Разгледжана І зацверджана на пасяджэнні Навукова-метадычнага савета бду
Малюнак 8 – Залежнасць паглынання сонечнай радыяцыі пасевам ад плошчы
жүктеу/скачать 1.94 Mb. Pdf көрінісі
|
| Малюнак 8 – Залежнасць паглынання сонечнай радыяцыі пасевам ад плошчы
лісця Разам з гэтым трэба мець на ўвазе, што аптымальная плошча лісця забяспечвае найбольшы прырост ураджаю толькі пры аптымальных аграметэаралагічных умовах. Вельмі высокія, або нізкія тэмпературы паветра, а таксама недахоп вільгаці ў глебе абмяжоўваюць фотасінтэтычную дзейнасць моцна развітай лісцѐвай паверхні. Пры неспрыяльных умовах расліны скарочваюць асіміляцыйны апарат, скідваюць частку лісця, або скарочваюць утварэнне і прырост новага лісця. Даследаваннямі даказана, што існуе сувязь прадукцыйнасці фотасінтэзу з інтэнсіўнасцю асветленасці сярод травастою. Калі на верхняй мяжы травастою звычайна назіраецца дастатковая асветленасць, то ў сярэдзіне травастою расліны адчуваюць светлавое галаданне, якое абумоўлена нерацыянальнай структурай травастою (загушчэнне травастою, звышразвітая лісцѐвая паверхня і інш.). Вывучэнне механізма фотасінтэзу паказвае, што велічыню ФАР, якая спажываецца раслінамі, можна павялічыць да 7–8 %. Гэта прывядзе да рэзкага павелічэння ўраджаю сельскагаспадарчых культур. Павышэнне ККД выкарыстання ФАР з’яўляецца важнейшым рэсурсам росту ўраджайнасці. Рашэнне гэтай жыццѐва важнай праблемы ў значнай меры залежыць ад узроўню агратэхнікі, мінеральнага жыўлення ў адпаведнасці з аграметэаралагічнымі ўмовамі. 1.3.8. Фотаперыядызм Можна абагульніць, што сонечная радыяцыя ўплывае на працэсы росту, форму, размяшчэнне і будову лісця, іх колер, на хімічны склад і якасць прадукцыі, працягласць вегетацыі і ўтварэнне ўраджаю. Акрамя таго, на развіццѐ раслін, на іх якасны і колькасны склад таксама ўплываюць: 1) працягласць сонечнага асвятлення, ці даўжыня дня; 2) інтэнсіўнасць і спектральны склад сонечнай радыяцыі. 33 Рэакцыя раслін на працягласць асвятлення, ці даўжыню дня, падпарадкоўваецца закону фотаперыядызму. Па рэакцыі на працягласць асвятлення, або на суадносіны працягласці светлага і цѐмнага перыядаў сутак, расліны падзяляюць на тры групы: 1) расліны доўгага дня, развіццѐ якіх паскараецца на поўначы пры 20–24 гадзінным асвятленні (пшаніца, жыта, ячмень, лѐн, авѐс, цыбуля, морква); 2) расліны кароткага дня, развіццѐ якіх паскараецца пры вырошчванні на поўдні, дзе кароткі дзень, і затрымліваецца пры даўжыні дня звыш 10–12 гадзін (проса, соя, кукуруза, рыс, бавоўнік, каноплі, капуста). 3) расліны нейтральныя, г. зн., што ў гэтых раслін працягласць дня не выклікае значных змен у развіцці (грэчка, вінаград, бабы, фасоля, бэз, флоксы, дзьмухавец). З’яву фотаперыядызму неабходна ўлічваць у аграметэаралогіі. Даўжыню дня і ночы вызначыць лѐгка, яна залежыць ад шыраты месца і пары года. У Беларусі розніца паміж максімальнай і мінімальнай працягласцю дня на крайніх шыротах (51 і 56 о ) складае прыкладна адну гадзіну (табліца 7). жүктеу/скачать 1.94 Mb. Достарыңызбен бөлісу:
|