқа мерзімдегі өзгерістерінің ұлттық табысқа əсер етуін талдау үшін қолданылады. 8. Ынталандырушы бюджет-салық саясатының нəтижесінде бір жағынан, жұмысбастылық пен өнім көлемі өседі, ал екінші жағынан, ығыстыру əсерінің салдарынан өнім көлемі азаяды. 9. Бюджет-салық жəне ақша-несие саясаттарын бірге қолдану пайыз мөлшерлемесін өзгертпей, өнім көлемін көбейтуге немесе тұрақты өнім көлемінде пайыз мөлшерлемесін төмендетуге алып келеді. 10. Игіліктер нарығы мен ақша нарығының тепе-теңдік дең гейіне сəйкес келетін жиынтық сұраныс көлемі тиімді сұраныс деп аталады. |