Комиссия шегеру тәртібі және талаптары:
1. Қолма-қол ақша бергені үшін тарифтер, BIN-дермен (төлем жүйелері өз қатысушыларына беретін банктік сәйкестендіруші нөмір) жұмыс істейтін Банктің құрылғылары арқылы жүргізілетін барлық операцияларға таралады.
2. Төлем карточкасын жеделдетіп шығарғаны/қайта шығарғаны үшін комиссия, төлем карточкасын жеделдетіп шығарғаны/қайта шығарғаны үшін негізгі тариф бойынша қосымша төленеді.
3. "Альфа-Чек"қызметі – жүргізілген операциялар (шегеру, есептеу және төлем карточкасына Төлем лимиті) туралы электронды хабарлама түрінде ақпаратты ұялы байланыс нөміріне ұсыну. "Альфа-Чек" қызметі үшін комиссия акцептсіз тәртіпте ай сайын шегеріледі. Комиссия, төлем карточкасын жапқан күнге дейінгі (қоса) шегеру және/немесе қызметтен бас тарту күніне дейін (қоса), қайтарылмайды. Төлем карточкасының ағымдағы шотында комиссия шегеру үшін жеткілікті сома жоқ болған кезде, Банк овердрафт ұсынады.
4. Қосымша төлем карточкалары негізгі иегердің атына, сондай-ақ үшінші тұлғалардың атына, негізгі карточканы жүргізу валютасында рәсімделеді.
5. "Максимум" Қызметтер пакетін таңдаған клиент, қосымша шетел валюталарында ағымдағы шоттарды аша алады, мысалы: Ағылшын фунт стерлингтері және Швейцар франктеріi. Ағылшын фунт стерлингтері және Швейцар франктерінде қолма-қол шешіп алу, ақша салу және төлем карточкаларын ашу жүзеге асырылмайды. Ағылшын фунт стерлингтері және Швейцар франктерінде шот ашу және қызмет көрсетуді қарастырмайтын Қызметтер пакетіне ауысқан кезде, клиент көрсетілген валюталарда шоттарды жабуға өтініш рәсімдеуге құқылы.
6. Егер комиссия шоттан шетел валютасында алынса, онда ол теңгеде, ҚР ҰБ ресми бағамын қолданумен, комиссия шегеру кезінде қайта есептеледі.
7. Қызметтер пакетінің нақты ай сайынғы құны Клиенттің ағымдағы шоттарындағы орташа қалдықтары сомасынан анықталады ("Базалық" Қызметтер пакетін қоспағанда).
8. Банк Қызметтер пакеті бойынша ағымдағы шоттан теңгемен (болған кезде) комиссияны шегереді. Теңгедегі ағымдағы шот жоқ болған жағдайда, Банк банктік шот жүргізгені үшін комиссияны және комиссия шегеру кезінде ҚР ҰБ ресми бағамын қолданумен оны теңгемен ары қарайғы айырбастау арқылы, клиенттің валюталық шотынан эквивалентті соманы алу жолымен шегереді (Ағылшын фунт стерлингтері және Швейцар франктеріндегі шоттардан басқа).
9. Қызметтер пакеті бойынша банктік шоттарды жүргізгені үшін комиссия шегеру, Клиенттің ағымдағы шотынан оның қосымша шешімдерінсіз (акцептсіз), ай сайын, Клиенттің Қызметтер пакетіне қосылған күніне сәйкес жүргізіледі. Қызметтер пакеті үшін, толық көлемде комиссия шегеру үшін, ай сайын комиссия ұсталатын қаражат жоқ болғанда немесе жеткізіксіз болғанда, Банк комиссия сомасын шегеруді Клиенттің басқа шотттарынан жүзеге асырады. Комиссия шегеру жүзеге асырылатын Шот валютасы теңге валютасымен сәйкес келмеген жағдайда, комиссия сомасы, ақша аудару күніндегі ҚР ҰБ бағамы бойынша теңгеге айырбасталады. Комиссия сомасын шегеру күн сайын, Клиент комиссия бойынша бүкіл соманы төлегенге дейін жүзеге асырылады. Комиссия шегеру үшін Клиенттің ағымдағы шоттарында жеткілікті сома болмаған кезде, Клиенттің банк шоттарын жүргізгені үшін комиссия төлеу бойынша берешегі Картотекаға сыйғызылады.
10. Банк шоттарын жүргізгені үшін ай сайынғы комиссия, осы Ережелердің 3 Қосымшасының 12 бөлігінің 1.1. тармағына сәйкес, Қызметтер пакеті бойынша қызмет көрсетудің 1 (бірінші) айында, автоматтандырылған банктік жүйесіне Қызметтер пакетін қосқан кезде шегеріледі, Қызметтер пакеті бойынша қызмет көрсетудің 2 (Екiнші) және одан кейінгі айларында комиссия ай сайын, Клиенттің алдыңғы қызмет көрсету айлары үшін ағымдағы шоттары бойынша орташа қалдық сомаларын есептегеннен кейін шегеріледі.
11. Клиенттің ағымдағы шоттары бойынша орташа қалдық сомаларын есептеу, ай сайын Банктегі Клиенттің ағымдағы шоттарына қызмет көсретудің алдыңғы айы үшін, қызмет көрсетудің екінші айынан бастап, Клиенттің Банктің электронды банктік жүйесіндегі Қызметтер пакетіне қосылу күніне сәйкес жүзеге асырылады, (егер Клиенттің Қызметтер пакетіне қосылған күніне сәйкес келетін айдың күні, ағымдағы айда жоқ болса, орташа қалдықтар сомасын есептеу күні ағымдағы айдың кезекті күнтізбелі күні болып табылады).
Клиенттің әрбір ағымдағы шоты бойынша орташа айлық сома ай сайын, келесі түрде анықталады: Клиенттің әрбір ағымдағы шоты бойынша есептеу күнінде, әрбір күнтізбелі күннің соңындағы жағдай бойынша ақша қалдықтарының сомасы анықталады. Осы ретте, есепті күн болып, Клиенттің Қызметтер пакетіне қосылған күні табылады. Егер Клиенттің ағымдағы шоты ағымдағы айдың алдындағы айда ашылған болса, онда Клиенттің берілген ағымдағы шоттарындағы орташа қалдықтар сомаларын есептеу кезінде, ағымдағы шотты ашқан күннен бастап (қоса) есепту күнге дейінгі (қоса) кезеңдегі күннің соңында ескеріледі. Клиенттің әрбір ағымдағы шоттары бойынша, осындай тәсілмен анықталған қалдықтар біріктіріледі және Клиенттің осындай шоттарының әрбіреуі әрекет еткен, есеп айырысудың алдындағы күннің күнтізбелі күндерінің санына бөлінеді. Есеп айырысу нәитжесінде алынған, валютасы теңгедегі валютадан айырықшаланатын әрбір ағымдағы шот бойынша орташа қалдықтар сомасы, есеп айырысқан күнгі ҚР ҰБ ресми бағамы бойынша теңге валютасына қайта есептеледі. Ұлттық валютада анықталған, Клиенттің әрбір ағымдағы шоты бойынша орташа қалдық сомалары, Клиенттің барлық ағымдағы шоттары бойынша орташа қалдық алу үшін, өз арасында біріктіріледі.
12. Қызметтер пакетіне қосылған клиент, осы Ережелердің 3 Қосымшасының 12 бөілімі 1 тармағына сәйкес банктік шоттар жүргізгені үшін комиссия төлеу тәртібін таңдауға құқылы – ай сайын немесе жыл сайын ("Максимум" Қызметтер пакетін қоспағанда). Ай сайынғы төлемді таңдаған Клиент, Қызметтер пакетін рәсімдеген күннен бастап кез-келген уақытта комиссия төлеу тәртібін – осы Ереженің 3 Қосымшасы 12 бөлімі 1.2. т. сәйкес жыл сайынғыға ауыстыруға өтініш бере алады. Банктік шоттарды жүргізгені үшін жыл сайынғы комиссия Клиенттің Қызметтер пакетіне қосылған күні, Клиент банктік шоттарды жүргізгені үшін комиссия төлеудің жыл сайынғы тәртібін таңдаған кезде, немесе Клиент комиссия төлеу тәртібін ауыстыруға өтініш берген күні шегеріледі.
13. Көрсетілетін қызметтер тізімі және комиссиялық сыйақы алу тәртібі ҚР заңнамасына және ҚР ҰБ нормативті құқықтық актілеріне сәйкес келеді.
14. Комиссиялық сыйақы және шығындарды өтеу сомасы Клиенттен алынады, егер басқасы тарифке арналған нұсқаулықта қарастырылмаса.
15. Ұсынылаын тізімге енбеген қызметтер төлемінің мөлшері, Клиентпен келісе отырып белгіленеді.
16. Банктік қызметтер сферасының даму қарқынын ескере отырып, Банктің жаңа өнімдер мен технологияларды енгізуі, қызметтер тізімі өзгертілуі және толықтырылуы мүмкін, ал тарифтер Банк тарапынан қайта қарастырылуы мүмкін.
| 
