Персоналды іріктеу тәсілдері

Мекеме жұмысқа қабылдау шешімін қабылданғанша үміткер іріктеудің бірнеше сатыларынан өту керек. Қолданатын тәсілдердің жиынтығы төмендегідей болуы мүмкін:

алғашқы іріктеу (өткізілген құжаттардағы үміткер туралы информацияларды талдау: стандартты түрдегі резюме, диплом, кепілдеме);

үміткер туралы ақпарат жинау (басқа адамдардан);

өтініш және анкета бланкісін толтыру;

іріктеу алдындағы сұхбат (құжат сұрыптауынан өткен үміткерлермен);

топтық тәсілдер;

Тестілеу және кәсіптік қасиеттеріне сынақ жүргізу (оның ішінде психологиялық және кәсіби қабілеттілікті байқау тесттері);

сұхбат;

медициналық тексеру;

шешім қабылдау;

Сұрыптау кезінде ұсынылған тәсілдерді бірде-бірі өзінше жеткілікті ақпарат бере алмайтындықтан, жұмысқа алу туралы дұрыс шешім қабылдау мүмкін емес, осыдан барып іріктеудің әр түрлі тәсілдер жиынтығын қолдану қажеттілігі туындайды. Бұл тәсілдің көмегімен алынған нәтижені басқа тәсілмен жинақталған мәліметтермен толықтырғанда ғана іріктелген жұмыскерлер сұрыпталудың бегіленген критерийлеріне максимальді сәйкес келіп, мекемені толықтай қанағаттандыруы мүмкін.

Әр түрлі кандидаттар туралы нәтижелерді салыстыру үшін іріктеуде қолданылған тәсілдер арқылы алынған нәтижелерді белгілеудің бірдей болуы және кандидатты жан-жақты зерттеу, оның ішінде психологиялық тұрғыдан да өте маңызды.

Сұрыптаудың әр бір сатысы алғашқы кезеңде-ақ басынан лайықсыз кандидаттарды айқындайды.