Павлодар облысы әкімдігінің

Павлодар облысы әкімдігінің

“Павлодар облысы туризм, дене тәрбиесі және спорт басқармасының

2010-2014 жылдарға арналған

стратегиялық жоспары туралы”

№ 271/18 қаулысымен

бекітілген

1. 
   Миссиясы мен пайымдауы
   

Павлодар облысы туризм, дене тәрбиесі және спорт басқармасының миссиясы – бұл туризм, дене тәрбиесі және спорт саласындағы мемлекеттік саясатты іске асыру мақсатында тиімді мемлекеттік басқару мен салааралық, аймақаралық үйлестіруді қамтамасыз ету.

Пайымдауы – бәсекеге қабілетті туристік индустрияны және Павлодар облысында салауатты өмір салты қағидаттарын енгізудің тиімді тетігін құру.

2. Ағымдағы жағдайды талдау
Туризм саласында облыстық мәслихаттың (ІІІ сайланған XXV сес-сиясы) 2007 жылғы 1 маусымдағы № 39/25 шешімімен бекітілген Павлодар облысында туризмді дамыту бағдарламасын іске асыру жалғасуда. Туристік фирмалардың және жайғасу нысандарының қызметін пайдаланған адамдар саны 2008 жылы 111,1 мыңнан астам адамды құрады. Соның ішінде көшпелі туризм (Қазақстан Республикасы аумағының шегінен тыс) – 6,3 мың адам, ішкі туризм бойынша - 100,0 мың адам және кірме туризм бойынша – 5,5 мың адам.

Туристік саланы 53 туристік фирма мен туристік қызметпен айналысатын 5 жеке кәсіпкер құрайды, олардың қызметін 12197 мың келуші, соның ішінде ішкі туризм бойынша – 6045 адам және көшпелі туризм бойынша (Қазақстан Республикасы аумағының шегінен тыс) – 6152 адам пайдаланды.

Жалпы алғанда, 2008 жылы туристік ұйымдардан түскен кіріс 48,2 млн. теңгені және бюджетке аударылған салық сомасы 1,1 млн. теңгеден астам қаражатты құрады. Қонақ үй шаруашылығының 37 мекемесі 680,0 млн. теңгеге қызмет көрсетті.

Әлемдік қаржы дағдарысына байланысты теріс әсер туристік ағын көлеміне ықпал етті. Жалпы алғанда, облыста туристер саны ішкі туризм бойынша 3,5%-ға және көшпелі туризм (Қазақстан Республикасының аумағынан тыс) бойынша 1,5%-ға төмендеді.

Сонымен қатар, бүгінгі күні шешілуі Павлодар облысында туристік саланы одан әрі мақсатты дамыту үшін қолайлы жағдайлармен қамтамасыз ету деп белгіленген мақсатқа қол жеткізуге мүмкіндігін беретін мәселелер қатары бар:

Туристік инфрақұрылымның жеткіліксіз дамуы. Қонақ үй, пансионат, демалыс үйлері мен базалары, сонымен қатар санаториялық-курорттық мекемелерді қосқанда жеке орналастыру нысандарының материалдық базасы едәуір моральдық тозу дәрежесіне ие. Бүгінгі күні туристерге арналған туризм нысандары мен тұру орындары сапа стандарттарына сәйкес келе бермейді.

Облыс аумағындағы қызмет көрсетудің төмен деңгейі мен тарихи орындарына қатынасу қиындығы қазақстандық және шетел туристері үшін тартымды емес. Тарихи орындар бойынша туристік маршруттарды насихаттау мен алға бастыру сапалы қайта қарастыруды қажет етеді.

Кадрларды даярлау, қайта даярлау және біліктілігін арттыру деңгейінің төмендігі. Қызмет көрсету саласында мамандандырылған туристік кадрлардың жетіспеушілігі туризмнің дамуына кедергі келтіретін негізгі мәселелердің бірі болып табылады. Бұл туризм индустриясы нысандарында білікті қызметкерлердің жоқтығы мәселесіне ғана емес, сонымен қатар туристік сала үшін кадрларды даярлау сапасына да қатысты.

Павлодар облысының жеткіліксіз туристік тартымдылығы. Облыстың оң туристік имиджін қалыптастыру жөніндегі іс-шаралар жүйесіз сипатқа ие, туризм бойынша көрмелерге қатысу облыстың жарнамалық қызметінің тиімділігін толық көлемде қамтамасыз етпейді.

Облыс туризмінің қалыптасқан бәсекеге қабілеттілік деңгейін сақтап қалған жағдайда, отандық туристік нарықты дамыту мүмкіндіктері туристік нарықта халықтың тұрмыс деңгейін және жұмыспен қамтылуын арттыру, сапалы туристік қызметтерге өсіп келе жатқан сұранысты қанағаттандыру және облыста туризмді орнықты дамыту үшін жағдайларды қалыптастыру үшін жеткіліксіз болады.

Спорт саласында жаттығатындар саны 136,0 мыңнан астам адамды құрайтын (ауылда 42,5 мың адам) 836 дене шынықтыру ұжымында (ауылда 515) жұмыс жүргізілуде.

Облыста 16,5 мың оқушы жаттығатын 19 балалар-жасөспірімдер спорт мектебі мен 8 мамандандырылған балалар-жасөспірімдерге арналған олимпиадалық резерв мектебі жұмыс істейді.

Облыс қалалары мен аудандарында дене тәрбиесі және спорт қызметкерлерінің штат саны 2148 бірлікті құрайды (ауылда 930 адам).

Облыс қалалары мен аудандарында 3031 спорт нысаны (ауылда 1764) жұмыс істейді.

Соның ішінде: “Астана” мұз сарайы; 16 стадион (ауылда 9); 1 манеж; 1 ипподром; 17 спорт кешені (ауылда 4); 484 спорт залы (ауылда 307); 17 жүзу бассейні (ауылда 3); 3 шаңғы базасы; 149 ату тирі (ауылдық жерлерде 90); 1 атуға үйренетін орын; 60 хоккей алаңы (ауылда 23); 2009 жазықтық ғимарат (1271 ауылда); 11 теннис алаңы; 269 қоса салынған спорт залы (стандартты емес, ауылда 56); 1 боулинг; 7 бильярд залы.

<sub>Сондай-ақ, мәселелер қатары белгіленуде:

материалдық-техникалық база мен спорт инфрақұрылымының төмен деңгейі;

жұмыс істеп тұрған олимпиадалық резервті даярлау орталығының балансында меншікті спорт базасы жоқ;

облыс ауылдарында спорт базаларының 80-90% жалпы білім беру мекемелеріне бекітілген, сондықтан 18-ден жоғары жастағы халық санаты қамтылмай қалады.</sub>

Спорт нысандарына ғана емес, сонымен қатар спортта дарынды балаларға арналған облыстық мектеп-интернатының спорт базасын спорттық мүкәммалмен және құрал-жабдықпен қамтамасыз ету қажеттілігі бар.