Лекция Тау-кен қазындылары

Горизонталь тау-кен қазындыларға штольня, квершлаг, штрек, қосымша көлденең қазынды (просеки), орт және т.б.жатады.

Горизонталь тау-кен қазындылар 3° -тан аспайтын еңіс бұрышы бар, ол судың жиналмай өздігінен кетуіне жағдай жасайды.



Сурет 1. Тау-кен қазындылары:

1 - тік бағана; 2 - еңкіс не тік бағана (восстающий); 3 - шурф; 4 - штольня; 5 - квершлаг,

6 - далалық штрек; 7 - кенді штрек; 8 - орт; 9 - бағана қасы ауласы;

10 – соқыр тік бағана; 11 – соқыр еңкіс бағана

Штольня — пайдалы қазбаның кенорындарын ашуға немесе барлауға арналған және жер бетімен байланысы бар горизонталь тау-кен қазындысы.

Тоннель — жер бетімен екі жағында да байланысы бар тау-кен қазындысы. Ол бойынан тасымалдау мақсатына арналған өтпелі қазынды.

Квершлаг — тау жыныстарының бойына көлденең түскен және жер бетімен байланысы жоқ горизонталь тау-кен қазындысы.

Штрек — тау жыныстарының еңкіс жатысына сәйкес бойына түсетін , ал горизонталь жатысында кез-келген бағытқа түсетін және жер бетімен байланысы жоқ горизонталь тау-кен қазындысы.

Штрек басты, вентиляциялық, аралық, конвейерлі және т.с.с. болады. Кәдесіз бос жыныстар бойымен өткен қазынды далалық штрек деп аталады.