Ашау алдыннан эшләнергә тиешле күнегүләр

Үз – үзеңне сәламәтләндерү күнегүләре

Туклану режимы бозылу ашкайнату әгъзалары эшчәнлегендәге үзгәрешләрнең төп сәбәбе булып тора. Махсус күнегүләр ярдәмендә организмны гадәти (нормаль) хәлгә китерергә мөмкин.

1. 
   Басып торган килеш, кулларны алга сузып, уч төпләрен бер–берсенә юнәлтеп эшләнә (1-4). Һәр санауга куллар капма–каршы юнәлешләрдә (өскә һәм аска), 45 градус почмак ясап хәрәкәт итәләр. Сулау ирекле, хәрәкәтләр тиз башкарыла, күнегү 5-6 тапкыр кабатлана.
   
2. 
   Баскан килеш эшләнә; куллар алга сузылган, йодрыклар кысылган (1-4). Һәр санауга куллар зур булмаган берәр әйләнә ясап хәрәкәт итә. Сулау ирекле, күнегү 5-6 тапкыр кабатлана.
   
3. 
   Баскан килеш, кулларны алга сузып, уч төпләрен аска юнәлтеп эшләнә (1-4). Һәр санауга, куллар, алда кисешеп, 2шәр хәрәкәт ясый. Сулау ирекле, хәрәкәтләр тиз. Күнегү 5-6 тапкыр кабатлана.
   
4. 
   Басып торган килеш эшләнә (1-4). 2 санауга чүгәләргә; йөрәк тибеше тизләнгәнче, 5-10 тапкыр кабатлана.
   
5. 
   Урындык аркасына куллар белән таянган килеш эшләнә (1-4). Йөрәк тибеше тизләнгәнче, 5-10 тапкыр урындык аркансыннан этелергә.
   

1. 
   Һәр 3-4 адымга сулыш алып һәм чыгарып, ритмлы сулап, залда яисә урамда йөрү.
   

2. 
   Баскан килеш, кулларны билгә, аякларны бергә куеп эшләнә (1,2,3,4). Аяк очларына күтәрелергә. Йомшак кына бөтен табанга басарга. Сулау ирекле, тирән түгел (10-15 тапкыр кабатлана).
   

1. 
   Басып торган килеш эшләнә (1-4). Ботларны югары күтәреп, бер урында йөрү. Сулау ирекле, тирән.
   

3. Аяк очларына басып, куллар белән идәнгә таянгач, 2 санауга аякка басарга, кулларны күтәререгә; 2 санауга яңадан баштагы хәлгә кайтырга (10-15 тапкыр кабатлана).

4. 
   Баскан килеш, кулларны як-якка сузып эшләнә (1-4). Һәр 2 санауга гәүдәне уңга һәм сулга боргаларга (10-15 тапкыр кабатлана).
   
5. 
   Басып торган килеш эшләнә (1-4). Һәр 2 санауга, кулларны чиратлап күтәреп, гәүдәне әле бер, әле икенче якка бөгәргә. Сулау ирекле (10-15 тапкыр кабатлана).