Жарсуат ауылдық кітапханасы

Жарсуат кітапханасының тұңғыш ашылуы да басқа ауылдың кітапханаларының ашылуымен іспеттес. 1930 жылы оқу үйінде есігін ашты. 1936 жылы негізгі кітапханаға айналған. Орал өзенінің жағасын алып жатқан. Стадиондағы үйде қызу жұмыстар болды. Тұңғыш кітапханашылық жұмысты мойнына алған Целуйко Мария Кирилловна қарқынды жұмыс істеп оқырмандармен тіл табыса білді. 1950 жылы Жарсуат ауылында клуб салынып, кітапхана сондағы жарық бөлмелерге көшірілді. Кітапхананың қарсы алдында «Белгісіз солдат» ескерткіші бой көрсетіп оқырмандарға ерекше әсер беріп тұрды. Кітапханада әлі де болса кітап қоры төмен, соның салдарынан оқырмандар саны да аз болды. Бар болғаны үлкен ауылда 1000-ға жуық кітап болды, жаңа кітапхана меңгерушісі болып келген Е.И. Выходцева кітап қорын ұлғайту жолдарын бірден іздей бастады. 1995 жылдан бері ауылдық кітапхананы С.К.Айтмаганова басқаруда. Ол кезде кітап қоры 13 477 данаға жетіп, оқырмандар саны 538-ден асты. Қуанарлық жайт – ана тілінде 1266 кітап жинақталған, мерзімді басылымдар: 10 дана, журналдар – 6. Кітап қоры жыл сайын жаңа әдебиеттермен толықтырылуда.