Созақ ауданының 2011-2013 жылдарға арналған Азаматтық бюджеті

Қазақстан Републикасында келесі деңгейдегі бюджеттер бекітіледі, орындалады және дербес бюджеттер болып табылады: республикалық бюджет, облыстық бюджет, республикалық маңыздағы қала, астана бюджеттері, аудан бюджеті жергілікті бюджеттерге жатады.

2011-2013 жылдарға арналған аудан бюджеті Қазақстан Республикасының Бюджет және Салық кодекстеріне, 2011-2015 жылдарға арналған Cозақ ауданының әлеуметтік-экономикалық даму Бағдарламасына сәйкес дайындалған және аудандық мәслихаттың 2010 жылғы 22 желтоқсандағы сессиясының № 223 шешімімен (2011 жылғы 9 наурыздағы № 257, 2011 жылғы 6 сәуірдегі № 259, 2011 жылғы 25 мамырдағы № 271, 2011 жылғы 8 тамыздағы № 279 өзгерістер енгізілген) бекітілді.

1. Бюджет үдерісінің схемасы

1. 
   Ауданның әлеуметтік-экономикалық даму Бағдарламасының жобасын 5-жылдық кезеңге әзірлеу.
   
2. 
   Бюджеттік бағдарлама әкімгерлерінің бюджеттік өтінімдерін аудандық бюджет комиссиясының қарауына беру.
   
3. 
   Ағымдағы қаржылық жылғы 1 қарашадан кем емес уақытта аудандық бюджет жобасын әзірлеу, бір мезгілде өңірдің әлеуметтік-экономикалық даму болжамын, стратегиялық жоспарлардың жобаларын немесе мемлекеттік органдардың стратегиялық жоспарларына өзгерістер мен толықтыру жобаларын, жергілікті бюджет жобасына енгізілген шешімді ашатын түсіндірме жазбаны ұсынады.
   
4. 
   Облыстық мәслихатпен облыстық бюджетті бекіту туралы шешімге қол қойылғаннан кейінгі екі аптадан кем емес мерзімде мәслихатпен үш жылдық кезеңге аудан бюджетін бекіту.
   

1. 
   Төлемдер мен міндеттер бойынша түсімдер мен қаржыландыруының жиынтық жоспарын әзірлеу және бекіту.
   
2. 
   Қаржылық жыл бойы аудандық бюджетті орындау бойынша шараларды өткізу.
   
3. 
   Бюджеттік мониторинг және бюджет қаражаттарын тиімді бағалауды өткізу, бюджетті орындау туралы ай сайынғы есептер дайындау.
   
4. 
   Аудан мәслихатына ағымдағы жылғы 1 мамырға дейін есептік қаржылық жыл үшін аудандық бюджеттің орындалуы туралы есепті ұсыну және оның бекітілуі.
   

Аудандық бюджет – орталықтандырылған ақшалай қор, түсімдер есебінен қалыптасады, ауданның жергілікті мемлекеттік органдарының міндеттері мен қызметтерін қаржылық қамтамасыз етуге арналған.

ҚР бюджет кодексіне сәйкес 2010 жылы аудан бюджеті 7 мәрте нақтыланды. Соңғы нақтыланғандағы жалпы бюджет көлемі 5 949 053,0 мың теңгені құрап, бекітілген бюджеттен 1 494 289,0 мың теңгеге артқан. Оның ішінде:

Кірістер – 5 709 004,0 мың теңге;

жергілікті кірістер- 2 677 110,0 мың теңгеге;

трансферттер – 1 392 038,0 мың теңгеге;

Субвенция – 1 639 856 мың теңгеге;

Несиелер қайтарымы– 1752,0 мың теңге.

Бюджет қаражатының бос қалдығы – 238 497,0 мың теңгені;

Шығындар көлемі 5 949 053,0 мың теңгені;

Бюджеттік несиелер 8012,0 мың теңгені құрады.

2010 жылға нақтыланған шығыстардың көлемі 5 949 053,0 мың теңге. Оның ішінде: 39,7 пайызы еңбекақы мен әлеуметтік аударымдар 2 365 394,0 мың теңге. 60,2 пайызы өзге шығындар 3 583 659,0 мың теңге, оның ішінде: жергілікті бюджет шығындары 2 191 621,0 мың теңге, облыстық және республикалық бюджеттен берілген трансферттер 1 392 038,0 мың теңге, бюджеттік несиелер 8012,0 мың теңгені құрады.

2010 жылға ағымдағы шығындар 71,7 пайызы немесе 4 266 248,0 мың теңгені, даму шығындары 28,2 пайызы 1 682 805,0 мың теңгені құраған.

Аудан бюджетінің 2010 жылғы шығындарының жалпы көлемі 5 923 709,4 мың теңгені құрап, жылдық жоспар 99,6 пайызға орындалды.

2010 жылғы аудан бюджеті шығыстарының жалпы көлемінің 67,1 пайызын әлеуметтік салаға жұмсалды, оның ішінде білім беру саласы 89,0 пайыз, әлеуметтік қамсыздандыру және әлеуметтік қамтамасыз ету – 5,7 пайыз, мәдениет, спорт, туризм және ақпараттық кеңістік – 5,1 пайызын құраса, Жалпы сипаттағы мемлекеттiк қызметтер – 6,3 пайыз, құрылыс- 28,2 пайыз, тұрғын-үй коммуналды шаруашылығы мен автомобиль жолдары саласы бойынша 7,6 пайызды құрады.

2010 жылдың жалпы түсімдердің айқындалған жоспары 2 677 110,0 мың теңге орындалғаны 2 840 536,3 мың теңге немесе 106,1 пайызға артық орындалған. Яғни жоспардан тыс 163 426,3 мың теңге артығымен түсті. Жергілікті бюджетке түскен түсімдердің 98,7 пайызын салықтық түсімдер, 0,2 пайызын салықтық емес түсімдер, 0,9 пайызын капиталмен жасалатын операциялардан түсетін түсімдер құрайды:

Салықтық түсімдердің жоспары 2 648 391,0 мың теңге нақты орындалғаны 2 805 733,8 мың теңге түсіп жоспар 105,9 пайызға орындалды, жоспардан тыс 157 342,8 мың теңге түсті.

Салықтық емес түсімдердің жоспары 2091,0 мың теңге нақты орындалғаны 8038,4 мың теңге түсіп жоспар 384,4 пайызға орындалды, жоспардан тыс 5947,4 мың теңге түсті.

Капиталмен жасалатын операциядан түсетін түсімнің жоспары 26088,0 мың теңге нақты орындалғаны 26764,1 мың теңге түсіп жоспар 102,6 пайызға орындалды, жоспардан 676,1 мың теңгеге артық түсті.

2011 жылғы аудандық бюджеттің салалар бойынша негізгі бағытталуы