Лайпанов б. А
жүктеу/скачать 2.02 Mb.
|
- Бұл бет үшін навигация:
- АТЫНА ТЫЙЫНШЛЫМЫДЫ АДАМ
- БУ ДУНИЯГЪА СЮЙМЕКЛИК
- ЛЯ ИЛЯХА ИЛЛЯ АЛЛАХ
- АДАМ ЁМЮР КЕЛГЕНДИ ДУНИЯГЪА
- КЕРТИ АДАМЛАГЪА
- БАРМЫДЫ ДАРЫ-ДАРМАН
ДЖОЛОУЧУБир Ариулукъгъа, Игиликге (Ким биледи, Сюймекликге!) Тюбер эсем а – чыгъама джолгъа. Артмакъларыма джол азыкъ, кебинлик да салыб, Джаз болса да, къышхы кийимле да алыб, Нартлача, джыллыкъ джортууулгъа да тюл, Ёмюрлюк джолгъа атланама. Эл, бал аякъ бла алгъыш эте, ашырады мени, Къайыталырмамы артха – Аллахды билген. Кюн таякъ болса да джолоучу таягъым мени, Чынгылдан, ныхытдан къыйынды ётген. Бир Къуран окъуй, бир назму окъуй – Бир таша джарыкъны сезе алда – Бир Кёкге чыгъа, бир Джерге тюше, Бир атда, бир джаяу – барама джолда. Игигеми тюберме, аманнгамы – Джанымдады сауутум-сабам. Юретгенча ата-бабам Джашаргъа, ёлюрге да хазырма. Туугъан кюнюнден ёлюб кетгинчи Джолдады, джолоучуду адам. Джолну аслам къоратыргъа кюрешебиз – Тауусулгъунчу заман. Ашыгъабыз къайры, барабыз къайры – Ёлюм эсе сакълагъан алда. Алай а, Бир Ариулукъгъа, Игиликге (Ким биледи, Сюймекликге!) Тюбер эсем а,- дейме,- джолда. Умут джулдуз джарыта джолуму, Аллахха аманат этиб джанымы, Кетиб барама.
Файгъамбарны азанчысыны атын атадыла меннге Болур эсе уа,- деб,- диндар, азанчы. Мен а болдум джазыучу, назмучу – Да не керекди андан сора, ёнге?
Тутхан диним – Джулдуз бла, Ай бла, Туугъан джерим – Къыргъыз эли Кок-Сай бла, Джан тамырым а – Ата джуртум Къарачай бла. Шукур Аллахха, Байракъсыз, Тамгъасыз, Орайдасыз тюлдю халкъым. Динибиз, тилибиз, джуртубуз барды бизни, Тарихибиз, Тёребиз, миллет ангыбыз-эсибиз барды бизни, Алай демек – Тамблабыз барды бизни.
Къалам тутханла, къама тутханла да джетишелле, Таракъчыла, таякъчыла да джетишелле, Алгъыш этгенле, тилек-дуа этгенле да джетишелле, «Амин» дегенле джетишмейле ансы. Алай эсе – иш иманда, имамда болур... Файгъамбарны азанчысыны атын атадыла меннге Болур эсе уа,- деб,- диндар, азанчы. Мен а болдум джазыучу, назмучу – Да не керекди андан сора, ёнге?! БУ ДУНИЯГЪА СЮЙМЕКЛИКСен къызны кёресе нюр къанатларын – Аны мёлекге этесе тенг. Мен а, мен – Кёреме аны гюнахлы-сууаблы санларын – Исси Кюнлени, толгъан Айланы кёреме мен. Сен кёресе нюр джулдузланы, Хур къызланы кёресе сен. Мен а кёреме суу, тенгиз джагъаланы, Къымыжа къызланы кёреме мен. Алагъа салам береме мен.
Кёзюнг бу дуниягъа турса да къарай... ...Аугъа тюшген чабакълача, Къыз бутла къалтыраелле къалай. Аны унутургъа боллукъду къалай! Бу дунияны джандетге да ауушдурмам, огъай. Адет-намыс,сууаб-гюнах деб, Сен бошуна болма ёре – Хар ким сюйгенича джашайды, Барыбызгъа да Аллахды тёре. Бачхада кёгет терекге къара: Анга къарагъан – тиреу-дагъан болгъан – болмай, (Ол келечиси болса да Джер бла Кёкню) Зырма битгенден, кёгети асры кёбден, Сыналла бутакълары терекни.
Алай сыннганды-джарылгъанды мени да кёлюм-джюрегим. Дагъыда, ёлсем да ёллюкме алай, Хаух дуниягъа бурулгъанлай кёзлерим. ЛЯ ИЛЯХА ИЛЛЯ АЛЛАХАллах бирди, махтаугъа тыйыншлы да Олду джангыз. Аны унутуб, тенг этмей Джерге, Кёкге, Ненча адамны тутдум ёрге. Артда барындан чыкъды кёлюм. Айтханыма, этгениме да сокъурандым. Аллахдан башха джокъду Аллах – Махтаугъа тыйыншлы да Олду джангыз. Адамгъа къой, Ташха, Терекге да, Халкъгъа къой, Элге, Джуртха да Баш уруу – джахилликди, меджисууду, Джангылычды, аджашыуду, гюнахды. Кеч тюшюндюм керти затлагъа. Бир Аллахдан башха джокъду Аллах. Аллах этерге кюрешмейик Не ташны, не терекни, не адамны. Ол заманда кишиден къалмаз кёлюбюз. Кесибизден да чыкъмаз кёлюбюз. Аллахдан сора джокъду Аллах. Ля иляха илля Аллах. АДАМ ЁМЮР КЕЛГЕНДИ ДУНИЯГЪА(иги джора ) Джылан джыл, джыла, (джырла!) – Джылан адамла ёлгенле бары. Ит джыл, джыла, (джырла!) Ит адамла ёлгенле бары. Харам адамла, ит адамла ёлгенле бары – Иги адамла, керти адамла къалгъанла джангыз. Адам джыл, Адам ёмюр келгенди дуниягъа: Кёкде да, Джерде да, джюрекде да – Джангы Ай бла Джулдуз.
Намыслы, ариу къызла, Тюзлюкню сюйген джигит джашла, Акъыллы, эсли, оюмлу, билимли адамла, Сабыр, халал, джарыкъ, иги адамла, Иги сёз айтхан, иги иш этген адамла – Дуния намысдан, ахырат азабдан къоркъгъанла Болмасала дунияда, Хакъ ючюн кюрешгенле, Аллах буюргъанча джашагъанла, Аны ючюн да ёлгенле Болмасала дунияда, Мубарекле – шыйыхла, файгъамбарла – Болмасала дунияда, Адам улу Хайуан-джаныуар сюрюуге бурулур эди. Дунияны да, кесин да къурутур эди. Алай а, Аллахха шукур, адамла ичинде бардыла Адамла, Адам улуну сюрюу болургъа къоймазла ала.
Ёллюгюн билген бир джан – Къарайма Джерге, Кёкге: Бармыды дары-дарман Кюе тургъан джюрекге?!
Джюрекденми, Джерденми? Огъесе, Кёкледенми Иеди аны Аллах? Не къыйынлыкъ, палах да Чыгъады кесибизден. Насыбсыз джанлабыз биз, Къыйынлы болмаз бизден. Табигъат да, джашау да Биз къурагъан затла тюл. Алагъа къатылгъанны Аланы къурагъан Кюч Къалай къояр этмей кюл?
Унамайын сакъларгъа, Биз къоркъуу сала эсек Сау дуниягъа, джашаугъа, Бизни джаратхан Кючге Унамайын тынгыларгъа, Ол кёргюзтген Хакъ джолда Унамайын барыргъа, Кесибизни къыйнай эсек, Бир-бирибизни да къыйнай эсек, Джерни, Кёкню да къыйнай эсек – Тыйыншлыбызмы джашаргъа?! Джаратханла биз тюлбюз Кёкню, Джерни, джашауну. Аланы Джаратханнга Шукур эте билейик. Ол бергеннге разы болуб, Ол бергенни сакълаб, къатлаб, Ол айтханча, буюргъанча, Джашау эте билейик. Кёкле, Джер да къуралыб, Биз келгенбиз хазыргъа. Аны ангылаб, къууаныб, Юйюбюзню джарашдырыб, Дуниябызны джандет этиб, Инсан болуб, Адам болуб, Унамай эсек а джашаргъа,-
Сыйырад деб, бергенин... Не болса да насыбды Бу дунияны кёргеним. Ёллюгюн билген бир джан – Къарайма Джерге, Кёкге: Неди дунияда дарман Кюе тургъан джюрекге?! жүктеу/скачать 2.02 Mb. Достарыңызбен бөлісу:
|