«Назарбаев Зияткерлік мектептері» ДББҰ‑ның NIS‑Programme білім беру бағдарла-
масы – жаратылыстану және математика ғылымдары бағытында оқу үдерісін ұйымдастыруға
бағытталған Зияткерлік мектептерде оқу үдерісін ұйымдастыруға және білім беру мазмұнына
қатысты жалпы тәсілдемелерді айқындайтын тұжырымдамалық сипаттағы нормативтік-құқықтық
құжат. Аталмыш құжат нәтижеге бағытталған білім беру үдерісін ұйымдастырудың негізгі қағи-
даттарын, ережелері мен шарттарын анықтайды.
Білім беру үдерісіне қатысушылардың әл‑ауқаты дегеніміз – тұрақты өмірлік ұстаным,
оған жағымды эмоциялар, оң көзқарас, икемді ойлау, әлеуметтік маңызды іс-әрекеттерге атсалысу,
жоғары жетістіктер мен асыл мақсаттарға ұмтылыс, эмоциялық құзыреттілік пен проблемаларды
шешу дағдылары жатады.
Үлгілік оқу жоспары – оқу пәндерінің, сондай-ақ оқушылардың өзге де оқу түрлерінің
тізбесін, бірізділігін, көлемін (еңбек жүктемесі) реттейтін нормативтік құжат. Ол Қазақстан
Республикасы ның Мемлекеттік жалпыға міндетті білім беру стандарттарына (бастауыш, негізгі
орта және жалпы орта), сондай-ақ Білім беру бағдарламасына сәйкес әзірленеді және мектептің
оқу жоспарының негізі болып табылады.
Қолданыстағы оқу жоспары – үлгілік оқу жоспары негізінде Зияткерлік мектептер әзірлеген
нормативтік құжат, ол Зияткерлік мектеп оқушылары меңгеретін пәндерді, сондай-ақ өзге де оқу
түрлерін, оқу үдерісінің мазмұнын, көлемін, құрылымын айқындайды.
Зияткерлік мектептердің пәндік оқу бағдарламалары – белгілі бір пән бойынша оқу
үдерісін ұйымдастыруға арналған оқу-нормативтік құжат. Онда оқу мақсаттары, міндеттері және
оқытудан күтілетін нәтижелер; білім беру мазмұны мен құрылымы, оқу жүктемесінің көлемі; оқу
және оқыту тәсілдері, оқушылардың оқу жетістіктерін бағалау әдістері белгіленген.
Ұзақ мерзімді және орта мерзімді жоспарлар – белгілі бір пәннің оқу жоспары, ол оқу
жылында және бір тоқсан ішінде пән бойынша оқу үдерісін қалай ұйымдастыру керектігін көр-
сетеді, сондай-ақ онда оқу мақсаттары, күтілетін нәтижелер, бөлімдер мазмұны мен бағдарлама
тақырыптары нақтыланған; сонымен бірге оқу үдерісін ұйымдастыру бойынша оқу-әдістемелік
ресурстардың тізбесі берілген.
| 8
Достарыңызбен бөлісу: |
