Сұраншиев Ж.Ә. «Ветеринарлық вирусология» пэоәК
Комплементті ұзақ байланыстыру реакциясы
жүктеу/скачать 4.8 Mb. Pdf көрінісі
|
| Комплементті ұзақ байланыстыру реакциясы (КҰБР). Бұл реакцияның
комплементті байланыстыру реакциясынан айырмашылығы оның бірінші фазасының +4°С температурада 16-18 сағат бойы жүргізілуінде. Бұл жағдайда бактериолиттік жүйедегі антиген – антидене кешені комплементті ұзақ адсорбциялайды. Осы себептен реакция сезімталдылығы арта түседі де, антиденелер мен антигендердің өте аз мөлшерін анықтауға мүмкіншілік береді. Сабақ жоспарының үлгісі: 1 Білім алушыларға сауалнама жүргізу; 2 Сабақ тақырыбы бойынша оқытушының түсіндіруі; 3 КБР қойылым жолдарын демонстрациялау; 4 Студенттердің өзіндік жұмыстары (гемолизиннің негізгі сұйылтымын дайындау және оны берілген схема бойынша титрлеу, гемолиттік жүйені дайындау, 2%-ды қой эритроцитін дайындау, комплементті гемолиттік жүйеде титрлеу, негізгі зерттеуді жүргізу); 4 Сабақты қорытындылау; 5 Келесі сабаққа тапсырма беріледі. Бақылау сұрақтары: 1 КБР маңызын түсіндіріңіз және гемолиттік жүйені қандай мақсатта қолданады? 2 Гемолизинді алу әдісі мен титрлеудің принципі. 3 Гемолизиннің жұмыс титрі дегеніміз не және неліктен гемолизинді белгілі титрінде қолдануға болмайды? 4 КБР комплементті қандай мақсатта қолданады? Комплементті титрлемеген жағдайда не болады? 6 КБР зерттеуге алынған қан сарысуын залалсыздандыру қажеттілігі немен түсіндіріледі? 7 КБР мен КҰБР айырмашылығы қандай? 14 тақырып. ИММУНДЫ ФЛУОРЕСЦЕНЦИЯ РЕАКЦИЯСЫ Сабақтың мақсаты: Иммунды флуоресценция реакциясының (ИФР) мәнімен танысу. ИФР қойылым жолдарын меңгеру. Сабақтың материалдық қамтамасыз етілуі: Флуоресценциялаушы қан сарысуы. Зерттеуге алынған материалдар (вирус жұқтырған жасуша өсінділерінің суспензиясы). Петри шынылары. Майсыздандырылған зат шынылары. Сүзгіш қағаздар. Люминесценттік микроскоп. Демонстрациялық препараттар. Кестелер мен слайдтар. Иммунды флуоресценция реакциясы (ИФР) зерттеуге алынған материалдағы (жағындылардағы, ұлпа кесінділеріндегі) вирус текті антигендерді флуорохроммен (флуоресцеин-изотиоцианит) таңбаланған телімді антиденелердің көмегімен анықтауға негізделген. Флуорохроммен таңбаланған телімді антиденелер мен антигендер байланысқа түскен жағдайда люминесценттік микроскоппен байқалатын жарқырауық кешендер түзіледі. Бұл әдістің негізгі компоненті ретінде флюрохроммен таңбаланған (конъюгацияланған) белсенділігі жоғары, вирусқа қарсы гипериммунды қан сарысулары қолданылады. Мұндай антиденелер конъюгаттар деп аталады. Флуоресценция – бұл энергияны сіңіру кезінде қысқа мерзімді жарқыраудан тұратын және ол аяқталғаннан кейін бірден тоқтайтын люминесценцияның бір түрі. Қарқынды флуоресценциялаушы қабілеті бар заттар флуоресцентті белгі ретінде пайдаланылады және олар флюорохромдар деп аталады. Люминесцентті микроскопия жақсы желдетілетін, қараңғы бөлмеде, люминесцентті (флуоресцентті) микроскоп көмегімен жүргізеді (31-сурет). Мұндай құрылғыда спектрдің көк-күлгін бөлігін қоздыруға арналған жарық сүзгілері, оптиканы қызып кетуден қорғауға және блоктауға арналған сүзгілер, қоздырылған жарықты кесуге және люминесценция (флуоресценция) жарығын өткізуге арналған сүзгілер қолданылады. Люминесцентті микроскопиялау жұмыстарында флуоресценцияланбайтын иммерсия-лық майлар немесе оның алмастырғыштары пайдаланылады. Вирусология тәжірибесінде люминесцентті микроскопияны флуорохромдау әдісінде және ИФР қолданады. Флуорохромдау деп флуорохромды препаратқа енгізгеннен кейін люминесцентті микроскопия жүргізуді айтады. Бұл жұмыстарда флуорохромдардың акридин тобы (акридинді қызғылт сары, акридинді сары және т.б.) мен тиозил тобы (примулин, флуоресцин изотиоционат – ФИТЦ, жүктеу/скачать 4.8 Mb. Достарыңызбен бөлісу:
|