Конкурс за поддршка на Проекти на здруженија на граѓани за социјална заштита-дневни центри за лица над 18 години со пречки во интелектуалниот развој

за поддршка на Проекти на здруженија на граѓани за социјална заштита-дневни центри за лица над 18 години со пречки во интелектуалниот развој

1. 
   Цел на проектот
   

• 
  Развивање на мрежа на алтернативни сервисни служби-дневни центри за лица над 18 години со пречки во интелектуалниот развој во местото на живеење;
  
• 
  Континуитет во социјализацијата и интеграцијата на лицата над 18 години со пречки во интелектуалниот развој во местото на живеење.
  

• 
  едукација за основни знаења и практични вежби за обавување на основни животни вештини и активности;
  
• 
  оспособување за одредени работни активности, кои би можеле да придонесат за нивно комплетно осамостојување во понатамошниот живот;
  
• 
  комуникација и социјализација во група и надвор од неа;
  
• 
  физикална рехабилитација;
  
• 
  едукации на целната група за подигање на нивото на културно однесување во заедницата;
  
• 
  тренинг програми за развивање на вештини за културно творештво;
  
• 
  оспособување за работа на компјутер и компјутерски програми;
  
• 
  оспособување и развивање на вештини за ликовно и моделарско изразување и творештво;
  
• 
  оспособување и развивање на вештини за музичко изразување и интерпретирање;
  
• 
  тренинг програма за усвојување на традиционални вештини на занаети;
  
• 
  презентации и изложби на локално ниво и
  
• 
  вклучување на целната група во активности со други културно уметнички програми на локално ниво.
  

2. 
   Критериуми за учество
   

• 
  искуство во работа со оваа категорија на лица
  
• 
  расположиви човечки,просторни и технички ресурси и
  
• 
  да не добиле средства или поднеле пријава за добивање на средства од/до друг орган на државната управа за иста намена и активности за кои поднесуваат пријава
  

3. 
   Потребни документи
   

• 
  пријава;
  
• 
  Предлог-проект;
  
• 
  регистерски број и број на решението на здружението, издадено од Министерството за труд и социјална политика;
  
• 
  полн назив и адреса на останатите субјекти со јасно дефинирани активности во текот на реализација на проектот;
  
• 
  детален опис на активностите со конкретен работен план за имплементација и периодот на реализација на проектот, со кои ќе се обезбеди реализација на предвидените цели, активности и услуги дефинирани во јавниот конкурс;
  
• 
  детална финансиска структура на активностите во рамките на вкупните средства кои се предвидени за реализација на проектот;
  
• 
  број на трансакциона сметка на здружението на граѓани
  
• 
  потврда од Управа за јавни приходи за платени даноци и други јавни давачки;
  
• 
  список со име, презиме и матичен број на лицата кои ќе бидат ангажирани во реализација на проектот, како и нивната квалификациона структура и нивното професионално искуство (биографија на лицата);
  
• 
  список со име, презиме, ЕМБГ, адреса и телефонски број на лицата, корисници на услугите на Дневните центри, кои ќе бидат опфатени во реализацијата на работниот план за имплементација на проектот;
  
• 
  име, презиме и телефонски број на одговорното лице за реализација на проектот;
  
• 
  информации за работното искуство во областа на социјалната заштита, согласно со барањата и потребите од јавниот конкурс.
  

4. 
   Висина и средства кои се доделуваат и временскиот период во кој ќе се извршуваат работите
   

• 
  Министерството за труд и социјална политика ќе обезбедува финансиска поддршка во износ од 220.000,00 денари (двестаидваесет илјади денари) вкупни месечни трошоци, заклучно со декември 2009 година а средствата ќе бидат распределени по корисник на услугите на Дневните центри кои апликантот задолжително треба да ги пријави со приложување на список на корисници;
  
• 
  распределените средства во Дневните центри треба да покријат дел од месечните трошоци по корисник на Дневните центри, заклучно со месец декември 2009 година, а останатите трошоци за имплементација на Проектите треба да ги покријат здруженијата на граѓани кои ќе бидат избрани;
  
• 
  финансиската поддршка на Проектот ќе отпочне по завршувањето на целокупната постапка по јавниот конкурс и
  
• 
  во Предлог-проектот задолжително треба да се наведе износот и видот на средствата кои ќе ги обезбеди здружението на граѓани за имплементација на Проектот.
  

5. 
   Селекција и избор на најдобриот Проект
   

• 
  селекцијата и изборот ќе се врши согласно Правилникот за начинот и постапката за доделување на средства на здруженијата на граѓани за вршење на одредени работи од областа на социјалната заштита (“Сл.весник на РМ“ бр.24/05 и 38/07);
  
• 
  ќе се смета за предност доколку се обезбеди соработка со локалната самоуправа на полето на социјалната заштита на оваа категорија на граѓани.
  

6. 
   Рокови за спроведување на постапката
   

• 
  конкурсот трае 15 дена од денот на објавувањето;
  
• 
  крајниот рок за доставување на апликациите е до 15 часот на последниот ден на конкурсот.
  
• 
  Комисијата за соработка со здруженијата на граѓани во рок од 30 дена по истекот на рокот за поднесување на пријавите изготвува мислење до министерот;
  
• 
  Министерот за труд и социјална политика во рок од 15 дена по доставувањето на мислењето од страна на Комисијата за соработка со здруженијата на граѓани, донесува решение за доделување на средствата и писмено ќе ги информира сите апликанти за крајниот резултат;
  
• 
  договорот за меѓусебните права, обврски и одговорности во реализацијата на финансиската поддршка на здружението на граѓани, министерот за труд и социјална политика ќе го склучи во рок од 15 дена од денот на правосилноста на решението за доделување на средствата и
  
• 
  пријавата со приложените документи треба да се достават до архивата или преку пошта на Министерството за труд и социјална политика на адреса ул.“Даме Груев“ бр.14-Скопје-Комисија за соработка со здруженија на граѓани, во затворен плик, со назнака за Јавниот конкурс за поддршка на Проект на здружение на граѓани за социјална заштита-дневни центри за лица над 18 години со умерени и тешки пречки во интелектуалниот развој.
  

Република Македонија