Есеп № 6
Егеуқұйрықтар қаншалықты жас болса, тиреоидэктомия салдарлары соншалықты ауыр болады, өйткені тироксин және үшйодтиронин толық психикалық және соматикалық дамуды қамтамасыз етеді.
Есеп № 7
Организмге йод түсуінің жеткіліксіздігі тиреоидтық гормондар синтезінің төмендеуіне әкеледі. Қанда олардың деңгейінің төмендеуіне жауап ретінде гипофизда тиреотроптық гормондардың өндірілуі күшейіп, олардың әсерінен қалқанша безінің гиперплазиясы дамиды.
Йод жеткіліксіздігі кезіндегі қалқанша безінің ұлғаюы эндемиялық зоб деп аталады.
Есеп № 8
Тиоурацил органикалық емес йодид ионының органикалық байланысқан йодқа айналуына кедергі жасайды, осыдан тиреотроптық гормондардың адекваттық мөлшерінің биосинтезі мен секрециясы бұзылады. Гипофиздің алдынғы бөлімі бұл тапшылыққа тиреотропиннің көп мөлшерін өндіру арқылы жауап береді, осыдан тиреотропиннің тым артық болуы қалқанша безі көлемінің ұлғаюына және оның йодидті жинақтау қабілетінің жоғарлауына әкеледі. Осыған байланысты, әрине гипофизэктомия жасалған жануарларда мұндай жағдайлар байқалмайды.
Есеп № 9
Хлорлы натрий ерітіндісін енгізуге жауап ретінде биоэлектрлік белсенділіктің артуына байланысты, ертінді гипертониялық деп тұжырым-дауға болады.
Есеп № 10
Тәжірибелік жануардың қанындағы кальций деңгейі төмендейді.
Қандағы кальций деңгейінің төмендеуі тетанияның дамуына әкеледі.
Есеп № 11
Анықталған зат алмасу өзгерістері тиреоидтық гормондар өндірілуінің жеткіліксіздігіне тән.
Есеп № 12
Өлімнің дамуында қыртыстық зат қызметінің жойылуы маңызды болып табылады, өйткені бүйрек үсті безінің милық заты гормондарының болмауы вегетативтік нерв жүйесінің симпатикалық бөлімінің хромаффиндік жасушалары өндіретін катехоламиндермен компенсациялана алады.
Есеп № 13
Диабеттік кома.
Мұндай жағдай қантты диабеттің қауіпті асқынуы болып табылады және инсулин жеткіліксіздігі кезінде дамиды.
Шеткері тіндердің глюкозаны пайдалануы төмендеуіне жауап ретінде май қышқылдары энергия көзі ретінде қолданылады. Май қышқылдарының май қорларынан қарқынды мобилизациялануы және олардың ыдырауы ацетилкоэнзим А-ның көптеп жиналуына әкеледі. Инсулиннің жеткіліксіздігі кезінде ацетилкоэнзим А Кребс цикліне метаболизмдік қуатының шектелуіне байланысты толығымен қатыса алмайды. Осыдан тым артық мөлшерде жиналған ацетилкоэнзим А кетондық денелердің – ацетоуксустық, β-гидрооксимайлы қышқылдардың және улы, есірткілік қасиеттерге ие, диабеттік команың дамуына біршама ықпал ететін ацетонның өндіріліуіне жұмысалады.
Есеп № 14
Инсулин антигендік қасиеттерге ие, сондықтан оны енгізген кезде жауап ретінде кейбір жағдайларда сәйкес антиденелер түзілуі мүмкін. Инсулинге қарсы өндірілген антиденелер эндогендік инсулинді байланыстырып, инсулин жеткіліксіздігін дамытады.
Есеп № 15
Науқаста гипергликемия мен глюкозурияның дамуы салыстырмалы инсулин жеткіліксіздігінің дамуы шақыратын соматотроптық гормонның өндірілуінің жоғарлауымен түсіндіріледі.
Достарыңызбен бөлісу: |
