Жүргізу о қулық
жүктеу/скачать 5.87 Mb. Pdf көрінісі
|
| 4
Алғы сөз Жол және құрылыс машиналарын қажеттілікке сай тиімді пайдалану мерзімін ұзарту үшін оларды жұмысқа жарамды тұрақты қалыпта ұстап тұру қажет, бұл техникалық қызмет көрсету мен жөндеуді уақытылы жүргізуді талап етеді. Жүргізілетін жұмыстардың жоғары сапалы болуы персоналдың кәсіби біліктілігінің деңгейіне байланысты. Жол және құрылыс машиналарына техникалық қызмет көрсету мен жөндеуді жүзеге асыратын персоналдың еңбегі маңызды және үнемі сұранысқа ие. Кәсіби білікті жұмысшының жеткілікті дәрежедегі конструктивті білім қоры ғана емес, жол және құрылыс машиналарына техникалық қызмет көрсету мен жөндеуді жүргізу бойынша да білімі болуы тиіс. Жол құрылысын механикаландыру құралдарының пайда болуы жол және құрылыс машиналарына техникалық қызмет көрсету мен жөндеуді жүзеге асырудың технологиялық үдерісін жетілдірумен қатар жүрді. Алғашында ауылды жерлерде машина-тракторлық станциялар және қалаларда машина-прокаттық базалар пайда болды. Машина- тракторлық станциялар мен машина-прокаттық базаларда жұмыс жасайтын мамандардың еңбегі маңызды болып саналды және оларға жоғары ақы төленді. Мемлекет бұл құрылымдарға базалық кәсіпорындар құқығын беріп, онда оқитындар жол және құрылыс машиналарына техникалық қызмет көрсету мен жөндеуді жүргізуді, жол және құрылыс машиналарын басқаруды үйренді. Машинист пен жол және құрылыс машиналарына техникалық қызмет көрсету мен жөндеуді жүргізуші слесарь мамандықтары құрылыс өндірісінің жұмысшы мамандықтарының ішінде беделді мамандық ретінде саналды. Техникалық қызмет көрсету мен жөндеу жұмыстарын жер қазушы- тасушы (бульдозер, скрепер, автогрейдер), жер қазушы, тығыздаушы техника, құбырсалушы крандар, компрессорлар сияқты қызмет көрсетуші және жөндеуші заманауи машина түрлерінің құрылымын білетін кәсіби білікті персонал орындаса, анағұрлым табысты болады. Кем дегенде екі кәсіпорынның жұмысы студентті табысты оқытудың нәтижелерімен тығыз байланысты, олар: жол және құрылыс машиналарының құрамдас бөліктері мен жиналмалы бірліктерін әзірлейтін кәсіпорын мен осы техниканы пайдаланатын кәсіпорын. Осы оқулықтың мазмұны 2012 ж. 29 желтоқсандағы «Ресей Федерациясындағы білім туралы» № 273-ФЗ Федеральды заңының жаңа талаптарына, қолданыстағы Кәсіптік орта білім берудің федеральдық мемлекеттік білім беру стандартына (қысқаша – КОБ ФМБС), кәсіптік білім берудің басты бағдарламасына (КБ ББ) сәйкес келеді. Білім алушылар оқу материалын толық және терең игеруі үшін әр тараудың соңында оқулық мазмұнын меңгеру деңгейіне өзіндік бақылау жасауға мүмкіндік беретін бақылау сұрақтары мен жол және құрылыс машиналарына техникалық қызмет көрсету мен жөндеу терминдерінің қысқаша сөздігі берілген. |