«Бастауыш, негізгі орта, жалпы орта білім беру ұйымдарына денсаулығына байланысты ұзақ уақыт бойы бара алмайтын балаларды үйде жеке тегін оқытуды ұйымдастыру үшін құжаттарды қабылдау» мемлекеттік қызмет регламенті

2012 жылғы 25.12.

№ 464 қаулысымен

бекітілген

1) үйден оқыту-денсаулығына байланысты уақытша немесе үнемі білім беру ұйымына келе алмайтын тұлғаның тиісті білім беру ұйымдарының педагогикалық қызметкерлері арқылы, соның ішінде қашықтықтан оқыту құралын қолдану арқылы жалпы білім беру бағдарламасын игеруі;

2) психологиялық – медициналық - педагогикалық кеңес (ПМПК) – мүмкіндігі шектеулі балалардың әлеуметтік және дәрігерлік-педагогикалық түзетімдік сүйемелдеу алуын, білім алу түрлерін анықтау, жеке оңалту бағдарламасын құру мақсаттарын жүзеге асыратын мемлекеттік мекеме;

3) ДКК – Денсаулық сақтау министрлігінің тұрғылықты жердегі алғашқы медико-санитарлық көмек ұйымдарындағы дәрігерлік - консультациялық комиссиясы;

4) мүмкіндігі шектеулі бала (балалар)- 18 жасқа дейінгі физикалық немесе психикалық жетіспеушілігі бар, өмір сүру қабілеті шектелген, туа біткен, тұқым қуалаушылықпен, жүре пайда болған аурулары бар және жарақат алған балалар;

5) мемлекеттік қызметті алушы (тұтынушы) - мемлекет қызмет көрсетілуші жеке тұлғалар;

6) ҚФБ - құрылымдық функционалдық бірліктер – мемлекеттік қызмет көрсету үдерісіне қатысушы жауапты тұлғалар.
2. Жалпы ережелер
2. Мемлекеттік қызметтің нормативтік-құқықтық анықтамасы: «Бастауыш, негізгі орта, жалпы орта білім беру ұйымдарына денсаулығына байланысты ұзақ уақыт бойы бара алмайтын балаларды үйде жеке тегін оқытуды ұйымдастыру үшін құжаттарды қабылдау» (бұдан әрі – мемлекеттік қызмет).

3. Мемлекеттік қызмет тұтынушының тұрғылықты жері бойынша Ақтөбе облысының барлық типтегі жалпы білім беретін ұйымдарымен (бұдан әрі - уәкілетті орган) көрсетіледі, олардың мекен-жайлары осы регламентке 1 - қосымшада келтірілген.

4. Көрсетілетін мемлекеттік қызмет түрі - автоматтандырылмаған.

5. Мемлекеттік қызмет:

1) Қазақстан Республикасының 2007 жылғы 27 шілдедегі «Білім туралы» Заңына;

2) Қазақстан Республикасының 2002 жылғы 11 шілдедегі № 343 «Кемтар балаларды әлеуметтiк және медициналық-педагогикалық түзеу арқылы қолдау туралы» Заңына;

3) Қазақстан Республикасы Үкiметiнiң  2005 жылғы 3 ақпандағы № 100 «Арнаулы бiлiм беру ұйымдары қызметiнiң үлгi ережесiн бекіту туралы» қаулысына;

4) Қазақстан Республикасы Білім және ғылым министрінің 2004 жылғы 26 қарашадағы № 974 «Стационарлық емдеу-алдын алу, оңалту және басқа денсаулық сақтау ұйымдарында емдеу курсынан өтіп жатқан мүгедек балалар үшін оқу сабақтарын ұйымдастыру, оқу-тәрбие ұйымдарының мүгедек балаларды үйде оқытуда ата-аналарға көмек көрсету тәртібі туралы ережелерді бекіту туралы» бұйрығына;

5) Қазақстан Республикасы Үкіметінің 2012 жылғы 31 тамыздағы №1119 «Қазақстан Республикасы Білім және ғылым министрлігі, жергілікті атқарушы органдар көрсететін білім және ғылым саласындағы мемлекеттік қызмет стандарттарын бекіту туралы» Қаулысына сәйкес көрсетіледі.

6. Үйде жеке оқытуды ұйымдастыру туралы білім беру ұйымының бұйрығы мемлекеттік қызмет көрсетудің аяқталуының нәтижесі болып табылады.

8. Мемлекеттік қызмет барлық түрдегі жалпы білім беретін ұйымдардың ғимараттарында жүзеге асырылады, демалыс пен мереке күндерін қоспағанда, күн сайын сағат 8.00-ден 17.00-ге дейін 13.00-ден 14.30-ға дейін түскі үзіліс жасай отырып көрсетіледі.

Қабылдау кезек ретімен, алдын ала жазылусыз және жедел қызмет көрсетусіз жүзеге асырылады.

9. Мемлекеттік қызмет көрсетудің мерзімі:

1) алушы мемлекеттік қызмет алу үшін қажетті құжаттарды тапсырған сәттен бастап - 3 жұмыс күннен артық емес;

2) жолыққан күні сол жерде көрсетілетін мемлекеттік қызметті алу уақытында құжаттарды тапсыру үшін жұмсалатын рұқсат берілген ең ұзақ уақыт 30 минут құрайды;

3) алушы жолыққан күні сол жерде мемлекеттік қызметті алушыға қызмет көрсетілетін рұқсат берілген ең ұзақ уақыт 30 минуттан аспайды.

10. Тіркеуші органның мемлекеттік қызмет көрсетуден бас тартуына тұтынушының құжаттарды толық ұсынбауы негіз болады.

11. Мемлекеттік қызмет көрсету кезеңдері:

1) Жалпы білім беру ұйымының жауапты тұлғасы мемлекеттік қызметті алушы ұсынған құжаттарды тексеруді және қабылдап алуды жүзеге асырады, өтінішті кіріс хат-хабар журналына тіркейді, қабылдап алынған күні белгіленген қабылдап алынған құжаттар туралы қолхат береді.

2) тіркелген құжаттар білім беру ұйымының басшысына түскен құжаттардың толықтығын тексеру және білім беру ұйымына қабылдау немесе қызмет көрсетуден бас тарту туралы бұрыштама қою үшін жіберіледі;

3) басшының бұрыштамасы қойылған құжаттар білім беру ұйымының жауапты тұлғасына білім беру ұйымына қабылдау немесе тұтынушы құжаттардың біреуін ұсынбаған ретте қызмет көрсетуден бас тарту туралы бұйрық дайындауға жіберіледі;

4) Білім беру ұйымына қабылдау және үйде жеке оқытуды ұсыну немесе дәлелді бас тарту туралы бұйрыққа бірінші басшы екі дана етіп қол қояды, ол бұйрықтар кітабында немесе шығыс хат-хабар журналында тіркеледі, оның бір данасы ұйымда сақталады, екіншісі мемлекеттік қызмет алушының заңды өкіліне беріледі.

12. Мемлекеттік қызмет көрсету үшін құжаттарды қабылдап алуды жүзеге асырушы адамдардың ең аз саны 1 қызметкерден тұрады.

14. Мемлекеттік қызмет көрсетуді алушы мемлекеттік қызмет көрсетуді алу үшін стандарттың 11- тармағына сәйкес құжаттарды тапсыруы қажет.

15. Мемлекеттік қызмет көрсету үдерісіне мына құрылымдық - функционалдық бірліктер (бұдан әрі – ҚФБ) қатысады:

1) білім беру ұйымының бірінші басшысы;

2) білім беру ұйымының құжаттарды қабылдап алушы және тіркеуші жауапты тұлғасы.

16. Әрбір ҚФБ әкімшілік әрекетінің (рәсімдерінің) сабақтастығы мен өзара іс-қимылының мәтіндік кестелік сипаттамасы әрбір әкімшілік әрекеттің (рәсімнің) орындалу мерзімін көрсете отырып осы регламентке 2 - қосымшада келтірілген.

17. Мемлекеттік қызмет көрсету үдерісіндегі әкімшілік әрекеттердің және ҚФБ қисындық сабақтастығының өзара байланысын бейнелейтін сызба осы регламентке 3-қосымшада келтірілген.

1. 
   Мемлекеттік қызмет көрсетуші лауазымды тұлғалардың жауапкершілігі
   

18. Жауапты тұлғалар мемлекеттік қызмет көрсету барысында олар қабылдаған шешімдері мен әрекеттері (әрекетсіздігі) үшін Қазақстан Республикасының заңнамаларында көзделген тәртіппен жауапты болады.

«Бастауыш, негізгі орта, жалпы орта білім беру

ұйымдарына денсаулығына байланысты ұзақ уақыт

бойы бара алмайтын балаларды үйде жеке тегін оқытуды

ұйымдастыру үшін құжаттарды қабылдау»

мемлекеттік қызмет регламентіне

1-қосымша