Студенттердің оқу нәтижесін бақылау мен бағалау материалдары (жазбаша тапсырмалар, тест сұрақтары, аралық бақылау тапсырмалары, емтихан сұрақтары)
Пәннің дидактикалық және мультимедиалық материалдармен қамтылуы (презентациялар, видеоматериалдар, фильмдер)
Глоссарий
Аудитория туралы мәлімет
Алғы сөз Мәдениеттану адам әрекетінің барлық саласындағы негізгі мамандарды дайындауға негіз салатын интегративті, әлеуметтік-гуманитарлық ғылыми пән болып табылады. Мәдениеттану мәдениет жайлы жүйеленген білім негізін адам әлемімен байланыстыра қарастырады. Мәдениеттану ғылым ретінде әлеуметтік технологияларға рухани-өнегелік, мәдени-құндылықтық мән беретін және жалпы адамзат мәдени әлеміндегі үйлесімділікті көрсетер пән.
Мәдениеттану пәні мәдениет дамуының негізгі кезеңдерімен, әлемдік мәдениет пен қазақ мәдениетінің жетістіктерімен және қазіргі замандағы мәдениет дамуының өзекті проблемаларымен таныстырады. Өркениеттілік ұғымы жалпы адамзат дамуы заңдылықтары мен техникасын, оның табиғатқа әсерін біліп, игеруді білдіреді.
«Мәдениеттану» пәнінің өзекті мәселелерін, әсіресе бұрыннан қалыптасқан мәдени құндылықтар жүйесін жаңа заман тұрғысынан қайта қарау қажеттілігі туындап отыр. Сындарлы кезеңдердің талқысынан өтіп қана қоймай, осы бір тарихи дәуірлердің рухын жинақтап, мейлінше бай тәжірибетағылымды өз бойына сіңіре білген, өзінің сан-сапалық қасиеттерімен ерекшеленетін «Мәдениет» атты ұлы күштің бағзы замандардан-ақ адамзат баласының зерттеу және оқып-білу объектісінеайналғандығы ақиқат. Жас мамандарды біртұтас және жан-жақты тұлға ретінде қалыптастыруда олардың өзіндік қабілеттері мен табиғи қасиеттерін барынша дамытатын, өркениеттілік құндылықтарға негізделген білімді бойларына сіңіріп, заман ағымына байланысты материалдық және рухани байлықтардың түбегейлі өзгеруін ой елегінен өткізе отырып, рухани-адамгершілік, мәдени құндылықтық болмыстарын байытуда және өзіндік жетілу жолдарын қалыптастыруда оқытылатын басқа пәндер арасында «Мәдениеттану» пәнінің алатын орны ерекше.
