ҚҰран кәрім хикаялары
жүктеу/скачать 0.91 Mb. Pdf көрінісі
|
- Бұл бет үшін навигация:
- Намруд патша
| Бұл – менің жолым
Сонда Ибраһим өзiнiң: «Сендер Аллаһ тағаладан өзге пайда да, зиян да бере алмайтын тастарға құлшылық жасайсыңдар ма?» – деген ұлы сөздерiн айтты. Бұл қауым көзі перделенген, саналары ойлануға дәрменсіз бір ел едi. Ибраһим өз насихатында оларға әрбiр адам баласының бiр Аллаһқа ғана сиынып, Оған ғана құлшылық жасауға мiндеттi екенiн, Аллаһ тағалаға серік қосуға, басқа заттарға құлшылық жасауға болмайтынын ескерткен-ді. Бiрақ қауым адамдарының жүрегi жiбiмедi, санасы селт етпеді. Олар өз абырой- атағы мен мансаптары үшін қауіптеніп: «Оны өртеп жiберу арқылы тәңiрлерiмiзге жәрдем беруiмiз керек», – дестi. Сөйтiп, олар Ибраһимнен құтылу үшiн оны отқа тастап өлтiруге шешiм қабылдады. Ибраһимдi бұл жазаға лайықты еткен бiрден-бiр кiнәсi оның бiр Аллаһқа иман келтіргендігі болатын. Олар үлкен от жағып, Ибраһимдi отқа лақтырды. Жағылған оттың үлкендігі сондай, Ибраһим ішінен көрінбей қалды. Бiрақ Ибраһим қорықпады. Себебi ол өзін Аллаһ тағаланың құтқаратынына сенiмi кәмiл едi. Иә, расында да, Аллаһ тағала тарабынан келген «Ей, от! Ибраһим үшiн салқын әрi зиянсыз бол» деген әмiріне сәйкес, от Ибраһимдi күйдiрмеді. От түгел жанып, күлге айналғанда, ішінен денесінен саусағының ұшы да күймеген Ибраһим шықты. Мұны көрген адамдар таңғалып, жағасын ұстады. Кәпiрлер бұл iстерiнен ұялып, төмен қарады. Бірақ олар сол қасарысқан күйлерінде қалып, Лут деген бір кісіден басқаларының иманға келуге дәрмені жетпеді. Көпшілік қауым санасыз, көсемсымақ кәпірлердің ықпалынан шыға алмады. Ұлы Аллаһ: «Олар оған айла қылмақшы болды. Бiз олардың өздерiн зиянға ұшыраттық», – деп рас айтқан. Намруд патша Сол кездерде Ибраһим өмір сүрген мекен Бабыл деп аталатын. Бұл мекен дүниенің әр тарабына үкімі жүріп тұрған Намруд деген патшаның қарамағына қарайтын. Күндердің күнінде Ибраһим деген пайғамбар жігіт жайлы хабар Намруд патшаның да құлағына жетеді. Енді Намруд Ибраһимді сарайына алдыртып, одан ел арасынан естігендері жайлы сұрай бастады. Ол Ибраһимнен: «Сен насихаттап жатқан Құдай кiм екен? Менен де басқа құдайдың бар болғаны ма?» – деп сұрады. Ибраһим: «Менiң Раббым тiрiлтедi және өлтiредi», – дедi. Намруд: «Мен де тiрiлтемiн және өлтiремiн», – дедi. Яғни ол қол астындағылардың қалағанын өлтiре 31 алатындығын, қалағанына кешiрiм жасап, тiрi қалдыра алатындығын айтқан едi. Сонда Ибраһим зеректiгiмен Намрудқа қиын бiр сауал қойып, адамдар алдында оның өтiрiкшi екендiгiн әшкереледi. «Аллаһ күндi шығыстан шығарады, ал сен оны батыстан шығарып көршi», – дедi. Яғни тiрiлтiп, өлтiру қолынан келген адамның басқа да iстерге шамасы жетедi. Намрудтың бұл iске шамасы жетпейтiндiгi сөзсiз еді. Өйткенi күннiң шығу және бату жүйесi бiр Аллаһтың ғана қолында. Басқа ешкiм де оны өзгерте алмайды. Осылайша елінің алдында патшаның құдай еместігі дәлелденді. Ендi патша мұндай iстің тағы да жалғаса беретіндігінен, халiнiң бұдан да нашарлайтынынан қорқып, Ибраһимнен бұл елді тастап, басқа алыс елге шығып кетуiн талап еттi. жүктеу/скачать 0.91 Mb. Достарыңызбен бөлісу:
|