Егемен Қазақстан. – 2013. - №110. – 19 сәуір
Қымбат құндылықтар жастар игілігіне айналуда
С.Сейфуллин атындағы Қазақ агротехникалық университеті Наурыз мейрамын ерекше атап өтті. Бұл күні өткен жылдың қорытындысы шығарылып, отандық ғылымның дамуына, ғылымды инновациялау-коммерцияландыруға зор үлес қосқан ғалымдар, үздік факультеттер марапатталды.
Наурызды атап өту арқылы университет ұлттық құндылықтықтарды насихаттап, ата-бабадан жеткен мол рухани мұраны жаңғыртып отырады. Бұл орайда, Қазақ агротехникалық университеті өзіндік үрдісті, салт-дәстүріміздің кейбір жоғалып бара жатқан түрлерін жаңғыртуды қалыптастырды. Өткен жылы көнеден жеткен «Ақсүйек», «Амал» мерекелерін атап өтсе, биылғы жылы «Сәукеле кигізу», «Ат тергеу», «Ашамайға мінгізу» сынды игі дәстүрлерге басымдық берілді.
Наурыз мейрамы аясында «Асығыңыз алшысынан түссін» атты спорттық сайыс ұйымдастырылды.
Мереке барысында оған қатысушылар «Қазақ күресі», «Арқан тарту» сынды ұлттық ойындардан өткен сайыстарды да тамашалады.
Достарыңызбен бөлісу: |
