Оқулық Қазақстан Республикасының Білім және ғылым министрлігі жоғары оқу орындарының студенттеріне ұсынады
жүктеу/скачать 2.39 Mb. Pdf көрінісі
|
| АЛҒЫ СӨЗ
Қоғамның барлық тарихи даму кезеңдерінде жеке тұлғаны тәрбиелеу, адам- гершілік, ізгілік, әдеп туралы зерттеу проблемалары көптеген ғалымдар мен педагогтардың назарын аударды. Тәрбие теориясы мен әдістемесі мұғалімдер мен тәрбиешілер үшін кәсіби бағытта тәрбие жүйесін дұрыс ұйымдастыруда ерекше маңызға ие болып табылады. Тәрбие теориясы мен әдістемесі оқу пәні ретінде ерте кезден бастап қа- зіргі кезеңге дейінгі тәрбиенің, мектептің және педагогикалық теориялардың қалыптасуын жаңа көзқарас тұрғысынан зерттейді. Әр түрлі тарихи кезеңде өмір сүрсе де, өзінің білім беру жүйесіндегі еңбектерімен ғылымға елеулі үлес қосқан прогрессивтік бағыттағы педагогтар мен көрнекті ойшылдар кейінгі ұрпаққа өшпес мұра қалдырды. Атап айтқанда, әлемге әйгілі Анахарсистің, Күлтегіннің, Қорқыттың, әл-Фарабидің тағылымдық мұраларында және өткен кезеңнің белгілі педагог- тары Я.А. Коменский, Ж.Ж. Руссо, И.Г. Песталоцци, А.В. Дистервег, Ы. Ал- тынсарин, М. Жұмабаев, А. Байтұрсынов және т.б. ағартушы-педагогтардың тәлім-тәрбиелік мұраларының бүгінгі күні маңызы зор. Халықтың тағылымдық мұрасын зерттеу педагогикалық ойлауды дамытуға, педагогикалық мәдениетті арттыруға көмектеседі, педагогикалық теория мен тәжірибе мәселелерін бүгінгі күннің қоғамдық тәжірибесіне сәйкес қа- растыруды қажет етеді. Демек, бұрынғы педагогикалық жүйелер мен идея- ларды пайымдай отырып, адамзат ақыл-ойы мен мәдениетінің дамуындағы ең алдыңғы құнды мұралары шығармашылықпен пайдаланылады. Оның негізі тарихи-педагогикалық мұраны пайдалануда әлеуметтік жағдайда жасалған теориялар мен идеялардың әдіснамалық тұрғыда құрылғандығын түсіндіруге болады. Тәрбие теориясы мен әдістемесі пәнінде педагогтардың ілімдерімен қатар, ғұлама философтардың, ойшылдардың, ағартушылардың және қоғам қайраткерлерінің педагогикалық көзқарастары қарастырылады. Тәрбие теориясы мен әдістемесін оқып-үйрену студенттердің педагоги- калық мәдениетін арттыруда ерекше роль атқарып қана қоймайды, сонымен қатар оны жүзеге асыруда педагогикалық шеберлікпен қарулануға көмекте- седі. Мұғалім өткеннің озат тәжірибесін зерттей отырып, шығармашылықпен пайдаланады және күнделікті тәжірибесінде жүзеге асырады. 6 Алғы сөз 6 Қазақстан Республикасының Президенті Н.Ә. Назарбаев «Мәдени мұра» мемлекеттік бағдарламасында: «...Өткенді зерделеп, жақсы мен жаманды, ақ пен қараны айырып, оны бүгінгі күннің тәрбиесінің кәдесіне жарату – қоғам алдында тұрған ең өзекті мәселелердің бірі. Өйткені тәуелсіздігіміз, егемен- дігіміз осы тарихты тануға тікелей байланысты: өткенді білмей, болашақты анықтау мүмкін емес», – деп халқымыздың тәрбие тарихын ерекше атап өтеді. Қазақстан Республикасының тәуелсіздік жағдайында педагогикалық білім берудің мазмұны ұлттық негіздегі халық педагогикасын зерттеуге тың бағыт- тар мен серпін берді. Қоғамның саяси-әлеуметтік және мәдени өмірінің жаңа жағдайларына байланысты оқу пәндерінің барлық түрлеріне жаңа талаптар қойылды. Тәрбие теориясы мен әдістемесі пәнінің мақсаты – жеке тұлғаны тәрбие қағидаларымен қамтамасыз ететін, тәрбие әдістерін, тәрбие құрал- дарын жаңаша қолдана білетін, болашақты болжай білетін, дүниеге ғылыми көзқарасы айқын, қоғамдық ортада тәрбиелі тұлғаны қалыптастыруға бағыт- талады. жүктеу/скачать 2.39 Mb. Достарыңызбен бөлісу:
|