Жөндеу жұмыстары кезіндегі қауіпсіздік талаптары

29. Жөндеу жұмыстары кезіндегі қауіпсіздік талаптары

502. Ұйымда техникалық басшы бекітетін жұмыстардың тізбесі анықталады:

1) қауіптілігі жоғары жұмыстарды орындауға жүктелім-рұқсаттама ресімдеу жүргізілетін (мұнайтұтқыштарда, шұңқырларда, резервуарларда, қазандарда, цистерналарда жабдықтар мен коммуникациялардың саңылауын жою кезіндегі жұмыстар);

2) жүктелім-рұқсаттама ресімдеусіз ағымдық пайдалану тәртібімен жүргізілетін (мерзімдік технологиялық жұмыстар – резервуарлардың суын құрғату, сынамаларды қолмен іріктеу және резервуардағы, цистернадағы мұнай өнімдерінің деңгейін өлшеу, зиянды және өрт қауіпті заттарды канализацияға төгу).

503. Ұйым ұйымның техникалық басшысы жүзеге асыратын жұмыстарды қауіпсіз жүргізуін қамтамасыз етеді.

504. Бақылаушы адам жұмыстар басталар алдында оларды жүргізу жоспары бойынша дайындық жұмыстарының орындалуын тексереді, барлық жұмыс істеушілерге тиісті қауіпсіздік шаралары туралы нұсқау береді. Бұл ретте әрбір жұмыс істеуші жүктелім-рұқсаттамаға қол қояды.

505. Газ қауіпі бар жұмыстарды құрамында кемінде үш адамы бар бригада орындайды.

Бригада мүшелері тиіті жеке қорғаныс құралдарымен, арнайы аяқ киіммен, арнайы жұмыс киіммен, құрал-сайманмен, аспаптармен және қосалқы материалдармен қамтамасыз етіледі.

506. Газ қауіпі бар жұмыстарға кірісуге осы жұмыстарды өрт сөндіретін күзетшілермен келіскеннен кейін рұқсат етіледі.

507. Газ қауіпі бар жұмыстарды апатты оқиғаларды қоспағанда, күндізгі уақытта жүргізеді.

508. Газ қауіпі бар жұмыстарды орындауға:

газ қауіпі бар жұмыстарды орындауға үйретілген;

дәрігерге дейінгі медициналық көмек көрсету және зардап шеккендерді құтқару бойынша дағдысы бар;

тыныс алу органдарын жеке қорғану құралдарымен жұмысқа дайындығы бар;

жұмыстар жүргізілетін жерлерде заттардың қасиеттерін білетін адамдар тартылады.

509. Кәсіпорындарда газ қауіпі бар жұмыстардың ұйымдастырылуын бақылау өндірістік бақылау туралы ережеге сәйкес жүзеге асырылады.

510. Әр газ қауіпі бар жұмыс:

объектіні жұмыс жүргізуге дайындау;

газ қауіпі бар жұмыстарды тікелей жүргізу;

аяқталатын жұмыстардың кезеңдерінен тұрады.

511. Жауапты басшы газбен бүлінген жерде жұмысты бастар алдында газқағардың түзулігін, құтқаратын белбеу мен арқанның беріктігін тексереді. Газқағардың немесе құтқаратын белбеудің ақауы табылған жағдайда оларды қолдануға рұқсат етілмейді.

512. Құтқаратын белбеу берік ілгектеледі, арқанның ұзындығы кемінде 10 м, жеткілікті дәрежеде қалың және берік болады, ақауы болмайды.

513. Құдыққа немесе басқа газ қауіпі бар жерге түсуге екі дублер болған жағдайда ғана рұқсат беріледі; бір бақылаушысы бар екі жұмысшыға құдыққа түсуге рұқсат етілмейді.

514. Құдыққа түсу кезінде ашық отты қолдануға рұқсат етілмейді.

Жарық беру үшін қосу мен сөндіру жарылыс қаупі бар аймақтан тыс жүргізілетін кернеуі 12 Вольт жарылыстан қорғалған аккумуляторлы қол шамдарды қолдануға рұқсат етіледі.

515. Құдықтарда, резервуарлардың ішінде және басқа да газбен бүлінген жерлерде жұмыс істеген кезде бақылаушы мезгіл-мезгіл жұмыс істеушіден құтқаратын арқанды тарту немесе дыбыс беру арқылы хал-жайын сұрайды; жауап болмаған жағдайда бақылаушы жұмыс істеушіні сыртқа алып шығады.

Ұсыныс жасалатын сигналдар мыналар: екі рет жұлқу – бәрі орнында;

үш рет жұлқу – дереу шығару.

516. Газ қауіпі бар жұмыстар жүтелім - рұқсаттама бойынша құбыршекті ПШ-1, ПШ-2 газқағарлармен жүргізіледі. Бұл мақсаттар үшін сүзгіш және кислородты-оқшаулағыш газқағарларды қолдануға рұқсат етілмейді.

Жұмыс кезінде құбыршекті газқағарлардың ауа тартатын келтеқұбырлары таза ауа аймағындағы желдің бағыты бойынша орналасады және сенімді жерлендіріледі. Құбыршегінің ұзындығы 10 м аспайтын желдеткіштің көмегімен ауаны еріксіз беру болмаған жағдайда.

Құбыршекті бүгуге және қысып ұстауға болмайды.

517. Газ қауіпі бар жұмыстарды орындау кезінде қосымша жеке қорғану құралдары – саусақты қолғаптарды, қолғаптарды, алжапқыштарды, теріні қорғайтын дерматологиялық құралдарды қолданады.

518. Газ қауіпі бар жұмыстарды орындау кезінде:

болат шегесі, кішкентай тағасы бар аяқ киіммен жұмыс істеуге;

соғылу кезінде ұшқын тудыратын құрал-саймандармен жұмыс істеуге;

ақауы бар немесе тексерілмеген газқағарларды, қорғайтын белбеуді, арқанды және сатыны пайдалануға рұқсат етілмейді.

519. Газ қауіпі бар жұмыстар жүктелім-рұқсаттама бойынша даярланған бақылаушының және жұмыс істеушінің қатысуымен жүргізіледі.

Газбен бүлінген үй-жайдың немесе резервуардың ішінде құбыршекті газқағармен 15 минуттан көп емес болуға рұқсат етіледі, одан кейін кемінде

15 минут дем алады.

520. Сырқаттанып қалғаны немесе көңіл күйінің нашарлығы туралы хабарлаған жұмысшыларды жұмысқа жіберуге рұқсат етілмейді.

521. Қандайда болмасын ақау (құбыршектің тесілуі, ауаүрлеуіштің тоқтап қалуы, құтқаратын арқанның үзілуі) табылған жағдайда, жұмыс істеуші шлем-масканы шешуге әрекет жасаған кезде жұмыс тоқтатылады, ал жұмыскер қауіпті аймақтан шығарылады.

522. Газ қауіпі бар жұмыстар, егер оларды жүргізу процесінде өрт қаупін немесе улану қауіпін тудыратын мұнай өнімдері буының пайда болуы табылса тоқтатылады.

523. Жөндеу жұмыстарын (оның ішінде отты) жүргізген кезде ауа анализінің нәтижесі бойынша анықтама ресімделіп және жауапты адамның қолы қойылып, жұмыс жүргізілген жерде ауаның анализі жүргізіледі.

Отты және газ қаупі бар жұмыстардың алдында ондағы будың (газдың) мөлшеріне ауа сынамасының анализдерін орындау және анализдердің нәтижелерін ресімдеуді мұнай базаларының зертханалары жүзеге асырады.

524. Жұмыс аймағының ауасындағы зиянды заттардың мөлшерін бақылау 12.1.005 МСТ бойынша жүзеге асырылады.

29. 2. Отпен жұмыс істейтін жұмыстар
525. Отпен жұмыс істейтін жұмыстарға ұшқын шығаратын ашық отты қолданумен, материалдар мен конструкцияларды тұтануға икемді температураға дейін қыздырумен байланысты мынадай өндірістік операциялар:

электр және газ пісіру;

дәнекерлеу жұмыстары;

битумды қыздыру, бөлшектерді ашық жалынмен жылыту бойынша жұмыстар;

ашық отты пайдаланатын барлық өзге жұмыстар жатады.

526. Отпен істелетін жұмыстарды жүргізуге белгіленген тәртіп бойынша өнеркәсіптік және өрт қауіпсіздігі бойынша оқудан және тексерістен өткен, және біліктілік куәлігі бар жұмысшыларға рұқсат етіледі.

527. Тұрақты және уақытша отты жұмыстарды жүргізетін жерлер.

Әрбір кәсіпорында бұйрықпен отты жұмыстарды тұрақты жүргізетін жер белгіленеді.

528. Уақытша отты жұмыстарды жүргізуге өрт сөндіру күзетінің өкілімен келісім бойынша жүктелім-рұқсаттаманы ресімдегеннен кейін рұқсат етіледі.

529. Объектінің дайындығын ұйымдастыру және отты жұмыстарды жүргізу үшін бақылауға, оның ішінде және мердігер ұйымның объектісінде жұмыстарды орындау кезінде жауапты адам тағайындалады.

Бақылаушы адам дайындық және отты жұмыстардың жарылыс-өрт қауіпсіздігін қамтамасыз ететін іс-шаралардың орындалуын ұйымдастырады.

Өрттің (жарылыстың) туындауын болдырмайтын шараларды қабылдамай жұмыстарды жүргізуге рұқсат етілмейді.

530. Резервуарлық парктің аумағында отты жұмыстарды бастар алдында канализация құдықтарының қақпақтарының берік жабылғаны, осы қақпақтарда құм қабатының болуы, ернемек қосылыстардың саңылаусыздығы және тағы басқалары тексеріледі және жұмыс орны 20 м таралу аймағындағы жанатын материалдардан тазартылады.

531. Отты жұмыстарды жүргізетін жердің маңында жанатын конструкциялар болған жағдайда, соңғысы металл немесе асбест қалқамен жанудан қорғалады.

532. Отты жұмыстарды жүргізген кезде жұмыс орнында қажет бастапқы өрт сөндіру құралдарымен, ал орындаушылар жеке қорғану құралдарымен қамтамасыз етілуі қарастырылады.

533. Резервуарда жөндеу жұмыстарын жүргізгенге дейін отты жұмыстарды жүргізе отырып, резервуардың жөндеу жұмыстарына дайындығы туралы акті жасалады.

Тұтану концентрацияның төменгі шегінен 20 % жоғары жарылыс қауіпі бар және өрт қауіпі бар заттарды тұтынған кезде жұмыстарға рұқсат етілмейді.

534. Резервуарлардағы, технологиялық құбыржолдардағы отпен істелетін жұмыстар оларды өнімнен босатқаннан, қақпақшаларды орнатқаннан және бумен немесе инертті газбен үрлегеннен және ауа кеңістігін бақылағаннан кейін жүргізіледі.

535. Отпен істелетін жұмыстарға резервуарлардың ішінен де сыртынан да белгіленген нысандағы анализдің және жөндеу жұмыстарын жүргізуші адамның қол қоюының нәтижесі бойынша анықтама ресімделіп, жұмыстар жүргізілген жерде ауаның бақылау анализі алынғаннан кейін рұқсат етіледі.

536. Отпен істелетін жұмыстарды жүргізуге жұмыстардың толық қауіпсіздігін қамтамасыз ететін барлық дайындық іс-шараларын орындағаннан кейін рұқсат етіледі.

537. Отпен істелетін жұмыстарды жүргізген кезде майдың, керосиннің және басқа да жанғыш сұйықтардың ізі бар арнаулы жұмыс киімдерін пайдалануға рұқсат етілмейді.

Арнаулы жұмыс киімінсіз, күннен қорғайтын көзілдіріксіз. Арнаулы сауытсыз пісіру және газкесу жұмыстарын жүргізуге рұқсат етілмейді.

538. Орындаушылар отпен істелетін жұмыстарға жүктелім-рұқсаттамада көрсетілген барлық қауіпсіздік шараларының орындалуын, осы жұмыстарды жүргізуге жауапты басшының қатысуымен жеке тексергеннен кейін кіріседі.

539. Отпен істелетін жұмыстар күндізгі уақытта жүргізіледі. Апатты жағдайларда техникалық басшының рұқсатымен отпен істелетін жұмыстарды тәуліктің қараңғы кезінде жүргізуге рұқсат етіледі. Бұл жағдайда жұмыстарды жүргізетін орынға жарық түсіріледі.

540. Отпен жұмыс істейтін жұмыстарды жүргізетін жерге мұнай өнімдері буының кіру мүмкіндігі жойылады.

541. Отпен істелетін жұмыстарды жүргізген уақытта жұмыс орнындағы және қауіпті аймақтағы ауа кеңістігінің жай-күйіне тұрақты бақылау жүзеге асырылады.

542. Отпен істелетін жұмыстар, егер оларды орындау процесінде жұмыс орнында немесе басқа да жағдайларда өрт және жарылыс қаупін тудырушы мұнай өнімдерінің буы пайда болуы білінсе тоқтатылады.

543. Жанбайтын сұйықтардың, будың және газдың қысымындағы, жанғыш немесе улы заттармен толтырылған электр кернеуіндегі жабдықтар мен коммуникацияларды пісіру, кесу, дәнекерлеу немесе ашық отпен қыздыру жұмыстарын жүргізуге рұқсат етілмейді.

544. Отпен істелетін жұмыстарды жүргізу кезінде сұйытылған және ерітілген газбен сығылған баллондармен электр сымына жанасуға рұқсат етілмейді.

545. Резервуарлардың ішіндегі отпен істелетін жұмыстар қақпақтары (өтпетесіктері) толық ашық кезде жүргізіледі.

546. Резервуарлардың ішіндегі отпен істелетін жұмыстарды жөндеу жұмыстарының басқа түрлерімен қатар атқаруға рұқсат етілмейді.

547. Резервуарлардың ішін жөндеу кезінде сырт жағында қажет болған жағдайда шұғыл көмек көрсету үшін нұсқау берілген (кемінде 2 адам) бақылаушы болады. Мұндай жұмыстарды жүргізген жерде толық дайындықта құбыршекті газқағар болады.

548. Ақауы бар құрал-сайманмен және жерге қосылмаған пісіру жабдығымен жұмыс істеген уақытта сүйеп қоятын сатылармен пісіру жұмыстарын жүргізуге және қолдануға рұқсат етілмейді.

549. Отпен істелетін жұмыстар осы Талаптарынан жаңылу білінген, жүктелім-рұқсаттамада көзделген қауіпсіздік шараларыны сақталмаған, қауіпті жағдай туындаған кезде тоқтатылады.

550. Уақытша отпен істелетін жұмыстарды жүргізетін жерлерді бақылау оларды аяқтағаннан кейін 3-сағаттың ішінде жүзеге асырылады.

29. 3. Электрмен пісіру жұмыстары кезінде қойылатын талаптар
551. Электрмен пісіру жұмыстары МСТ 12.1.010, МСТ 12.1.004, МСТ 12.3.002 талаптарын ескере отырып 12.3.003 МСТ-ға сәйкес орындалады.

552. Пісіруді орындауға электр қауіпсіздігі бойынша II төмен емес біліктілік тобы бар және тиісті куәлігі бар үйренуден, нұсқамалықтан және қауіпсіздік талаптарын білімін тексеруден өткен жұмыскерлерге рұқсат етіледі.

553. Әйелдер тұйық және жолы қиын кеңістіктердің ішінде пісіруге және жоғары өрлейтін жұмыстар кезінде пісіруге жіберілмейді.

554. Жұмысшылар соратын желдеткіштің жұмыс аймағының ауасындағы зиянды заттардың ықтимал концентрациясын қамтамасыз ету мүмкін болмаған жағдайда жеке қорғану құралдарымен қамтамасыз етіледі.

555. Шаңнан қорғану үшін респираторлар қолданылады. Басты механикалық әсер етуден және электр тогының зақымдауынан қорғау үшін 12.4.128 МСТ бойынша қорғаныс каскалары қолданылады.

556. Қолдарын қорғау үшін жұмыскерлер МСТ 12.4.010 бойынша қолғаптармен қамтамасыз етіледі.

Жұмыскерлер электр тогымен зақымдау қаупі жоғары жағдайда пісіру жұмыстарын орындаған кезде (сыйымдылықтарда пісіру) 13385 МСТ бойынша галошпен, 4997 МСТ бойынша кілемшелермен, диэлектрлік қолғаптармен қамтамасыз етіледі.

557. Газ жалынды жұмыстарды орындау кезінде жабық сыйымдылықтардың іші немесе жұмыс орындары конструкциясының қуыстары соратын желдеткішпен қамтамасыз етіледі. Сыйымдылықтың (қуыстың) ішіндегі ауаның қозғалыс жылдамдығы бұл ретте 0,3-1,5 м/с шегінде болады.

558. Жанғыш сұйықтық болған сыйымдылықтарды пісірер (кесер) алдында оларды тазалау, жуу, құрғату және мұнай өнімдерінің буы концентрациясының санитарлық нормаларға сәйкестігін растайтын келесі тексеріс жүргізіледі.

559. Тұйық сыйымдылықтардың ішінде электр пісіру мен газ жалынды жұмыстарды бір мезгілде жасауға рұқсат етілмейді.

560. Сыйымдылықтардың ішіне пісіру жұмыстарын жасау кезінде жарық беру сыртта орнатылған шырағдандардың көмегімен, немесе кернеуі 12 В көп емес тасымал қол шамдардың көмегімен жүзеге асырылады.

561. Электр пісірушіге жаңбыр немесе қар жауған уақытта электр пісіру жабдығының және жұмыс орнының үстінде қалқа болмаған жағдайда электр пісіру жұмыстарын істеуге рұқсат етілмейді.

562. Ашық доғамен пісіру кезінде үй-жайдағы пісірушілердің жұмыс орны іргелес жұмыс орындары мен өтетін жерлерден биіктігі 1,8 м кем емес жанбайтын қалқалармен (кермемен, қалқанмен) бөлінеді.

563. Электр пісіру қондырғыларына корпустар мен басқа да жабдықтардың ток жеткізбейтін, пісіру трансформаторын екінші қайтара орап қысқыштың металл бөлшектері жерлендіріледі, оған пісірілетін бұйымды пісіру трансформаторымен жалғайтын қарама-қарсы сым қосылады.

564. Бұрап жалғанған ашық немесе нашар оралған пісіру сымдарын, қолдан істелген электрұстауыштарды қолдануға рұқсат етілмейді. Пісіру сымдары ыстық дәнекерлеу, пісіру тәсілімен, оқшауланатын қабығы арқылы дәнекер жалғастырғыштың көмегімен қосылады. Дәнекерленген жер мен сымдардың пісіру қосылысы ажыратылады.

565. Ғимараттардың металл конструкцияларын, коммуникациялар мен технологиялық жабдықтарды жерлендіру желісінің қарама-қарсы сымы ретінде пайдалануға рұқсат етілмейді.

566. Жарылыс қаупі бар үй-жайларда және сырттағы қондырғыларда электр пісіру жұмыстарын орындаған кезде қарама-қарсы сымның электрұстаушыға сыммен бірдей қимасы болады.

29. 4. Газбен пісіру жұмыстары кезінде қойылатын талаптар
567. Баллондардан ацетиленмен және кислородпен қоректендірген кезде соңғысы тік жағдайда оларды тіреулерге қамытпен немесе шынжырмен бекітіп орнатылады. Баллоны бар тіреулерге жолдар мен өтетін жерлердің шекарасында орнатуға рұқсат етілмейді.

Тіреулер баллондарды оларға майдың түсіп кетуінен қорғайтын қалқалармен жабдықталады.

568. Баллондар жылыту аспаптарынан кемінде 1 м және қыздыратын пештер мен басқа да жылудың күшті көздерінен 5 м қашықтықта болады.

569. Ірі бөлшектерді, фермаларды, балоктарды, тұғырларды, метал сынықтарын және тағы басқаларын газбен кесу кезінде кесілген бөлшектержұмыс істеушілер мен баллондарға құламау үшін шаралар қолданылады.

570. Газбен пісіруге (кесуге) дайындық кезінде ұшқын шығаратын балғаның, шапқыштың немесе басқа құрал-сайманның соққысымен баллоннан қақпақты алуға рұқсат етілмейді. Егер қақпақ бұралып алынбаса, баллонды толтырғыш цехқа жібереді.

571. Кислороды бар баллонмен жұмыс істеген кезде оған майдың түсуіне, оған маймен ластанған қолмен жанасуға рұқсат етілмейді.

572. Ток жеткізуші құрылғыларға жақын жерде газбен пісіру және кесу кезінде соңғысы қайралады және оларды қосу мүмкіндігі жойылады; жұмыс орны ток жеткізуші бөліктерге және қысқа тұйықталудың туындауын болдырмас үшін тақтаймен қоршалады; тақтайға ескерту плакаттары ілінеді.

573. Уақытша пісіру жұмыстарын істеу үшін өрт пен жарылысқа қатысты жылжымалы ацетилен аппараттарды қауіпсіз үй-жайларда орнатуға рұқсат етіледі, бұл ацетилен аппаратының 10 кг көп емес кальций карбидін салуға болады; үй-жайдың 300 м³ кем емес көлемі болады және жақсы желдетіледі.

574. Газбен пісіру жұмыстарын жүргізген уақытта баллондар мен арматураларды жөндеуге рұқсат етілмейді.

575. Қорғайтын клапаны және (немесе) манометр ақаулы болған жағдайда балонмен жұмыс істеуге рұқсат етілмейді.

576. Манометр оның көрсетіндісі қызмет көрсетуші персоналға анық көрінуі үшін орнатылады; бұл ретте оның шкаласы тік жазықта немесе 30^о дейін алға көлбеу болады. Манометр күн сәулесінен және суықтан (қатып қалудан) қорғалады.

577. Манометрді мынадай жағдайларда:

пломба немесе таңба жоқ болғанда;

тексеріс мерзімі өтіп кеткен;

манометрдің стрелкасы оны қосқан кезде шкаланың нөлдік белгісіне қайтпағанда;

шынысы сынған немесе оның көрсетінділерінің дұрыстығына әсер ететін басқа да бүлінулер болғанда қолдануға рұқсат етілмейді.

578. Кислородты және ацетиленді баллондарды рессорлы көлік құралдарымен, арнаулы қол арбамен және зембілмен тасымалдауға рұқсат етіледі.

Баллондарды тасмалдау кезінде мынадай талаптар сақталады:

сақтандыратын колпактарын істен шыққанға дейін бұрау;

баллондарды киізбен немесе басқа жұмсақ материалмен қапталған ағаш қуыстарға орналастыру. Резеңке немесе басқа жұмсақ материал жапсырылған қуысы бар металл төсемдерді қолдануға рұқсат етіледі;

бір қатардан көр баллондарды тиеу кезінде оларды бір бірімен жанасудан қорғау үшін әр қатарға салуға. Төсем ретінде диаметрі 25 мм кем емес кендір арқан және қалыңдығы 25 мм кем емес резеңкеден жасалған сақинаны қолдануға рұқсат етіледі;

баллондарды сақтандыратын колпактарымен бір жаққа және автомашиналар мен басқа да көлік құралдарының қорабына көлденең салынады;

баллондарды көлік құралдары қорабының биіктігі шегінде орналастыруға рұқсат етіледі.

579. Кислороды мен жанғыш газы бар баллондарды бір үй-жайда қоймалық сақтауға рұқсат етілмейді.

Толтырылған баллондарды күн сәулесі мен атмосфералық жауын-шашынның әсерінен сенімді қорғайтын ашық алаңдарда сақтауға рұқсат етіледі.

580. Газ жалынды жұмыстарды жаңбырлы, қарлы ауа райында ашық ауада және жел болған кезде істегенде жұмыс орны атмосфералық жауын-шашын мен желдің әсерінен қорғалады.

581. Газбен пісірушінің (газбен кесушінің) жұмыс орны өрт сөндіру құралдарымен қамтамасыз етіледі; жұмыс орнында өрт сөндіру құралдары болмаған кезде жұмыс істеуге рұқсат етілмейді.

582. Зауытта жасалмаған ацетилен газ генераторларын қолдануға рұқсат етілмейді. Әрбір ацетилен генераторының паспорты болады.

583. Ацетилен генераторын жанғыш заттар мен ашық отқа жақын, төгілген мұнай өнімдері мен канализациялық қақпақтарға жақын орнатуға рұқсат етілмейді.

584. Пісіру кезінде ацетилен генераторынан кез келген температурасы жоғары кезге дейінгі, пісірушінің жұмыс орнынан өрт қаупі бар материалдарға дейінгі ара қашықтық кемінде 10 м.

585. Қолданыстағы бекітпесінің ақауы бар ацетилен генератордың жұмыс істеуіне рұқсат етілмейді.

586. Респираторда кальций карбиді бар барабандарды ашу және генераторды тиеу резеңке қолғаптар мен сақтандырғыш көзілдірікпен жүргізіледі.

587. Ацетилен генераторды кальций карбидімен зарядтағаннан кейін шілтер отты алғанға дейін газгольдер мен газ құбыршегінен барлық ауа газ бен ауаның жарылыс қаупі бар қоспасының пайда болуын болдырмас үшін газбен ығыстырып шығарылады.

588. Құбыршекте немесе газ генератордың корпусында газ өткізу болған уақытта жылыстау орнын сабынды сумен тексеруге рұқсат етіледі, отпен тексеруге рұқсат етілмейді.

589. Газбен кесуге және пісіруге арналған құбыршектер 9356 МСТ сәйкес келеді.

590. Құбыршектер ұшқының түсуінен, соққыдан, жоғары температураның әсерінен және басқа да зақымданудан сақталады. Салу кезінде оларды қатты бұрауға, майыстыруға және бүктеуге рұқсат етілмейді.

591. Бірнеше шілтерді қоректендіру үшін құбыршектерге шанышқы мен үштармақты қосуға, майланған құбыршекті пайдалануға рұқсат етілмейді.

592. Құбыршектің ұзындығы 20 м көп емес. Кейбір жағдайда қажеттілігіне қарай ұзындығы жұмыс басшысының рұқсатымен ұзартылады.

593. Жалынның кері соққысы туындаған жағдайда алдымен ацетилен кран, сонан соң оттекті кран тоқтатылады.

594. Жұмыстағы үзіліс кезінде шілтер крандардың дұрыстығы мен толық жабылуын қадағалайды.

595. Шілтерлерге жөндеу жүргізуге оны ацетилен қондырғыдан ажыратқаннан кейін рұқсат етіледі.

596. Тасымал ацетилен генераторларды өз бетімен шеберхана үй-жайында тазалауға, бөлшектеуге және құрастыруға рұқсат етілмейді.

597. Ацетилен генераторлардың пайдаланылған кальций карбиді белгіленген орынға шығарылады. Өндірістік үй-жайларда карбидтің ажыратылған өнімдерін жинауға рұқсат етілмейді.

598. Қатып қалған генераторлар мен олардың бөлшектерін бумен немесе ыстық сумен жылытуға рұқсат етіледі. Ашық отты осы мақсатқа қолдануға рұқсат етілмейді.

599. Пісіру жұмыстары кезінде ыстық шілтерді жанатын заттар мен материалдарға қоюға рұқсат етілмейді. Шілтер үшін жанбайтын материалдан арнайы тұғыр жасалады.

600. Кальций карбиді бар стандартты барабандарды ашу арнайы пышақпен немесе қайшымен істеледі.

Ұшқын шығаруға бейім құрал-саймандарды осы мақсатқа қолдануға рұқсат етілмейді.

601. Ацетилен қондырғыларын газ генераторшылар арнаулы жұмыс киімімен, арнаулы аяқ қиіммен және басқа да жеке қорғану құралдарымен қамтамасыз етіледі.

602. Газбен пісіру және газбен кесу жұмыстарын жүргізген кезде қатып қалған құбырларды, шұраларды, редукторлар мен басқа да пісіру қондырғысының бөлшектерін ашық отпен немесе қатты қыздырылған заттармен жылытуға, жанғыш газға арналған құбыршекті оттегімен және оттегі құбыршегін жанғыш газбен үрлеуге, жұмыс кезінде құбыршектерді өзара алмасуға рұқсат етілмейді.

29. 5. Сұйық отынмен газбен кесу кезінде қойылатын талаптар
603. Бактарға жанармай құю өрт сөндіруге қатысты қауіпсіз арнаулы үй-жайда, немесе арнай бөлінген алаңда жүргізіледі.

604. Жанармай құятын жер отпен істелетін жұмыстарды орындайтын және оттың ашық көздерінен қашық орналасады. Тәуліктік қажетіліктен көп емес мөлшерде жанармай қорын сақтауға рұқсат етіледі. Жанармай сынбайтын тығыз жабылатын ақауы жоқ арнайы ыдыста сақталады.

605. Бакқа жанармай құю алдында оның дұрыстығына көз жеткізеді. Құю алдында жанармай тұндырылады және сүзіледі. Кесу үшін этилденген бензинді қолдануға рұқсат етілмейді.

606. Бактың түзу манометрі, бакта 0,5 МПа көп қысымның көтерілуіне жол бермейтін сақтандыратын қақпақшасы болады. Бактағы ауа қысымы кесу кезінде оттегінің жұмыстық қысымнан жоғары болған жағдайда металл кесуді орындауға рұқсат етілмейді. Бактағы жұмыстық қысым (жанармаймен) 0,3 МПа жоғары болмағанда рұқсат етілмейді.

607. Жалынның кері соққысы кезінде жұмыс тоқтатылады, ал шілтер сөндіріеді.

608. Бензин, керосин және оттегі кескішпен металды кесу кезінде:

ақауы бар аппаратты, құбыршек пен шілтерді қолдануға;

ластанған немесе сумен араласқан жанармайды қолдануға;

кескішке жанармай жіберу үшін оттегі құбыршегін қолдануға;

кескіш буландырғышты қатты қыздыруға (қызыл қошқыл түске дейін), кескішті жұмыс уақытында тікеден-тік басын жоғары қаратып асып қоюға;

жалынды бағыттауға және шілтерді жанғыш заттарға қоюға;

кескішке оттегі мен жанармай жіберетін құбыршекті қысуға, шиыршықтауға немесе шалқайтуға;

жұмыс алаңында жанармай қорын сақтауға рұқсат етілмейді.

609. Тұтанған кескішпен ауаны тартып шығару үшін бакқа жақындауға рұқсат етілмейді.

610. Жанған бензин (керосин) құммен, өрт сөндіргішпен сөндіріледі, жалын брезентпен, жапырақ асбестпен жабылады.

611. Жұмыстың соңында бактағы қысымды түсіру арқылы кескішті құбыршекпен бірге бактан жоғары көтеру жолымен жанармайды құбыршектен шығарып жібереді.

612. Жұмыс тоқтатылған кезде бактағы ауа жанармаймен бірге шығарылады; кескіштің жалыны сөндірілгенге дейін ауаны шығаруға рұқсат етілмейді.

29. 6. Жоғарыда жұмыс істеген кезде қойылатын талаптар
613. Топырақтың үстіңгі қабатынан, үйдің үстіңгі жабынынан немесе құрылғыларды жөндеу немесе тікелей конструкциялардың, жабдықтардың, машиналар мен механизмдердің элементтерімен бірге, оларды орнату, пайдалану, монтаждау және жөндеу кезіндегі үстінде жұмыс жүргізілетін жұмыс төсенішінен 1,5 м биіктікте орындалатын жұмыстар жоғарыда істелетін жұмыстар болып есептеледі.

Жұмысшының жұмыс және қозғалу кезінде жоғарыдан құлаудан қорғайтын негізгі құрал сақтандырғыш белбеу болып табылатын барлық жұмыс жоғары өрлеу жұмыстары болып есептеледі.

Сақтандырғыш белбеу (иықбаулы және иықбаусыз) 12.4.089 МСТ сәйкес келеді.

614. Жұмысшылардың жоғарыда жұмыс істеген кезінде құлауын болдырмаудың негізгі құралы тақтай төсеніштер, биіктеу тіреу үстіне салынған тақтай төсем құралдары, қорғайтын қоршау жасау болып табылады.

615. Жоғарыдағы жұмыстарды орындау (құрылыс, монтаж, жөндеу, бояу) 12.4.059 МСТ бойынша қажетті ақауы жоқ қорғау құралдарымен және 27321 МСТ, 27372 МСТ бойынша қорғаныс құрылғылармен қамтамасыз етіледі.

616. Жоғарыда істелетін жұмыстар мен жоғары өрлейтін жұмыстарды істеген кезде жұмысшылар 12.4.087 МСТ бойынша қорғайтын каскалармен қамтамасыз етіледі.

617. Биіктеу тіреу үстіне салынған тақтай төсем құралдары мен басқа да құрылғылар 24258 МСТ және 24259 МСТ сәйкес келеді.

618. Биіктеу тіреу үстіне салынған тақтай төсем құралдарының тақтайлардың арасында 5 мм аспайтын саңылауы бар тегіс жұмыс төсеніштері, ал 1,3 м және одан көп биіктікте төсеніштерін орналастыру кезінде қоршау мен борт элементтері болады. Ұзындығы бойынша төсеніштердің тақтайларын, сонымен бірге тіреуге орналастырылған элементтердің түйісетін ұштарын айқастыра жалғауға рұқсат етіледі және оны әр жағына кемінде 0,2 м етіп жабады.

619. Ағаштар мен биіктігі 4 м дейінгі төсеме тақтайларды оларды жұмыстарды жүргізуші қабылдап алғаннан кейін, ал 4 м жоғарыларды техникалық басшы тағайындайтын комиссия қабылдап алғаннан кейін пайдалануға рұқсат етіледі.

620. Ағаштарды пайдалану барысында жұмыс басшысы кемінде әр 10 күн сайын тексереді.

621. Биіктігі 6 м және одан көп ағаштармен жұмыс істеу кезінде, ағаштың кемінде екі төсеніші болады: жұмыс (жоғарғы) және қорғаныш (төменгі), құрылысқа шектесетін ормандағы әрбір жұмыс орны үстіңгі жағынан жұмыс төсенішінен 2 м аспайтын қашықтықта орналасқан төсенішпен қорғалады.

622. Аспалы ағаштар мен төсеніштер оларды жөндегеннен кейін 1 сағат ішінде нормативтен 20 % артатын статикалық жүктеменің сынағына шыдағаннан кейін пайдалануға рұқсат етіледі.

623. Жылдамдығы секундына 10 м асатын жел кезінде ағаштарды көшіруге рұқсат етілмейді. Көшірер алдында ауыспалы ағаштар материалдардан босатылады және оларға адамдардың жиналуына рұқсат етілмейді.

624. Сүйеп қоятын сатылар 26887 МСТ сәйкес келеді және жылжымайтын тіреулермен жабдықталған.

625. Сүйеп қоятын сатыларды қолданған кезде жазық бетке 70-75^о таман қойылады.

626. Сүйеп қоятын сатыларды жұмыс алаңдарында және ағаштардың қабаттарының арасынан өту үшін қолдануға рұқсат етіледі.

Жұмысшыдан тіреуді талап етілетін биіктікте жұмыс істеген кезде сүйеп қоятын сатыларды қолдануға рұқсат етілмейді.

627. Жұмысшылардың жоғарыдан құлауын болдырмау үшін қорғайтын қоршауларға қойылатын негізгі талаптар 1-кестеде келтірілген.

628. Жоғарыда істелетін жұмыстар жүктелім-рұқсаттама бойынша жүргізіледі.

629. Жоғарыдағы электрмен пісіру жұмыстары 12.3.003 МСТ сәйкес жүргізіледі.

630. Осы төмен орналасқан қабаттарда электрмен пісіру және газ жалынды жұмыстар жүргізілетін жерлер (жанбайтын қорғаныстық төсеніштер немесе жанбайтын заттармен қорғалған төсеніш болмаған жағдайда) кемінде

5 м радиуста жанатын заттардан, ал жарылыс қаупі бар (оның ішінде газ баллондары мен газ генераторлары) материалдар мен қондырғылардан 10 м радиуста босатылады.

Жоғарыда жұмыс істеуге рұқсат етпейтін ауа райының жағдайында III-4-80 ҚНжЕ бойынша қабылданады.

Ашық жерлерде жоғарыда істелетін монтаж және жөндеу жұмыстарына жылдамдығы секундына 15 м және одан да көп жел, көктайғақ, найзағай және жұмыс шебінің шегінде көрсетпейтін тұман кезінде рұқсат етілмейді.

29. 7. Резервуарларды жөндеу және тазарту
631. Резервуарларды мұнай өнімдерінің қалдықтарынан тазарту резервуарларды мұнай өнімдерінің қалдықтарынан тазарту жөніндегі қолданыстағы нұсқаулыққа сәйкес қауіпсіздік талаптарын сақтай отырып орындалады (РД 12-РСФСР-021-89).

632. Тазарту жұмыстарын жасауға жүктелім-рұқсаттама ресімделеді, онда дайындық іс-шараларының тізбесі, құрамы және тазарту операцияларының реттілігі көрсетіледі.

633. Резервуарларды тазарту жөніндегі жұмысқа басшылық жасауды бақылаушы адам жүзеге асырады.

634. Тазартылуға тиісті резервуар тазартатын құбыр-құбыршек арқылы мұнай өнімдерінің қалдықтарынан босатылады. Резервуарды мұнай өнімдерінің қалдықтарынан неғұрлым толық тазарту үшін оны «суға» көтеріп шығарады, содан кейін суландырылған мұнай өнімдері өңдейтін резервуарға жіберіледі, ал су тазартатын құрылғыларға немесе құрастырылған сыйымдылыққа тасталады.

635. Резервуардан «күңгірт» мұнай өнімдерінің қалдықтарын сорып алу кезінде жарылыстан қорғалған электр қозғалтқыштан орындау да жетегі бар сорғылар қолданылады.

636. Тез тұтанатын сұйықтардың «күңгірт» қалдықтарын (61^о С дейінгі тұтану температурасымен) сорып алуға ауа кірмейтін етіп жабылған төменгі қақпақтарда жүргізуге рұқсат етіледі.

637. Мұнай өнімдерінен босатылғаннан кейін жөндеуге белгіленген резервуар диэлектр төсеме орнатылған барлық құбырлардан ажыратылады. Ажыратылған құбырларға метал қақпақшалар орнатылады.

Қақпақшаның қалыңдығын 3 мм кем емес ықтимал ең жоғары қысымның есебінен анықтайды.

Қақпақшаларды орнату мен алу ұйымның техникалық басшысы бекіткен нысан бойынша журналға тіркеледі. Қақпақшалар орнатылатын жерлерді техникалық басшы белгілеген нысан бойынша журналға қол қойып қызмет көрсетуші персоналға айтып жеткізеді.

638. Резервуарды 2 г/м³ астам газ мөлшеріндегі бу концентрациясымен табиғи желдету оларға дефлекторлар орнатылып жоғарғы сәуле жарығы мол қақпақтар арқылы жүргізіледі.

Мұнай өнімдері буының 2 г/м ³ көп емес концентрациясы кезінде табиғи желдету (ауалау) үшін бірінші белдеудің қақпақтарын-өтпетесіктерін ашуға рұқсат етіледі.

Желдің жылдамдығы секундына 1 м кезінде қақпақтарды ашуға және резервуарды газсыздандыруға (еріксіз және табиғи) рұқсат етілмейді.

639. Резервуарда дайындық және жөндеу мен отты жұмыстарды жүргізу кезінде 40 м аралықта бір үйінділеуде орналасқан көрші резервуарларда мұнай өнімдерін қотару бойынша технологиялық операциялар тоқтатылады.

640. Резервуардың ішінде тәуліктің күндізгі уақытында жұмыстарды жүргізуге рұқсат етіледі.

641. Резервуарда сынамаларды іріктеу жұмыстарын бастар алдында резервуардың газ кеңістігіндегі оттегі мен мұнай өнімдері буының мөлшері анықталады.

642. Резервуарға мұнай өнімдерінің қалдықтарын жинау және жою үшін жұмысшыларға мынадай талаптармен қамтамасыз етіледі:

мұнай өнімдері буының мөлшері МШШ мәні аспайтын;

20 % кем емес оттегінің мөлшері (көлемі бойынша);

резервуардағы ауаның температурасы 35^оС көп емес;

резервуардағы ауаның салыстырмалы ылғалдылығы 70 % аспағанда кіруге рұқсат етіледі.

643. Шөгінділерді жоятын жұмыс кезінде резервуар үдемелі желдетіледі және ондағы зиянды бу мен газдың мөлшері кемінде әр сағат сайын бақыланады.

Анализдердің нәтижелері техникалық басшы белгілеген нысан бойынша «Анализдерді тіркеу журналына» енгізіледі.

Ауаның бақылау анализдері жұмыстағы бір сағаттан артық үзіліс кезінде резервуарға мұнай өнімдері буының кіру белгілері немесе метеорологиялық жағдайдың өзгергені білінген кезде жүргізіледі.

644. Зиянды будың мөлшері МШШ жоғары көбейген кезде тазарту жұмыстары тоқтатылады, ал персонал қауіпті аймақты тастап шығады.

Тазарту зиянды будың мөлшерінің көбею себебі анықталғаннан және оларды санитарлық нормаға түсіру бойынша шаралар қолданылғаннан кейін қайта басталады.

Тазарту жұмыстарын жүргізуге жауапты бақылаушы адам жұмысшылардың резервуарға кіруіне рұқсат етеді.

645. Тазартатын жұмысшылар арнаулы жұмыс киіммен, арнаулы аяқ киіммен қорғалады.

Аяқ киімнің болат жапсырмасы мен шегелері болмайды.

646. Шөгінділерді жою үшін қолданылатын құрал-сайман (түнгі көбелектер, қырғыштар, шелектер) болат заттар мен конструкцияларды соққылаған кезде ұшқын шығармайтын материалдардан жасалған.

Резервуарларды тазарту үшін ұшқын шығармайтын материалдардан жасалған щеткалар мен ағаш күректер қолданылады.

Резервуарларды тазарту үшін болат щеткаларды, қырғыштарды және тағы басқаларды қолдануға рұқсат етілмейді.

647. Жұмысшы газсыздандырылмаған резервуарға кіру қажет болған жағдайда арнаулы жұмыс киім мен арнаулы аяқ киім, құбыршекті газқағар, крест тәріздес иықбауы мен дыбыс беретін арқаны бар сақтандырғыш белбеу киеді.

Резервуарға кірер есікте екі бақылаушы осындай киіммен, аяқ киіммен, газқағармен «дайын» тұрады.

648. Резервуардағы газқағармен үзіліссіз жұмыстың ұзақтығы 15 минуттан көп емес; осы уақыт өткен соң жұмысшы таза ауада кемінде 15 минут дем алады.

649. Резервуарды тазалау және жөндеу кезінде бақылаушы адам тыныс органдарын қорғау құралдарын қолданар алдында маскаларды, құбыршектерді және олардың қалай жалғанғанын тексереді. Маскада немесе құбыршекте сызат, жалғануларында саңылау қалғаны табылған жағдайда оларды пайдалануға рұқсат етілмейді.

650. Резервуардың ішінде екі адам бір мезгілде жұмыс істеген кезде ауа тартатын құбыршектер мен құтқаратын арқандар кереғар қақпақтарда болады. Бұл ретте құбыршектердің резервуардың ішінен де сыртынан да өзара алмастыру мен бүктеу жойылады.

651. Жұмысшыда улану белгілері білінген жағдайда бақылаушы адам жұмысты тоқтатады және зардап шеккен адамды алғашқы көмек көрсету үшін көшіреді, ал қажет болған жағдайда емдеу мекемесіне жібереді.

Улану себептерін жойғаннан кейін тазалау жұмыстарын одан әрі қайта бастауға рұқсат етіледі.

652. Резервуарды механикаландырылған жуу және калий перманганатының ерітіндісін тозаңдандыру кезінде жұмысшыларға резервуарға кіруге рұқсат етілмейді.

653. Резервуарды тазалайтын бригада газсыздандырудың профилактикалық құралдарымен: хлорлы ізбеспен, керосинмен, ыстық сумен, сабынмен және дәрігерлік көмекке дейінгі қораппен қамтамасыз етіледі.

654. Тазарту жұмыстары аяқталған соң бақылаушы адам орындалған тазарту жұмысына акті жасайды.

655. Резервуарды отты жұмыстарды жүргізумен бірге жөндеуге дайындау кезінде одан анализ жүргізу үшін ауаның сынамасы алынады.

656. Резервуардың отты жұмыстарды жүргізе отырып жөндеуге дайындығы отты жұмыстарды жүргізе отырып резервуарға жөндеу жүргізу дайындығы туралы акті ресімделеді.

657. Резервуарда отты жұмыстарды жүргізумен қатар жүргізілетін жөндеу жұмыстары өрт қауіпсіздігі нормаларының талаптарын сақтай отырып орындалады.

658. Ашық отты қолданумен (пісіру, кесу) байланысты пайдаланылатын резервуарлық парктердің аумағындағы барлық құрылыс және жөндеу жұмыстары жүктелім-рұқсаттама негізінде жүргізіледі.

659. Бақылаушы адам олардың қауіпсіздік шараларын сақтау барысын жүйелі түрде бақылайды, жұмыс пен демалыс режимін белгілейді.

Резервуарға жұмысқа дімкәстігі бар жұмысшылар жіберілмейді.

660. Резервуардың ішіндегі жұмыстарда жұмыс орны құятын-соратын желдеткішпен және жарықпен қамтамасыз етіледі Құятын-соратын желдеткіш жұмыс аймағындағы ауаның 15-20 есе алмасуын қамтамасыз етеді.

Желдеткіш жарылыстан қорғалған жұмыстарды орындауға қолданылады.

Көрсетілген ауа алмасу болмаған жағдайда жұмысшылар құбыршекті газқағармен жұмыс істейді.

Ұзындығы 10 м көп құбыршекті қолданған кезде ауаны еріксіз жіберетін құбыршекті газқағар қолданылады.

Жарық беру үшін жарылыстан қорғалған кернеуі 12 В көп емес тасымал шырағдандар қолданылады.

661. Резервуардың ішіндегі барлық жұмысты құбыршекті газқағары дайын, дыбыс беретін арқанымен бірге сақтандыратын белбеумен қақпақтың сыртындағы бақылаушының қатысуымен жүргізуге рұқсат етіледі.

Бақылаушы құтқаратын арқанның ұшын қолында ұстап тұрып оқтын-оқтын оның ұшын тартқылайды және дыбыс беріп резервуардың ішіндегі жұмысшының көңілкүйін анықтайды.

Қажет болған жағдайда бақылаушы зардап шеккен адамды сыртқа алып шығады.

662. Резервуардың корпусы мен шатырын жөндеу және сырлау жұмыстары кезінде жерден 1 м және одан көп биіктікте орналасқан жұмыс орны қоршалады. Қоршау құрылғылары іске асырылмай немесе қолайсыз болған жағдайда жұмысшылар сақтандыратын белбеулермен жұмыс істейді.

Жұмыс басшысы сақтандыратын белбеудің карабині бекітілетін және ашық түсті бояумен сырланған жерді күні бұрын көрсетеді.

663. Резервуарларды жөндеу кезінде табақ болатты және тежегіш құрылғыларымен жабдықталған басқа да ауыр заттарды қауіпсіз көтеру үшін механикалық аспаптар қолданылады.

664. Нашар пісіру немесе корпустың негізгі металында сызат пайда болған жағдайда резервуар босатылады және жөндеуге қойылады. Резервуардың пісіру жігіндегі сызаттар мен қуыстарды соғуға, мұнай өнімдерімен толтырылған резервуардағы сызаттарды пісіруге рұқсат етілмейді.

665. Пенополиуретаннан оны тексеру немесе жөндеу үшін ені 650 мм кем емес және ұзындығы 2 м кем емес басқышпен понтон арқылы жүруге рұқсат етіледі. Басқыштар металл бекіткішсіз қалыңдығы 50 мм кем емес тақтайдан жасалады.

Ол құбылмалы жағдайда болғанда понтон арқылы жүруге рұқсат етілмейді.

29. 8. Сорғы жабдықтар мен технологиялық құбырларды жөндеу
666. Жабдықтардың саңлаусыздығын жоюмен бірге жөндеу жұмыстарын жүргізу үшін жүктелім-рұқсаттама ресімделеді.

667. Бақылаушы адам сорғыдағы жұмыстың барысын, қауіпсіздік шараларының сақталуын жүйелі түрде бақылайды.

668. Сорғы агрегаттары мен құбырларды олар жұмыс істеп тұрған уақытта жөндеуге рұқсат етілмейді.

669. Бөлшектелуге тиісті сорғы тоқтатылады, электр қозғалтқыштан ажыратылады, ысырмамен және бұқтырмамен құбырлардан ағытылып тасталады, оны ағызатын шүмек арқылы ыдысқа құю жолымен мұнай өнімдерінен толық босатылады.

Сорғылардың бөлшектелетін бөлшектері үшін сөре дайындалады.

Сорғы мен технологиялық бекіткішті жөндеу алдында электр қозғалтқыш желіден ажыратылады, оның кездейсоқ қосылуына қарсы шара қолданылады.

Іске қосу құрылғыларының жетегіне «Қосуға болмайды! Адамдар жұмыс істеп жатыр!» деген плакат ілінеді.

670. алынған сақтандырғыштарды орнатуды, ажыратылған тізбекті қосуды, және ауа беру кезінде ысырмаларды ашуды, жұмыс уақытында коммутациялық аппараттағы «Қосуға болмайды! Адамдар жұмыс істеп жатыр!» және «Ашуға болмайды! Адамдар жұмыс істеп жатыр!» плакатарды алуды оперативтік персонал немесе оның рұқсаты бойынша жұмысты жасаушы жүзеге асырады.

Оперативтік персоналға апробациялау үшін коммутациялық аппаратты дистанциялық қосуға немесе ажыратуға рұқсат етіледі.

671. Соратын немесе айдайтын құбырлардағы автоматика іске қосылмай қалған жағдайда автоматтандырылған сорғыдағы сорғыларды тоқтатқан кезде ысырмалар жабылады.

672. Ашуды, сорғыны сөндіруді, оны ысырмамен жұмыс істеп тұрған құбырлардан ажыратуды қажет етпейтін сорғыларды қысқа мерзімді жөндеу кезінде тыйым салатын плакат іледі және ысырмаларды кездейсоқ ашуға қарсы шара қолданады.

673. Сорғыны ашу кезінде төгілген мұнай өнімдері жиналады, ал мұнай өнімдері төгілген жер құммен көміледі немесе құбыршектен сумен тазартылады.

674. Жұмыс істеп тұрған сорғыдағы сорғыларды жөндеу кезінде технологиялық регламентте көрсетілген мерзімге сәйкес ауа кеңістігіндегі мұнай өнімдері буының мөлшеріне бақылау жүргізіледі. Мұнай өнімдері буының МШШ артуы білінген кезде жұмыс тоқтатылады, ал жұмысшылар қауіпті аймақтан шығарылады.

29. 9. Төгу-құю құрылғыларын жөндеу
675. Технологиялық жабдықтардың саңлаусыздығын жоюмен және өрт-жарылыс қаупі бар және зиянды заттардың бөліну мүмкіндігіне байланысты төгу-құю теміржол эстакадаларын, төгу-құю жабдықтарын жөндеу жұмыстарын жүргізу үшін жүктелім-рұқсаттама ресімделеді.

Жөндеу кезінде отпен істелетін жұмыстарды жүргізуге жүктелім-рұқсаттамада көрсетілген іс-шаралар орындалғаннан кейін рұқсат етіледі.

676. Төгу-құю құрылғыларында отпен істелетін жұмыстарды бастағанға дейін:

эстакададан теміржол цистерналары аулақтанады;

төгу-құю ғимараттарының алаңдары, төгетін науалар мен канализация астаулары мұнай өнімдерінің қалдықтарынан тазартылады;

төгу-құю құрылғылары мен құбырлар ажыратылады және мұнай өнімдерінен босатылады;

отпен жұмыс істелетін жерлерден 20 м жақынырақ қашықтықта орналасқан бақылау құдықтары, гидравликалық қақпалар қақпақтармен тығыздап жабылады және құм қабатымен көміліп тасталады;

мұнай өнімдерімен толтырылған тасмал астаулар мен резеңке құбыршектер жұмыс жүргізілетін аумақтан кемінде 20 м жерге аластатылады.

Тазалау үшін жолы қиын жерлер көбікпен толтырылады немесе жанбайтын материалдармен мұқият оқшауланады.

677. Отты жұмыстарды қолданатын жөндеу жұмыстарын төгу-құю операцияларын орындайтын жерден кемінде 100 м аралықта жүргізуге рұқсат етіледі.

678. Эстакаданың аумағында технологиялық жабдықтар мен цистерналарға жөндеу жұмыстарын жүргізуге рұқсат етілмейді.

679. Ысырма камералар мен құдықтарда жөндеу жұмыстарын жүргізу қажет болған кезде оларды желдету, оларда болатын мұнай өнімдерін өнеркәсіптік канализацияда жуып тазалау, еденді сумен жуады.

Жөндеу (отты) жұмыстары анализ үшін ауаның сынамасын сұрыптағаннан және тиісті (жөндеу немесе отты пайдаланатын) жұмыстарды жүргізу үшін қауіпсіз мұнай өнімдері буының мөлшерін растағаннан кейін жүргізіледі.

29. 10. Бақылау-өлшеу аспаптары мен автоматиканы жөндеу
680. Бақылау-өлшеу аспаптары (бұдан әрі – БӨА) мен автоматика құралдарын жөндеу осы аспаптар мен құралдарға арналған техникалық құжаттамаларға сәйкес жүргізіледі.

681. БӨА мен автоматика құралдарын жөндеу және тексеруді аттестатталған ұйымдар жүргізеді.

682. Бақылау аспаптары мен автоматикаға арналған үй-жайға жарылыс қаупі бар бу мен газдың үй-жайға кіруін болдырмас үшін желдеткіш жүйеден ауа кіреді.

Бақылау және автоматика аспаптарына берілетін ауа құрғатылады.

683. Сынапты аспаптарды жөндеу үшін оқшауланған үй-жай қарастырылады.

684. БӨА мен автоматика құралдарының үй-жайларының қабырғалары оларды көршілес газ өтпейтін жарылыстан қорғалған үй-жайдан оқшаулайтын.

685. Мұнай өнімдері мен олардың буына арналған жабдық пен технологиялық құбырларды жалғайтын импульстік желілерді осы үй-жайларда орналасатын аспаптармен және аппаратурамен бірге БӨА үй-жайына енгізіп орналастыруға рұқсат етілмейді.

686. БӨА үй-жайында қабырға арқылы жүргізілген өткізгіштер саңылаусыздандырылады. Манометрлердің, дифманометрлердің импульстік түтіктері қорғаныс түтіктерінің өткізгіштерін сымдарымен бірге көршілес жарылыстан қорғалған үй-жайдан БӨА үй-жайына орнатқан кезде жанбайтын қабырғаларға оларды БӨА үй-жайы жағынан қорғайтын импульстік түтіктерге саңлаусыз жалғау үшін оларға пісірілген құбыр кесінділерімен бірге металл тақталарды үйіп тастайды.

687. БӨА мен автоматика аспаптарын монтаждау, бөлшектеу, жөндеу жұмыстары оларды технологиялық импульстік желілерден ажыратқаннан және кернеуін өлшеп алғаннан кейін жүргізіледі.

688. БӨА мен автоматика аспаптары тікелей өрт қауіпі бар үй-жайларда жөнделеді дәнекерлеу, пісіру және басқа да от пен жоғары температураны қолданумен байланысты қолданбай-ақ «салқын» әдіспен жөндеуге рұқсат етіледі.

689. Жарылыс қаупі бар аймақтарда БӨА мен автоматиканы жөндеу жұмыстары кезінде қолданылатын кәбілдердің жанғыш материалдардан (кендір, таушайыр, мақта-мата өрмесі және тағы басқа) жасалған сыртқы жабындары болмайды.

690. Жарылыс қауіпі бар аймақтарда жүргізілетін 1 кВольттан жоғары кернеуге арналған кәбілдердің ұзындығын барынша шектейді.

691. Жарылыс қауіпі бар аймақтардағы жөндеу жұмыстары кезінде жалғастырып тұратын және тармақталатын кәбіл жалғастырғыштарды орналастыруға рұқсат етілмейді.

Жарылыс қаупі бар аймақтарда кәбілдерді төсеу кезінде кәбіл арналарын орналастыруға рұқсат етілмейді.

692. БӨА мен автоматика аспаптарының үй-жайларындағы жануды сөндіру үшін жобада нормаға сәйкес көмір қышқылды және/немесе ұнтақты өрт сөндіргіштер қарастырылады.

29. 11. Төтенше жағдайлардағы жұмыс
693. Тиеу-түсіру және бункерлеу үшін кемелерді теңіз айлақтарына арқандап байлауға жылдамдығы 7,4 м/с аспайтын итеретін жел және 10 м/с аспайтын ығыстыратын жел кезінде рұқсат етіледі.

694. Найзағай және желдің жылдамдығы секундына 15 м және одан да көп болған кезде теміржол, автомобиль эсткадаларында, теңіз және өзен айлақтарында төгу-құю операцияларына рұқсат етілмейді.

695. Желдің жылдамдығы секундына 12,5 м және одан да көп болған кезде ыдыстағы мұнай өнімдерін мұнара, порталды крандармен және жүкті ауыстырып тиейтін белдіктермен тиеу-түсіруге рұқсат етілмейді.

Желдің жылдамдығы секундына 15 м және одан да көп болған кезде ыдыстағы мұнай өнімдерін басқа да кран түрлерінің көмегімен тиеп-түсіруге рұқсат етілмейді.

696. Найзағай және желдің жылдамдығы секундына 12,5 м және одан да көп болған кезде резервуарларда, теміржол цистерналарында сынамаларға сұрыптау жүргізуге, мұнай өнімдерінің деңгейін өлшеуге, ашық ауада жоғарыда басқа да жұмыстарды орындауға рұқсат етілмейді.

697. Сырттағы ауа температурасының шекті мәні, қыздыру үшін жұмыс тоқтатылатын немесе жұмыста үзіліс ұйымдастырылатын осы климаттық аудандағы желдің жылдамдығы қолданысатын нормаларға сәйкес технологиялық регламентпен белгіленеді.

698. Айрықша метеорологиялық жағдайдағы құрылыс жұмыстарының қауіпсіздігі 1.03-05-2001 ҚР ҚНжЕ сәйкес жүзеге асырылады.

699. Жұмыс шебінің шегінде мұз қатып қалған, көз көрмейтін тұман кезінде жоғарыда (сынамаларды сұрыптау, қолмен мұнай өнімдерінің деңгейін өлшеу және басқалары) резервуарларда, теміржол цистерналарында, биіктеу тірек үстіне салынған тақтай төсемде және басқа конструкцияларда жүргізуге қосымша қауіпсіздік шараларын (бақылаушы-дублердің болуы, қосымша жарық беру, сақтандырғыш белбеулерді қолдану, сырғанауды жою үшін құм және басқа қажетті шаралар) орындаған кезде рұқсат етіледі.

700. Мұнай базалары мен АЖҚС аварияларды жою жоспары жасалады, онда ерекше жағдайларды ескере отырып, аварияны болдырмау және авариялық жағдайды жою жөніндегі персоналдың шұғыл іс-әрекеті, ал олар туындаған жағдайда - оқшауландыру, жану мен жарылысты болғызбау, зардаптардың ауыртпалығын барынша азайту және аварияны жоюмен жұмыс істемейтін адамдарды көшіру бойынша персоналдың шұғыл іс-әрекеті көзделеді.

701. Жазатайым оқиғалар мен апаттар заңнамада көзделген тәртіппен тексеріледі.

702. Оқиға, жабдықтар мен басқарушы жүйенің істен шығуы ұйымның акті жасап тексеруіне жатады.

29. 12. Кәсіби іріктеуге және ережелерді білуін тексеруге қойылатын талаптар

703. Мұнай базаларында, АЖҚСТ жұмыс істейтін персоналға қойылатын талаптар, жұмыс жүргізу тәртібі, өнеркәсіптік қаіпсіздік талаптарының белгіленген тәртібі бойынша жүзеге асырылады.

29. 13. Ұжымдық және жеке қорғану құралдарын қолдануға қойылатын талаптар

704. Жұмыс істейтіндердің ұжымдық қорғаныс құралдары еңбек жағдайын нормалау құралдары мен зиянды өндірістік факторлардың жұмысшыларға әсерін азайту құралдарын қамтиды:

ауа кеңістігінің;

жарықтың;

шу мен дірілдің деңгейі;

электр тогының зақымдауынан және статикалық электрден қорғау;

жылжымалы тораптар мен механизмдердің бөлшектерінен қорғау;

жоғарыдан құлаудан және басқа құралдардан қорғау.

705. Ұжымдық қорғаныс құралдары жобада құрылыс, жөндеу жұмыстары мен конструкцияларды орындаған кезде алдын ала қарастырылады.

706. Жұмысшылар жұмыс уақытында өздеріне берілген арнайы жұмыс киімін, арнайы аяқ киім мен жеке қорғаныс құралдарын (бұдан әрі – ЖҚҚ) пайдаланады.

ЖҚҚ өз сипаттамалары бойынша жұмысшылардың қауіпті өндірістік факторлардан қорғалуын қамтамасыз етеді.

707. Зияндылармен жұмыста және еңбектің ерекше жағдайында немесе ластануға байланысты жұмысшыларға тегін арнайы киім, арнайы аяқ киім және белгіленген норма бойынша басқа ЖҚҚ беріледі.

ЖҚҚ сақтау үшін кәсіпорында белгіленген норма бойынша жабдықталған бөлме (гардероб) пайдаланылады.

708. Тыныс алу органдарын қорғау үшін тыныс алу органдарының (бұдан әрі - ТОЖҚҚ) жеке қорғану құралдары қолданылады.

709. Тыныс органдарын, бет пен көзді бу-газ зиянды заттардан қорғау үшін сүзетін өнеркәсіптік газқағарлар қолданылады және 12.4.121 МСТ бойынша сынаққа тартылады.

жүктеу/скачать 0.83 Mb.

Достарыңызбен бөлісу: