Оңтүстік Қазақстан облысының 2015 жылғы қаңтар-қазан айларындағы

Облыстағы өндірілген өнеркәсіп өнім көлемінің 27,5% үлесін құрайтын тау-кен өндіру саласында өндірілген өнім көлемі – 26,7% артып, 143,7 млрд. теңгені құрады.

Өңдеу өнеркәсібі (үлесі – 63,2%) өнімінің нақты көлем индексі – 99,3%, өнім көлемі 331 млрд. теңгені құрады.

Электрмен жабдықтау, газ, бу беру және ауаны баптауда - 39,7 млрд. теңгені, бұл өткен жылдың сәйкес кезеңіне 72,1% құрады.

Сумен жабдықтау, кәріз жүйесі, қалдықтардың жиналуын және таратылуын бақылауда 9 млрд. теңгенің өнімі өндірілді, немесе өткен жылдың сәйкес кезеңіне 106,8% құрады.

Аса маңызды өнімдердің ішінде портландцемент – 16,6% (1748,9 мың тонна), құрылыс кірпіштері – 59,9 (208,5 мың м³), мақта иірімжібі – 32,0% (8859 тонна), мақта маталары – 13,7% (19,3 млн. шаршы метр) артты.

Сонымен қатар, бензин өндіру – 17,3% (784,1 мың тонна), керосин – 14,0% (207,8 мың тонна), газойли – 16,2% (968,6 мың тонна), электр энергиясы – 42,6% (658,9 млн. кВт.сағ.), жылу энергиясы – 20,7% (996,5 мың Гкал), мақта талшығы – 5,1% (34 мың тонна), бетон – 11,1% (775,4 мың тонна) кеміді.

Ауыл шаруашылығы. 2015 жылдың қаңтар-қазанында ауыл шаруашылығының жалпы өнім көлемі 300,4 млрд. теңгені құрады, бұл өткен жылдың сәйкес кезеңімен салыстырғанда 1,9% – ға артты. Оның ішінде мал шаруашылығы – 129,6 млрд. теңге (104,0%), егін шаруашылығы – 169,7 млрд. теңгені (100,6%) құрады.

Облыстың ауылшаруашылық тауар өндірушілері 160,6 мың тонна - мал және құс етін (тірі салмақта), немесе 2014 жылдың тиісті кезеңіне – 105,0%, сүт – 605,3 мың тонна, немесе 101,7%, жұмыртқа – 248,9 млн. дана, немесе 106,3% өндірді.

2015 жылдың 1 қарашасында облыстағы шаруашылықтардың барлық санаттарындағы ірі қара мал саны – 838,3 мың басты, немесе өткен жылдың сәйкес кезеңіне – 102,2%, қой – 3642,3 мың бас, немесе 104,3%, ешкі – 308,4 мың бас, немесе 97,0%, жылқы – 219,2 мың бас, немесе 110,4%, түйе – 23,2 мың бас, немесе 107,0%, шошқа – 31,8 мың бас, немесе 130,9%, құс саны – 2293,8 мың бас, немесе 100,8% құрады.

Көлік және байланыс. 2015 жылдың қаңтар-қазанында жедел деректер бойынша, темір жол көлігінен басқа, облыста барлық көлік түрлерімен 123,9 млн. тонна жүк және 1891,2 млн. жолаушы тасымалданған, немесе өткен жылдың тиісті кезеңіне – тиісінше, 105,1% және 102,5% құрады.

Әуе көлігімен жүк тасымалдау – 12,6%-ға артты, жолаушылар тасымалдау – 3,0%-ға кеміді, 896 тонна жүк және 1064,1 мың жолаушы тасымалданды.

2015 жылдың қаңтар-қазанында байланыс кәсіпорындары 8,9 млрд.теңгеге қызмет көрсеткен, бұл 2014 жылдың қаңтар-қазанымен салыстырғанда 4,9% артық. Халыққа көрсетілген қызметтің үлесі 61,7% құрады.

Табыс көлемінде басым үлес – жергілікті телефон байланысына (26,4%), халықаралық және қалааралық телефон байланысына (6,9%), интернет – 42,6% тиесілі.

2015 жылдың қаңтар-маусымында шағын кәсіпкерлік субъектілерінің шығарған өнімі (тауарлары, көрсеткен қызметі) 285,2 млрд. теңгені (114,2%), жұмыспен қамтылғандар саны 342,9 мың адамды құрады (114,0%).

Негізгі инвестициялық салымдарды шағын кәсіпорындар жүзеге асырған, олардың көлемі 205,9 млрд. теңгені (63,7%), немесе – 99,7% құрады.

Мемлекеттіқ бюджет қаржыларының үлесі 30,0%, немесе 97,1 млрд. теңге, меншікті қаражаттары – 46,0% немесе 148,9 млрд.теңге, қарыз қаражаты – 24,0%, немесе 77,6 млрд.теңге.

Инвестиция салымдарының басым салалары өнеркәсіп, көлік және қоймалау болып табылады, инвестициялардың жалпы көлеміндегі олардың үлесі, тиісінше 42,7% және 22,2% құрады.

Пайдалануға берілген тұрғын үйдің жалпы алаңы 418,6 мың шаршы метрді құрады. 2015 жылдың қаңтар-қазанында пайдалануға берілген тұрғын үйдің нақты көлем индексі өткен жылдың сәйкес кезеңіне 136,3% құрады.

Экспорт Евразиялық Экономикалық Одақ елдерімен 310,4 млн. АҚШ долларын (немесе 85,1%), импорт – 292,4 млн. АҚШ долларын (немесе 74,9%) құрады.

Республикалық бюджет 91,8 млрд.теңгені (бұл түсімдердің жалпы көлемінің – 54,2%), немесе, жоспарға – 111,8%, өткен жылдың тиісті кезеңіне – 85,3% құрады.

Жергілікті бюджетке 77,6 млрд. теңге түсіп, жоспарға – 105,2% және өткен жылдың тиісті кезеңіне – 124,1% құрады.

Ақша-несие саясаты. 2015 жылғы 1 қазанға екінші деңгейлі банктермен 170,3 млрд. теңге көлемінде несие берілді, бұл 2014 жылдың сәйкес кезеңімен салыстырғанда 19,0% кеміді, оның ішінде ипотекалық несиелендіруге 3,7 млрд. теңге несие берілді, немесе 23 % кеміді.

Шағын және орта кәсiпкерлiктi дамытуға берілген несиелердің көлемі 36,3 млрд.теңгені құрап, 2014 жылдың сәйкес кезеңіне 101,8% құрады.

Екінші деңгейдегі банктер несиесі негізінен – жеке тұлғаларға тұтыну мақсатында және басқада жеке қызмет түрлеріне – 56,4%, өнеркәсіп – 20%, сауда – 16,7%, ауыл шаруашылығы – 0,4%, құрылыс – 4,6%, көлік салаларына – 1,9% берілген.

Облыс банктеріндегі халық салымының көлемі 166,2 млрд. теңгені құрап 2014 жылдың сәйкес кезеңінен 30,9% артқан. Халық салымдарының басым бөлігі (66,8%) шетел валютасында.

Азық-түлік тауарлары нарығында баға күнбағыс майына – 23,2%, жұмыртқаға – 16,6 %-ға баға өсімі байқалды.

Азық-түлік емес тауарларынан киім мен аяқ киім бағасы – 13,5% кеңсе тауарлары – 7,2% қымбаттады.

Ақылы қызмет көрсету саласында стомотология қызметіне –13,8 %, мектептен тыс сабақтарға – 11,6%-ға жоғарылады.

2218 азаматқа атаулы әлеуметтік көмек көрсетілді, бұл өткен жылмен салыстырғанда 2606 адамға кем.

18 жасқа дейінгі 311,6 мың балаға жәрдемақы төленді, немесе 42,3 мың балаға артты.

Тұрғын үй көмегі 6206 отбасыға көрсетілді, немесе 284 отбасыға кеміді.

Ағымдағы жылғы 1 қарашаға жұмысқа орналастыруға өтініш білдірген 50,7 мың жұмыссыздан, 36,4 мың адам, немесе 71,8% жұмыспен қамту органдары арқылы жұмысқа орналастырылды. 48740 жаңа жұмыс орны, оның ішінде 23241 тұрақты жұмыс орны ашылды.

2015 жылы облыстық бюджеттен 17 денсаулық сақтау нысанының жөндеу жұмыстарына 1138,6 млн. теңге қарастырылған.

Денсаулық сақтау мекемелерінің материалдық-техникалық базасын жақсарту мақсатында, жергілікті бюджеттен – 1345,6 млн. теңге қарастырылған.

Сала желісі 857 мемлекеттік мекемелерден құралады, оның ішінде: 101 – аурухана, 245 – амбулаторлы-емханалық мекеме, 229 – медициналық пункт, 266 – фельдшерлік-амбулаториялық пункт, 16– басқалар.

Балалардың мектепке дейінгі біліммен қамту деңгейі (1 жастан 6 жасқа дейін) – 45,1%, «Балапан» бағдарламасы (3 жастан 6 жасқа дейін) бойынша – 76,9% құрады.

2014-2015 оқу жылында жалпы орта білім беру мектептерінің саны – 1022, ондағы оқушылар саны – 584,1 мың адам.

Жалпы орта білім беретін 1022 мектептің ішінен байланыс жүйелеріне – 1018 қосылған, интернет жүйелеріне - 1020 қосылған. Мектептер 40,9 мың бірлік компьютерлік техникамен жабдықталған, немесе бір компьютерге 14,3 оқушыдан келеді (2014 жылы - 11 оқушы).

262 мектепке спутниктік оқу телеарналары арқылы қашықтықтан оқыту жүйесі қосылған және 704 мектепке 1477 интерактивті тақталар орнатылған.

Орта білімді мамандар даярлаумен 90 колледж (оның ішінде 42 – мемлекеттік) жұмыс істейді, жалпы контингенті 70,9 мың оқушыны (мемлекеттік – 35,6 мың оқушы) құрады.