Iban – банк шотының жаңа нөмірі (International Bank Account Number)

IBAN (International Bank Account Number) – ISO 13616 халықаралық стандартына сәйкес берілген клиенттің банктегі немесе басқа қаржы мекемесіндегі банктік шотының нөмірі. Қазіргі таңда ол Еуропалық одақ мемлекеттерін, олардың аумағын және басқа елдерді қоса алғанда 45 елде пайдаланылады.

Қазақстан Республикасында клиенттердің барлық банктердегі және басқа қаржы ұйымдарындағы шоттарының нөмірлері IBAN стандартына сәйкес ел ішіндегі төлемдер үшін, сол сияқты халықаралық төлемдер үшін бірыңғай принциппен жасақталатын болады.

Қазақстандық IBAN шоттары банктік шоттың бұл стандартын пайдаланатын барлық елдерде оңай танылатын болады, бұл трансшекаралық төлемдерді өңдеуді барынша жылдамдатуға мүмкіндік береді. Қазақстанда IBAN нөмірлерін енгізу әрі пайдалану Қазақстан Республикасының банктерінде клиенттердің банктік шоттарын ашу, жүргізу және жабу ережесімен реттеледі.

Қазақстандық IBAN жиырма әріптік-цифрлық дәрежеден тұратын болады:

K Z С С Б Б Б Х Х Х Х Х Х Х Х Х Х Х Х Х

Қазақстанның

коды
бақылау дәрежесі

банктің цифрлық коды (цифрлық)

клиент шотының банкішілік нөмірі

Егер клиент төлем жасау үшін IBAN көрсетіп, қағазға шығарылған бланкіні пайдаланса, әрбір төрт символды бос орын қалдыру арқылы бөлген дұрыс (мысалды қара).

KZ75 125K ZT20 6910 0100

Төлем және басқа да құжаттарды электрондық түрде толтырған кезде банктік шоттың нөмірі бос орынсыз енгізілуі тиіс. Сондай-ақ бұл жағдайда шоттың нөмірінің алдында басқа ешқандай қысқартулар қосуға болмайды (мысалы, IBAN, A/C, Account No және т.б.):

KZ75125KZT2069100100
IBAN не үшін қажет?
IBAN бақылау дәрежесін есептеу алгоритмі барлық елдерде барлық IBAN нөмірлері үшін бірыңғай болғандықтан, банк төлемдерді қабылдай отырып соңғы алушының (алушы басқа банктің клиенті болса да) шотының нөмірі дұрыс көрсетілгенін тексере алады. Осылайша, төлемдерді қайтарып жіберу саны азаяды, сондай-ақ бірыңғай стандарттардың арқасында халықаралық төлемдерді өңдеу жылдамдығы артады.

Қазақстаннның әлемдік экономикаға бірігуінің қазіргі жағдайларында халықаралық стандарттарға өту бірігу барысында тиімді шешімдер қабылдауға қолайлы негіз жасауға мүмкіндік береді.

Өзіңіздің банк шотыңыздың жаңа нөмірін (IBAN) білу үшін банкке хабарласу керек.

IBAN шотының нөмірі мен BIC-кодын алған кезде өзіңіздің Қазақстандағы және шетелдегі іскерлік серіктестеріңізге осы деректемелер мен олардың қолданыла бастайтын мерзімін (2010 жылғы 7 маусым) хабарлау қажет, сондай-ақ өзіңіздің қазақстандық серіктестеріңіздің банктерінің IBAN шоттарының нөмірлері мен жаңа BIC білу қажет.

2010 жылғы 7 маусымнан бастап Қазақстан Республикасының аумағында және шетелге төлем жасағанда және ақша аударғанда тек қана халықаралық стандарттарға сәйкес келетін (IBAN және BIC) жаңа банктік деректемелерді көрсету қажет екеніне назарыңызды аударамыз.

Сұрақтар туындаған кезде Банкке не Қазақстан Республикасының Ұлттық Банкіне 8 727 270 47 20, 8 727 270 47 64 телефондары арқылы хабарласу қажет.