Кузнецов ауылдық кітапханасы

Кузнецов ауылдық кітапханасы 1967 жылы құрылған. Кітапхана ауылдық мәдениет үйі ғимаратында орналасқан. Алғашқы кітапханашылары - Лидия Миронова мен Нұрғаным Қожақовалар 1967-1985 жылдары еңбек етті. 1985 жылдан - 2012 жылға дейін Мансура Кунтаевалар атқарып келді. Кітапханашы - Нұрғаным Қожақова «Кітапхана жұмысының озаты» және бірнеше грамоталармен марапатталған. Егін орағы кезінде бригадаларға барып, жылжымалы кітапханалық қызмет көрсетті. «Жауынгерлік бет», «Найзағай», «Егін орағы» қабырға газеттерін шығарып, басқа да кітаптары насихатталған. Сондай-ақ, еңбек озаттары ҰОС ардагерлерімен кездесу кештерін ұйымдастырған.

1985 жылдары 5 мыңға жуық кітап қоры болса, оның қазақ тіліндегісі 1284 дана болған. 1997-2011 жылдар арасында кітапхана мектеп ғимаратында орналасқан. Бүгінгі таңда кітапхана мәдениет үйінің ғимаратында орналасқан. Оқырмандары саны - 240. Кітап қоры- 7219 дананы құраса, оның 2835-і қазақ тіліндегі әдебиеттер. Кітапханадағы мерзімді басылымдар- «Егемен қазақстан», «Дала мен қала», «Орал өңірі», «Приуралье», «Ақ босаға», «Кітап жаршысы», «Ұлан», «Екпін», «Отбасы және денсаулық», «Пайдалы кеңестер», «Айгөлек», «Мөлдір бұлақ», «Ертегілер әлемінде» т.б.

Кузнецов ауылында тоғыз жалдық негізгі мектеп бар. Кітапхана осы мектеп оқушыларымен, мәдениет қызметкерлерімен тығыз байланыста жұмыс атқарып келеді. Оқырмандар қатарын ұстаздар, мектеп жасына дейінгі балалар, оқушылар, жұмысшылар мен зейнеткерлер құрайды.

Жаңа әдебиеттер мен қатар атаулы күндер, ақын-жазушылардың мерейтойларына байланысты әртүрлі іс-шаралар өткізіліп, кітап көрмелері жасақталып тұрады.

Кузнецово орта мектебі оқушыларының қатысуымен Ұлы Отан соғысы туралы үздік шығармаларды дауыстап оқу оздырылды. Майдангер жазушы Ә.Нұршайықовтың «Ақиқат пен аңыз» романы, С.Сейітовтің «Самғау», А.Нарыковтың «Жайықтың жарық жұлдыздары» кітабы насихатталып, «Жеңіс ерлік жемісі» кітап көрмесіне шолу жасалды. Кітапханада «Бір ел-бір кітап» акциясы бойынша О.Бөкей, Ф.Оңғарсыновалардың шығармалары насихатталып, «Алтайдан ұшқан Ақиық», «Фариза ашылмаған сыр-қазына» атты кітап көрмелері жарық көрді. Соңғы жылдары кітапханада өлкетану жұмыстары бойынша С.Жақсығұлов, Қадыр Мырза Әли, Д.Қажымов, А.Нарыков т.б. белгілі тұлғалар туралы деректер мен мәліметтер жинақталуда. Жас оқырмандарға эстетикалық тәрбие беру жолында кітапханада 8-наурыз, 22-наурыз, 1-маусым мерекелері дәстүрлі түрде аталып өтіледі. Балалар кітаптарын насихаттау бағытында Е.Өтетілеуов, М.Әлімбаев, Б.Соқпақбаев, Қ.Қайсеновтың шығармалары дауыстап оқылып, талдаулар жүргізілді.