«Мемлекеттік емес облигациялар шығарылымын мемлекеттік тіркеу» жөніндегі мемлекеттік қызметтерінің регламенті

Ұлттық Банкі

Директорлар кеңесінің

2011 жылғы 29 желтоқсандағы

№ 259 қаулысымен
бекітілген


«Мемлекеттік емес облигациялар шығарылымын мемлекеттік тіркеу» жөніндегі мемлекеттік қызметтерінің регламенті

1. Жалпы ережелер
1. Мемлекеттік қызметтерді 050000, Алматы қаласы, Әйтеке би көшесі, 67 мекенжайында орналасқан Қазақстан Республикасы Ұлттық Банкінің Қаржы нарығын және қаржы ұйымдарын бақылау мен қадағалау комитеті (бұдан әрі – Комитет) сенбі, жексенбі, демалыс және мереке күндерінен басқа күндері, сағат 13:00-ден 14:00-ге дейінгі түскі үзіліспен, сағат 9:00-ден 18:00-ге дейін көрсетеді.

2. Көрсетілетін мемлекеттік қызметтердің нысаны: автоматтандырылмаған.

4. Көрсетілетін мемлекеттік қызметтердің нәтижесі – мемлекеттік емес облигациялар шығарылымын (облигациялық бағдарламаны, облигациялық бағдарлама аясындағы облигациялар шығарылымын) мемлекеттік тіркеу туралы куәлік және облигациялар (облигациялық бағдарлама) шығарылымының (он екі айдан аспайтын айналыс мерзімімен облигациялар шығарылымын қоспағанда) проспектісі не қызмет көрсетуден бас тарту туралы дәлелді жауап.

5. Мемлекеттік қызметтер көрсету барысына басқа мүдделі мемлекеттік органдар қатыспайды.

2. Мемлекеттік қызметтер көрсету тәртібіне қойылатын талаптар
6. Мемлекеттік қызметтер өтініш беруші құжаттардың толық пакетін ұсынған күннен бастап күнтізбелік отыз күн ішінде көрсетіледі.

7. Осы мемлекеттік қызметтерді көрсетуден бас тартуға негіздемелер Стандарттың 16-тармағында көрсетілген.

Егер ұсынылған құжаттарды қарау барысында эмитент пен оның қызметі туралы қосымша мәліметтерді алу қажеттілігі пайда болса, мемлекеттік емес облигациялар шығарылымын мемлекеттік тіркеуді тоқтата тұру Заңның 10-бабының 2-тармағына сәйкес жүргізіледі. Эмитент қосымша мәліметтерді ұсынған күннен бастап мемлекеттік емес облигациялар шығарылымын мемлекеттік тіркеу қайта басталады.

8. Мемлекеттік қызметтерді алу үшін тұтынушыдан сұрату алған сәттен бастап мемлекеттік қызметтердің нәтижесін берген сәтке дейінгі мемлекеттік қызметтерді көрсету кезеңдері:

қажетті құжаттар пакеті кезек күтпестен құжаттарды қабылдауға және тіркеуге уәкілетті қызметкерге тапсырылады (немесе хат-хабар қабылдауға арналған арнайы жабдықталған жәшікке салынады);

келіп түскен хат-хабар мазмұны алдын ала зерделеніп, тіркелгеннен кейін электрондық құжат айналымы шағын жүйесі арқылы ол Комитет төрағасының немесе оның орынбасарларының қабылдау бөлмелеріне жіберіледі;

Комитеттің басшылығы құжаттарды олар келіп түскен күні қарастырады;

құжаттар қарастырылғаннан кейін және оларға Комитеттің басшылығы тиісті бұрыштамалар қойған соң электрондық құжат айналымы шағын жүйесінде және қағаз тасымалдауышта бұрыштама қойылған құжаттар одан әрі орындау үшін Лицензиялау департаментіне жіберіледі;

Лицензиялау департаментінің басшылығы орындаушыны белгілейді;

жарияланған акциялар шығарылымын мемлекеттік тіркеу үшін өтініш беруші ұсынған құжаттарды Лицензиялау департаментінің орындаушысы қарайды;

құжаттарды қараудың оң нәтижесі болған кезде куәлік ресімделеді;

құжаттар бойынша ескертулер болған жағдайда өтініш берушіге мемлекеттік қызметтерді көрсету үшін белгіленген мерзімдерде жазбаша түрдегі дәлелді жауап беріледі;

мемлекеттік қызметтерді көрсетудің нәтижесі почта арқылы жіберіледі немесе Лицензиялау департаментінің хатшысы тікелей өтініш берушіге немесе тиісті түрде ресімделген сенімхатты ұсынған жағдайда оның уәкілетті өкіліне тиісті журналға қолын қойғыза отырып қолма-қол береді.

9. Құжаттарды қабылдауды және тіркеуді хат-хабарды қабылдауға және тіркеуге уәкілетті бөлімше немесе жауапты тұлға жүзеге асырады немесе құжаттар Комитеттің хат-хабар қабылдауға арналған арнайы жабдықталған жәшігіне салынады не почтамен жөнелту арқылы жіберіледі.

Мемлекеттік қызметтерді көрсету үшін құжаттарды қабылдауды жүзеге асыратын тұлғалардың ең аз саны құжаттарды қабылдауға және тіркеуге уәкілетті 1 қызметкерді құрайды.

3. Мемлекеттік қызметтер көрсету үдерісіндегі іс-әрекеттер

(өзара іс-әрекеттер) тәртібінің сипаты
10. Өтініш беруші құжаттар пакетін қолма-қол тапсырған жағдайда, өтініш берушінің қолына өзінің құзыреті шегінде құқықтық статистика және арнайы есеп саласындағы статистикалық қызметті жүзеге асыратын уәкілетті мемлекеттік орган белгілеген нысан бойынша құжаттардың алынғаны туралы талон беріледі.

Талонды Комитеттің құжаттарды қабылдауға уәкілетті бөлімшесі немесе жауапты тұлғасы жазады.

Тұтынушы құжаттарды почтамен жіберген немесе құжаттар пакетін хат-хабар қабылдауға арналған арнайы жабдықталған жәшік арқылы тапсырған жағдайда құжаттардың алынғаны туралы талон берілмейді.

Хат-хабарды қабылдауға және тіркеуге уәкілетті бөлімше немесе жауапты тұлға хат-хабарды қабылдауды, ашуды және электрондық құжат айналымы шағын жүйесіне тіркеуді және Комитет басшылығының қабылдау бөлмесіне өткізуді жүзеге асырады.

11. Ақпарат қауіпсіздігіне талаптар қойылмайды.

12. Мемлекеттік қызметтер көрсету үдерісіне мыналар қатысады:

1) құжаттарды қабылдауға және тіркеуге уәкілетті қызметкерлер – қызметтерді тұтынушы ұсынған құжаттарды оларға мөртабан қойып және нөмір беріп қабылдау және тіркеу;

2) Комитеттің басшылығы – бұрыштама қою және тиісті құжаттарға қол қою;

3) Лицензиялау департаментінің басшылығы – бұрыштама қою, құрылымдық бөлімшенің басқармасын айқындау, қол қою және тиісті құжаттарға қол қою;

4) Лицензиялау департаментінің қызметкерлері – өтініш беруші ұсынған құжаттардың Қазақстан Республикасы заңнамасының талаптарына сәйкес келуін қарау және мемлекеттік емес облигациялар шығарылымын мемлекеттік тіркеу бойынша құжаттар дайындау.

13. Комитеттің әрбір құрылымдық бөлімшесінің әкімшілік іс-әрекеттері (рәсімдері) жүйелігінің және өзара іс-әрекетінің мәтіндік кестелік сипаты әрбір әкімшілік іс-әрекеттің (рәсімнің) орындалу мерзімі көрсетіле отырып, осы Регламенттің 1-қосымшасында берілген.

14. Мемлекеттік қызметтерді көрсету үдерісіндегі әкімшілік

15. Мемлекеттік емес облигациялар шығарылымын мемлекеттік тіркеу туралы куәлік Ережеде белгіленген нысан бойынша ресімделеді.

16. Өтініш беруші осы мемлекеттік қызметтерді көрсету барысы туралы ақпаратты Лицензиялау департаментінің хатшысынан
8 (727) 2788 008 телефоны арқылы алуына болады.

4. Мемлекеттік қызметтерді көрсететін лауазымды

тұлғалардың жауапкершілігі
17. Комитеттің мемлекеттік қызметтерді көрсететін лауазымды тұлғалары мемлекеттік қызметтерді көрсету барысында қабылдайтын шешімдері және әрекеттері (әрекетсіздіктері) үшін Қазақстан Республикасының заңнамасында көзделген тәртіппен жауапкершілік атқарады.

18. Комитеттің жауапты тұлғалары мемлекеттік қызметтерді көрсету барысында өтініш берушінің құжаттарындағы ақпараттың сақталуын, қорғалуын және конфиденциалдылығын қамтамасыз етеді.
«Мемлекеттік емес облигациялар

шығарылымын мемлекеттік тіркеу»

мемлекеттік қызметтерінің регламентіне

1-қосымша

мемлекеттік қызметтерінің регламентіне 2-қосымша

+

-

* - данное

«Алматы қаласының өңірлік қаржы орталығы қатысушыларының

құжаттамасын қаржы орталығының органдарын қоспағанда,

мемлекеттік органдарға беру үшін ағылшын тілінен

мемлекеттік және орыс тілдеріне аудару»