Астана қаласының 2012 жылдың қаңтары бойынша дамуының қорытындылары

Елорданың ЖӨӨ 2011 жылдың 9 айы бойынша 1 446,3 млрд.теңге құрып, 7,4% ұлғайды. Жалпы елдің ЖІӨ өңірдің үлесі 2011 жылдың 9 айы бойынша 7,9% құрды (республика бойынша 4 орын).

Жан басына шаққандағы жалпы өңірлік өнім 1 979,0 мың теңгені құрды (13,4 мың АҚШ доллары) және республика өңірлері арасында төртінші орында орналасқан.

Өнеркәсіп өнімін өндіру көлемі 2011 жылдың қаңтарында 1 979,0 млрд. теңгені немесе 2011 жылдың тиісті кезеңіне 102,7 % құрды (НКИ бойынша республика бойынша 2 орын, ҚР бойынша – 103,5%). өндірістің жалпы көлемінде ең үлкен үлеске өңдеу өнеркәсібі ие – 69,2 %.

Қазақстан Республикасының үдемелі индустриялық-инновациялық дамуының 2010-2014 жылдарға арналған мемлекеттік бағдарламасы шеңберінде өңірлік Индустрияландыру картасы бойынша 350,7 млрд. теңге сомасына 14 жоба іске асырылуда. Оның ішінде 2010 жылы 2 жоба аяқталды («АБК-Мақсат» ЖШС темірбетон бұйымдарын әзірлеу зауыты, «Кровля НС» ЖШС сэндвич-панельдер әзірлеу зауыты), 2011 жылдың бірінші жартыжылдығында 1 жоба енгізілді – 46 жаңа жұмыс орнын құрумен 1,4 млрд. теңге сомасына метиз өнімін өндіру жөніндегі «Стальцинк» ЖШС, 2011 жылдың 9 желтоқсанында «Talgo» жолаушылар вагондарын шығару зауыты іске қосылды - «Тұлпар Talgo» БК» ЖШС (Индустриялық парк аумағында іске асырылады), бұдан басқа, 2011 жылдың желтоқсан айының аяғында жеміс-көкөніс өнімін өндіру және қайта өңдеу жөніндегі жоба бойынша құрылыс-монтаждау жұмыстары аяқталды – «АстанаЭкоСтандарт» ЖШС. Енгізілген жобалардың жалпы сомасы 15,3 млрд. теңгені құрады, 600-ден астам жаңа жұмыс орны құрылды. Қалған 8 жоба бойынша іске асыру кестеге сәйкес 2014 жылға дейін жоспарланады.

Негізгі капиталға инвестициялар 5 615,7 млн. теңгені, НКИ – 51,7 % құрады. Астана қаласының үлесіне инвестицияның республикалық көлемінен 2,9 % келеді.

Тұрғын үй құрылысы саласында Астана қаласы 2012 жылдың қаңтарында пайдалануға берілген тұрғын үй көлемі 141 154 шаршы метрді құрайды және өткен жылдың көрсеткішіне 139 % өсті (республика бойынша 4 орын). Елордадағы аяқталмаған объектілер саны 2012 жылдың 25 қаңтары жағдайы бойынша – 7 (1 200 үлескер).

«Бизнестің жол картасы - 2020» бағдарламасының «Жаңа бизнес бастамаларын қолдау» деген бірінші бағыты шеңберінде шағын және орта бизнесті қолдау мақсатында пайыздық мөлшерді субсидиялау бойынша жалпы сомасы 2821,8 млн. теңгеге 26 жобаны; несиені кепілдендіру бойынша 4,7 млн. теңгеге 2 жобаны мақұлдады; өндірістік инфрақұрылым салу бойынша 668,9 млн. теңгеге 6 жобаға көмек көрсетілді.

ҚР Ұлттық банкінің мәліметі бойынша 2012 жылдың 1 қаңтарына жағдайы бойынша қала экономикасына 829,7 млрд. теңге сомасында кредиттік ресурстар, оның ішінде шағын және орта бизнес субъектілері үшін 102,6 млрд. теңге. 2010 жылдың ұқсас кезеңімен салыстырғанда несиелендіру көлемі 30 % ұлғайды.

2011 жылдың қаңтар-желтоқсанында орташа айлық атаулы жалақы 132 051 теңге құрады және 2010 жылдың ұқсас кезеңімен салыстырғанда 18,8 %-ға ұлғайды.