Тілдік және мәдениетаралық Қатынас қҰзыреттерін
- кезең. Фильм көру барысындағы жұмыстар
жүктеу/скачать 0.51 Mb. Pdf көрінісі
|
- Бұл бет үшін навигация:
- ISSN-p 2306-7365 ISSN-e 2664-0686 ЯСАУИ УНИВЕРСИТЕТІНІҢ ХАБАРШЫСЫ , №3 (121), 2021
| 2-
кезең. Фильм көру барысындағы жұмыстар Бұл кезеңнің мақсаттары: ● Ақпаратты есту, көру және аутентті қабылдау қабілетін дамыту; ● Лингвистикалық / тілдік түсінікті дамыту; ● Фильмнің мазмұнын түсіну деңгейін бақылау; ● Тілдік дағдылары мен сөйлеу құзыреттілігін қалыптастыру; ● Тілдік белсенділікті арттыру; ● Мәдени, әлеуметтік-мәдени, мәдениетаралық коммуникативтік құзыреттілікті дамыту; ● Студенттердің ойлау, елестету, қиялдау секілді қабілеттерін дамыту; ● Студенттердің бақылау, байқау мен интерпретациялау дағдыларын дамыту; ● Студенттерді сыни тұрғыдан ойлауға және әр түрлі сыни көзқарастарды қабылдай білуге дағдыландыру. 2- кезеңдегі тапсырмалар: ● Фильмнен қысқаша үзіндіні дыбыссыз көрсетіп, берілген сөздер бойынша диалог құрастыру; ISSN-p 2306-7365 ISSN-e 2664-0686 ЯСАУИ УНИВЕРСИТЕТІНІҢ ХАБАРШЫСЫ , №3 (121), 2021 140 ● Көрсетілген үзіндіге қарай оқиғаның ары қарайғы барысын болжау немесе мәселенің себебі не шешімін табуды ұсыну; ● Мәтінді немесе диалогты қалпына келтіру: Фрагментті көру кезінде мәтіндегі немесе диалогтағы бос орындарды толтырыңыз. ● Кестені толтыр: фильмді көре отырып, фразеологиялық бірліктерді, афоризмдерді, терминдерді, фондық лексиканы, жаңа түсініксіз сөздерді, сын есімдерді, т.б. кестеге жазу; ● Фразеологиялық бірліктердің мазмұнын пысықтауға бағытталған тапсырмалар, афоризмдер, кәсіби терминология, эквивалентсіз лексика, жаңа сөздер және т.б.; ● Қысқа викториналық тест; ● Кейіпкерлерді сипаттау: Фильмдегі кейіпкерлерге сипаттама беріңіз. ● Рөлдік ойын: Рөлдерді бөліп алып, фильмнен көрініс қою немесе өзін фильмдегі кейіпкерлердің бірі ретінде елестетіп, диалог немесе жағдаятқа қатысты өз жауабын беру; ● Дыбыссыз не үнсіз көру. Бұл әдіс ым-ишара, мимика және белгілі бір әлеуметтік- мәдени контекстке тән қимылдарға баса назар аудартуда аса пайдалы. Мақсат – фильмдегі кейіпкердің эмоциясына, мимикасына, дене тіліне және ым-ишаратына назар аудару. Студенттер шағын топтарда бұл вербальды емес формалардың берілген контексте қандай мағынаны білдіретінін талқылайды. ● Кейіпкердің кейбір қимылдарын тоқтатып/қатырып қойып, әр кейіпкердің ішкі монологын елестетіп көріңіз. Бір студент кейіпкердің позициясын алады, ал екіншісі кейіпкер не ойлайтыны жайлы оның ішкі монологын айтады. ● Фильм сюжетіне негізделген ситуациялық тапсырмалар. Студенттер фильмнен алынған жағдаятта туындаған мәселелерге жеке өз шешімдерін ұсынуға арналған тапсырмалар. ● Эпизодты түсінуге арналған тапсырмалар, «шын/жалған» сұрақтар немесе жауаптар; ● Студенттерді екі топқа бөлу. Бірінші топтағы студенттер фильмнің үзіндісін көреді, содан кейін екінші топтағы студенттерге фильм үзіндісінің мазмұнын әңгімелеп беруі тиіс. ● Фильмнің мазмұнына байланысты келесі салалардың біріне немесе бірнешеуіне қатысты мәдениетаралық айырмашылықтарды көрсететін бірнеше эпизодты таңдаңыз: ым-имшара, мимика, дене тілі, қимылдар; мәдени ерекшеліктер; көше мәдениеті; мерекелер, салт-дәстүр, әдет-ғұрыптар; отбасы мәдениеті; гендерлік мәселелер; әке мен бала мәселесі; стереотиптер, ұлтшылдық, нәсілшілдік, т.б. Фильмде көрсетілген мәдениет пен сіздің елдегі жағдайлар арасындағы айырмашылық немесе ұқсастық жайлы топпен немесе жұппен талқылау. жүктеу/скачать 0.51 Mb. Достарыңызбен бөлісу:
|