Машинаның инвентарлық нөмірі — негізгі қорды есепке алу мақсатында
әзірлеуші кәсіпорын немесе машина иесі беретін машинаның жеке нөмірі.
Машинаның қауіпті аумағы — машинаны қолдану үдерісінде пайда болатын,
шегінде қауіпті және зиянды өндірістік факторлар үнемі болатын немесе болуы
мүмкін кеңістік.
Машинаның құрамдас бөлігі — ортақ конструкторлық шешіммен және
әзірлеуші кәсіпорында жинау кезінде біріктірілген жиналмалы бірліктер, детальдар
және (немесе) бұйымдар жиынтығы.
Машинаның құрылымы — құрамдас бөліктер, жиналмалы бірліктер мен
детальдардың құрамы және өзара байланысты орналасуы жиынтығының, сондай-
ақ, олардың машина жұмысы мен жүктеменің бір элементтен екінші элементке
берілуін қамтамасыз етуінің бір-бірімен өзара байланысы жүйесі.
Машинаның_техникалық_жағдайы'>Машинаның техникалық жағдайы — белгілі сыртқы орта жағдайындағы,
белгілі уақыттағы машинаның техникалық құжаттамасында бекітілген параметрлер
мәнімен сипатталатын жағдай.
Машинаныңтипі — бір қағидатпен жұмыс жасайтын, бір мақсатта
тағайындалған машиналар тобы (жиынтығы).
Машинаның өмірлік циклі — шығаруды негіздеу жөніндегі зерттеулерді
жүргізуден бастап машинаны әзірлеу мен қолдануды тоқтату, төмендету мен
жоюға дейінгі өндірістік үдерістердің жиынтығы. Машинаның өнімділігі — машинаның уақыт бірлігі ішіндегі атқаратын
жұмыс көлемі.
Машинист — машинаны басқару құқығына ие, өз міндеттерін орындаушы
тұлға.
Металдану — детальдың (бұйымның) үстін металмен немесе қосындымен
жабу.
Металды түзету — қисайып қалған металл парақтарды, сымдарды түзету
операциясы.
Метиздер — түрлі типтегі стандартталған металл бұйымдар, оларға сым
лента, шегелер, арқандар, электродтар, бекіту детальдары, тойтармалар және т.б.
жатады.
