Ұйымдастыру қаржы басқармасының бухгалтерлік есеп және мемлекеттік сатып алу бөлімінің бас маманы с-о-5 санаты, 1 бірлік

1. Ұйымдастыру қаржы басқармасының бухгалтерлік есеп және мемлекеттік сатып алу бөлімінің бас маманы С-О-5 санаты, 1 бірлік (уақытша, бала күтіміндегі қызметкердің орны, 26.08.2018 жылға дейін). Функционалдық міндеттері: Салықты және басқа да міндетті төлемдерді, зейнетақы аударымдарын, жұмысшылар мен қызметкерлердің жалақыларын есептеуді, олардың бет есептеріне аударуды жүргізеді. Берешек және алашақ қарыздардың есептерін жүргізеді; кіші бу қазандықтарын, дизель генераторларды, автомашиналарды жанар-жағар майымен және қосалқы бөлшектермен қамтамасыз етеді және есебін жүргізеді; құнды материалдардың, активтердің сақталуын, бөлінуін қамтамасыз етеді және есебін жүргізеді; ай сайын тауарлардың, қосалқы бөлшектердің, активтердің, құнды материалдардың қозғалысы жөніндегі есебін тапсырады; күнделікті департаменттің қалыпты жүмыс істеуі үшін керекті тауарлармен, қосалқы бөлшектермен қамтамасыз етуді ұйымдастырады; автомашиналарға жол қағаздарын дайындайды; қатаң есептегі бланкілердың есебін, сақталуын және бөлінуін бақылауға алады және жоғары орындарға уақытылы есептіліктерді тапсырады; қазынашылықпен, банкілермен жұмыс жасайды; бөлім басшысының тапсырмасын орындайды, ол болмаған кезде міндеттерін атқарады; атқарылған жұмыстар жөнінде бөлім басшысына апта сайын мәлімет береді; мөртабандар мен мөрлердің тиісті пайдаланылуына және сақталуына жауапты.

2. Камералдық бақылау басқармасы №1 камералдық бақылау бөлімінің бас маманы С-О-5 санаты, 1 бірлік (уақытша, бала күтіміндегі қызметкердің орны, 01.04.2016 жылға дейін). Функционалдық міндеттері: Салық органдары қызметтерінің бағалау көрсеткіші бойынша қосымша есептелген ҚҚС-ның бюджетке төленуі бойынша облыс бойынша жоғарғы нәтижесіне қол жеткізу мақсатында автоматтандырылған камералдық бақылауды уақытылы, сапалы өңделуін қадағалап отыру; салық төлеушілер берген салық есептілігін және басқа да құжаттарды зерделеу мен талдау негізінде камералдық бақылау жасау; бекітілген салықтар мен төлемдердің бюджетке уақытылы түсуін қадағалау; Аудандық мемлекеттік кіріс басқармаларының жұмысына әдістемелік және тәжірибелік көмек көрсетуді жүзеге асырады; заңды тұлғалар мен жеке кәсіпкерлерден келіп түскен арыз-шағымдарды заңда көзделген тәртіпте қарайды; салық міндеттемесін орындауға байланысты туындаған сұрақтар бойынша заңды тұлғалар мен жеке кәсіпкерлерге түсіндірме жұмыстарын жүргізеді.

3.Аудит басқармасы САЭБ бөлімінің бас маманы С-О-5 санаты, 1 бірлік (уақытша, бала күтіміндегі қызметкердің орны, 01.04.2016 жылға дейін). Функционалдық міндеттері: Салықтар мен міндетті төлемдердің дұрыс есептелінуі мен бюджетке уақтылы аударылуына кешенді, тақырыптық, қарсы және жекелеген сұрақтар бойынша тақырыптық тексерулер жүргізеді; құқық қорғау, қаржы және басқа да органдармен бірлескен тексерулер ұйымдастыру, бірлескен жұмыс жүргізу іс-шараларын жасауға ұсыныс келтіреді; белгіленген мерзімде тексеру барысында анықталған қосымша есептелген сомалар мен санкциялар жөніндегі хабарламаларды (тексеру актілерін қоса) дайындап, салық төлеушіге ұсынады; тексеру нәтижесімен лауазымды тұлғаларға хаттама толтыру және әкімшілік құқық бұзушылық материалдарын тексеру актілері біткеннен соң қарау; жүргізілген тексеру нәтижелерінің САЭБ жүйесіне енгізілуін және өңделуін қамтамасыз етеді; мекемелер мен кәсіпорындар бойынша тексеру нұсқамаларын міндетті түрде облыстық құқықтық статистика және арнайы есепке алу басқармасына тіркету және 1-П карточкасы мен талон-қосымшасын өткізу; жеке және заңды тұлғалардан келіп түскен өтініштерді арнайы журналға тіркеп, олардың сапалы орындалып, жауабының өтініш берушіге уақтылы жолдануын бақылайды; қала және аудан бойынша салық басқармаларының бақылау-экономикалық жұмыстарының нәтижелерін жинақтау және талдау жасалуын қамтамасыз етеді; өз құзыреті шегінде салық заңдылығына өзгерістер мен толықтырулар енгізуіне басшылыққа ұсыныстар береді; салық төлеушілердің арыздарын, шағымдары мен ұсыныстарын қарастырады және салық заңдылығындағы салықтар мен төлемдердің бюджетке дұрыс есептелінуі мен төленуіне түсіндірулерді дайындайды;Салықтық тексеру актілерінің хабарламалары бойынша салық төлеушілердің шағымдарын қарау процесіне қатысады; тексеру актілерінің нәтижесіне салық төлеушінің сот органына ұсынған арыз-шағымының қаралу процесіне қатысады; салық төлеушілерден түскен шағымдар мен хаттар бойынша тексеру жүргізеді; салық органдарының жұмысын бағалау өлшем көрсеткіштерін облыс бойынша жинақтап, ҚР МКК жолдау үшін басшылыққа ұсынады; САЭБ жүйесі бойынша нұсқамаларды қажетті құжаттар негізінде тіркеуді, ұзартуды, қысқартуды қамтамасыз етеді; шаруашылық жүргізуші субъектілерге тексеру тағайындау туралы актілерді тіркеу журналын жүргізу және Құқықтық статистика және арнайы есепке алу жөніндегі Комитетінің Қызылорда облысы бойынша басқармасымен және көлік прокуратурасымен арадағы салыстырмалы актілерді жасау; басқарма қызметкерлерінің тарапынан тіркелуге тиісті нұсқамалардың, карточкалардың және талондардың құқықтық статистика және арнайы есепке алу жөніндегі Комитетінің Қызылорда облысы бойынша басқармасына және көлік прокуратурасына тіркелуіне бақылау жасайды.

Мемлекеттік қызмет өтілі бір жылдан кем емес немесе осы санаттағы нақты лауазымның функционалдық бағытына сәйкес облыстарда екі жылдан кем емес жұмыс өтілі бар болған жағдайда ортадан кейінгі әлеуметтік ғылымдар, экономика және бизнес (келесі мамандықтардың бірі: экономика, менеджмент, есеп және аудит, қаржы, мемлекеттік және жергілікті басқару, әлемдік экономика) білімі барларға рұқсат етіледі.Қазақстан Республикасының заңнамалық және нормативтік актілерін, мемлекеттік тілді Салықтық әкімшілендіру ақпараттық жүйелері және басқа да компьютерлік бағдарламалар бойынша жұмыс жасай білуі қошталады. Конкурс комиссиясы жұмысының ашықтылығы мен объективтілігін қамтамасыз ету үшін оның отырысына байқаушыларды қатыстыруға жол беріледі.

1. «Талдау және болжамдау» бөлімінің бас маманы С-R-4 санаты, 1 бірлік (уақытша, жалақысы сақталмайтын демалыстағы қызметкердің орны, 14.06.2017 жылға дейін). Функционалдық міндеттері: Қызылорда қаласы бойынша бюджетке түсетін салықтық түсімдер мен бекітілген болжам арасындағы айырмашылықтың себебіне талдау жасайды; бюджеттің болжамы орындалуы жөнінде, жыл басынан бастап түскен салық түсімдерінің алдыңғы жылда түскен салық түсімдерімен салыстырмалы жыл басынан бастап және айға факторлық талдау жасайды; Салық және төлемдердің артық төленген сомаларына ай сайын талдау жасайды; шағын кәсіпкерлікпен айналысатын мекемелер жөнінде оперативтік мәлімет жинайды; бюджетке түсетін кірістің түрлері бойынша перспективалық және ағымдық болжам жасауға, Қызылорда қаласының әлеуметтік дамуының индикативтік жоспарын құруға атсалысады; салық базасын зерделеу мақсатында Қызылорда қаласында ірі салық төлемгерлерінің қаржы-шаруашылық қызметіне талдау жасайды; бюджеттік сыныптама коды шегінде салықтық түсімдердің динамикасын құрады. Қызылорда қаласы бойынша мемлекеттік кірістер басқармасының ішкі еңбек тәртіп ережесін сақтау; мемлекеттік және қызметтік құпия болып саналатын мәліметтерді жария етпеу. Конкурсқа қатысушыларға қойылатын талаптар: Жоғары әлеуметтік ғылымдар, экономика және бизнес (экономика, менеджмент, есеп және аудит, қаржы, мемлекеттік және жергілікті басқару, маркетинг, әлемдік экономика) білімі. Мемлекеттік қызмет өтілі бір жылдан кем емес немесе осы санаттағы нақты лауазымның функционалдық бағытына сәйкес облыстарда екі жылдан кем емес жұмыс өтілі бар болған жағдайда ортадан кейінгі қызмет көрсету, экономика және басқару (маркетинг, менеджмент, қаржы, статистика, есеп және аудит, экономика) білімі барларға рұқсат етіледі; Қазақстан Республикасының заңнамалық және нормативтік актілерін, мемлекеттік тілді Салық кодексін білуі, қазіргі компьютерлік бағдарламалар бойынша жұмыс жасай білуі қошталады. Конкурс комиссиясы жұмысының ашықтылығы мен объективтілігін қамтамасыз ету үшін оның отырысына байқаушыларды қатыстыруға жол беріледі.

Конкурс комиссиясы жұмысының ашықтылығы мен объективтілігін қамтамасыз ету үшін оның отырысына байқаушыларды қатыстыруға жол беріледі.