Павлодар облысы дамуының 2010-2014 жылдарға арналған стратегиялық жоспары туралы

1. 
   Миссия мен пайымдауы
   

Павлодар облысы денсаулық сақтау басқармасының миссиясы: облыс халқына сапалы медициналық көмектің қолжетімділігін қамтамасыз ету.

Павлодар облысы денсаулық сақтау басқармасының пайымдауы: облыс халқына сапалы медициналық және дәрілік көмектің қолжетімділігін қамтамасыз ету, денсаулық сақтау жүйесімен басқарманың тиімділігін арттыру, кадрлық ресурстарды дамыту.

2. 
   Ағымдағы жағдайды талдау
   

Денсаулық сақтау бюджеті 2004 жылдан бастап 2008 жылға дейінгі кезең ішінде 2,5 есеге (5415,0 млн. теңгеден 13284,1 млн. теңгеге дейін) көбейтілді. 1 тұрғынға арналған шығындар осы кезең ішінде 8504 теңгеден 17796 теңгеге дейін немесе 2 есеге артты.

Демографиялық көрсеткіштердің талдауы бойынша 2004 жылдан бастап 2008 жылға дейін туушылық 1000 тұрғынға шаққанда 14-тен 17,3-ке дейін немесе 1,2 есеге өсті. Халықтың табиғи өсімі 1000 тұрғынға шаққанда 2,6-дан 5,7-ге дейін немесе 2,3 есеге дейін көбейтілді.

2007 жылы өткен жылмен салыстырғанда сәби өлім-жітімінің көрсеткіші 1000 тірі туылғанға шаққанда 14,9-дан 10,7-ге дейін төмендеді. 2008 жылы тірі туудың жаңа критерийлеріне көшуіне байланысты сәби өлім-жітімінің көрсеткіші 1000 тірі туылғанға шаққанда 20,0-ді құрады және республикалық көрсеткішке сәйкес келеді.

Ана өлім-жітімінің көрсеткіші 2007 жылмен салыстырғанда 100 мың тірі туылғанға шаққанда 43,3-тен 7,8-ге немесе 5 есеге дейін төмендеді. Облыс бойынша ана өлім-жітімі республикада ең төмен болып табылады.

Туберкулез аурушаңдығының талдауы бойынша 2005 жылдан бастап жылына 6-7% -ға төмендеу тенденциясы байқалды, 2008 жылы көрсеткіш 100 мың тұрғынға шаққанда 141,5-ті құрады. Оған алдын алу жұмысының жақсартылуы әсер етті.

Қатерлі жаңа ісіктер аурушаңдығы 100 мың тұрғынға шаққанда 1998 жылдан бастап 2006 жылға дейін 13%-ға өсті, соңғы 2 жыл ішінде аурушаңдықтың және өлім-жітімнің тұрақтандырылуына тенденция байқалды. Жаңа химиялық препараттарды қолдану және емдеудің жаңа стандарттарын енгізу аурушаңдықтың және өлім-жітімінің тұрақтандырылуын қамтамасыз етеді. Ерте анықтау және онкологиялық сақтық мақсатында жыл сайын медициналық қызметкерлер оқуды әр түрлі деңгейлерде өтеді.

Жүрек-қан тамыры ауруларының аурушаңдығы 2004 жылдан бастап 2008 жылға дейінгі кезең ішінде 21%-ға көбейтілді, өлім-жітім 8%-ға өсу тенденциясына ие. Жүрек қан-тамыр ауруларынан өлім-жітім 2008 жылы халықтың жалпы өлім-жітім көрсеткішінен 51,1%-ды құрады және өсуге тенденциясы бар. 2008 жылы оның 3,4%-,а төмендегені белгіленді, көрсеткіш 2007 жылы 604,8-ге қарсы 100 мың тұрғынға шаққанда 581,1-ді құрады.

Облыс бойынша жалпы аурушаңдық 2004 жылдан бастап 2008 жылға дейін 100 мың тұрғынға шаққанда 1079886,0-ден 123887,5-ке дейін өсті. Өлім-жітім көрсеткіші 2008 жылы 2004 жылдың деңгейінде қалды және 1000 адам тұрғынға шаққанда 11,4-ті құрады.

Аурушаңдық және өлім-жітім көрсеткіштері бірқатар себептермен түсіндіріледі:

1) халықтың қартаюы (халықтың регрессивті түрі) – халықтың жалпы санында балалардың үлесі төмендеді және 50 жастан жоғары тұлғалар үлесінің көбеюі байқалуда, туғаннан 15 жасқа дейінгі балалар – 19,5%, 15-49 жастағы тұлғалар – 57,4%, 50 жастан жоғары – 23,4%;

2) Павлодар облысы өндірістік аймақ болып табылады, облыс аумағында ірі өндірістік кәсіпорындар бар - мұнай өңдеу, электролиз, алюминий, ферроқорытпа зауыттары, олар қаланың шегінде орналасқан;

3) облыстың үш ірі ауданы бұрынғы Семей ядролық полигонының аумағына жақын орналасқан;

4) халықтың бұқаралық топтарына профилактикалық тексерулер өткізу және ауруларды белсенді анықтау.

1) дәрігер кадрлардың тапшылығы 300 адамнан аса, соның ішінде ауылда – 80;

2) халықтың басым көпшілігінде өзінің денсаулығын сақтауда және нығайтуда қызығушылықтың болмауы, бұл азматтардың денсаулықтары үшін көбінесе мемлекеттік жауапкершілікке әкеледі.
2014 жылға дейін денсаулық сақтаудың негізгі стратегиялық бағыттары мыналар болып табылады:

1) халықтың денсаулығын сақтау және нығайту, ана мен бала денсаулығын жақсарту;

2) әлеуметтік маңызды аурулардан аурушаңдықты және өлім-жітімді төмендету, салауатты өмір салтын қалыптастыру, денсаулықты сақтау үшін ортақ жауапкершілік.

Жақын арадағы үш жылда облыс денсаулық сақтау саласын дамыту үшін мына болжамды факторлар әсер етеді