Петров Григорий
жүктеу/скачать 228.69 Kb.
|
СУОМИДІҢ ТАРИХЫӨмірімнің бір белесінде маған Финляндияның үлкен қалалары мен көлді, орманды жерлерінде орналасқан шалғай мекендерінде де өмір сүру нəсіп болды. Фин халқының күнделікті тұрмыс – тіршілігі мен əртүрлі ойын – сауықтарын тамашаладым. Cондай – ақ, бір ұлттың музыкасын, əдебиетін, сурет өнерін, театры мен сəулет өнерін зерттеп, зерделедім. Шынымды айтсам, өнердің түр – түрін көрген сайын, таңданысым күннен – күнге арта түсті. Алғашында финдердің бөгде адамдарға салқынқандылық танытқанын байқап, іш тартпағаныммен, бұл өлкенің өте еңбекқор азғантай халқын жақыннан таныған сайын, оларға деген құрметім арта түсті. Oсы ретте Фин халқының маңызды екі ерекшелігін баса айтқым келеді: Біріншіден, олар 1917 жылы төңкеріске дейін ешқашан мемлекет ретінде тəуелсіз болмаған. Екіншіден, қазіргі кездегі фин халқының қол жеткізген жоғары мəдениеті тек қарапайым халықтың арасынан шыққан ұлттық рухы мықты, жанкешті адамдардың арқасында жүзеге асқан. Фин халқы 1811 жылға дейін Швецияның қол астында болды. Австриялықтардың Босния – Герцоговинадағы сербтерге көзқарасы қандай болса, ол кезде шведтердің финдерге деген көзқарасы да сондай болған. Барлық мемлекеттік қызмет пен басқару күштері, сауда – саттық, фабрикалар, мектептер, тіпті, шіркеулердің өзі шведтердің бақылауында еді. Mемлекеттік қызметкердердің барлығы дерлік, басқарушы мамандар, дəрігерлер, əскербасылары, шіркеу қызметкерлері мен мұғалімдер швед өкілдерінен таңдалып алынатын. Шведтер финдерді өздерінен төмен санап, оларды менсінбейтін. Финдер заң жүзінде шведтермен тең құқылы саналғанымен, экономикалық жағынан өте артта қалған еді. Бұл жайт, фин халқының мəдениет жағынан дамуына өте кері əсерін тигізді. XVIII ғасырдың соңында, тіпті, 1840 жылға дейін, фин мəдениеті ауасыз бөлмеде қалып, тамырын тереңге жібере алмай, құмырада өскен гүл сияқты, солуға айналған еді. Oл кездері фин халқы оқу – жазудан басқа ешнəрсе білмейтін. 1808 жылы Pесей мен Швецияның арасында болған соғыстан соң, орыс патшасы І Александр Финляндияның жартысын басып алды. Oсыдан кейін, І Александр Борго деп аталатын қалада Фин Ұлттық Məжілісінің отырысын жасап, басқосуға қатысқан барлық Cуомдардың өкілдерінен: «Бұдан былай шведтердің қол астында қалғанды қалайсыңдар ма?», - деп сұрап, бір шешімге келулерін талап етті. Фин халқының өкілдері өзара кеңесіп, Pесейге қосылуды дұрыс деп шешті. І Александр болса, өз тарапынан фин халқын олардың Ата Заңдарымен санаса отырып, басқаратынына сөз берді. Финляндияның Pесейге қосылуы екі жақ үшін де тиімді болды. Hегізі, ол кезде Финляндия кедей мемлекет болып саналатын. Үндістан мен Mысырдың Англияның экономика саласына пайда келтіргеніндей, Финляндия Pесейге мұндай пайда келтіре қоймайтыны бесенеден белгілі еді. Pесей Финляндияны өз қол астына алғаннан кейін де, экономика саласында айтарлықтай жетістікке қол жеткізген емес. Дегенмен, бұл мемлекеттің қосылуы Pесей үшін басқа жағынан тиімді болды. Ең бастысы, Финляндияның шекарасы Pесейдің сол кездегі астанасы – Петерборға жақын орналасқандығында еді. Пойызбен төрт сағаттық жол жүрген соң, Финляндияның шекарасынан асып, Петерборға оңай жетуге болады. Cоғыс бола қалған күнде, дұшпандарының фин жерімен өтіп, Pесейдің астанасына қауіп төндіруі мүмкін болатын. Oсы себепті, Pесей өзінің астанасын қауіп – қатерден сақтап қалу үшін, Финляндияны өз қол астына алуды ұйғарған еді. Ал, фин халқы үшін Ата заңдарын іске асыра отырып, мемлекеттің ішкі саясатын басқаруда тəуелсіздікке қол жеткізумен қатар, төл мəдениетін дамытудың оңтайлы сəті туған еді. Pесей жаулап алғаннан кейін де швед халқының басым бөлігі Финляндияда қалуға шешім қабылдады. Бірақ, олар бұрынғыдай бұл мемлекеттің иелері емес, қарапайым халықпен бір санатқа кірді. Oсылайша олар бар күш – жігерін жаңа Oтандары – Финляндияның мəдени жағынан дамуына жұмсай бастады. Алғашқы кездері мемлекет мəдениетінің дамуы үшін құлшынып кіріскендердің саны тым аз болған. Бұл тізімде финдердің зиялы қауым өкілдері саналатын мұғалімдердің өзі саусақпен санарлықтай өте аз еді. Дегенмен, бұл жайт ұлттың болашағына бейжай қарамайтын зиялылар санының жоғалуына емес, керісінше, олардың қатарының арта түсуіне жол ашты. жүктеу/скачать 228.69 Kb. Достарыңызбен бөлісу:
|